Connect with us

Ethiopia

ኢትዮጵያ በዓለም ቅርስነት ያስመዘገበችው-ግብረ ህማማት

Published

on

ኢትዮጵያ በዓለም ቅርስነት ያስመዘገበችው-ግብረ ህማማት

ኢትዮጵያ በዓለም ቅርስነት ያስመዘገበችው-ግብረ ህማማት

ተጓዡ ጋዜጠኛ ሄኖክ ስዩም የስቅለትን በዓል ምክንያት በማድረግ ግብረ ህማማት የተባለውንና በዓለም ቅርስነት የተመዘገበውን የኢትዮጵያ የጽሑፍ ቅርስ እንዲህ ያስተዋውቀናል፡፡ | ሔኖክ ስዮም በድሬትዩብ
————-
ኢትዮጵያ ጥንታዊትና ታሪካዊት ሀገር ናት ስንል ቃዥተን አይደለም፡፡ ከምኞትም አልተነሳንም፤ መነሻን የአባቶቻችን ታሪካዊ አሻራዎች ናቸው፡፡ የሚነበቡና የሚተነተኑ የብራና መዛግብት፣ የፍልስፍና ሰነዶች፣ ድንጋይ ላይ የቀሩ የታሪክ እውነታዎችን ይዘናል፡፡ ዛሬ ስቀለት ነው፡፡ ስቅለትን ምክንያት አድርገን ስለ ታላቁ የጽሑፍ ቅርሳችን እናወራለን፡፡ ግብረ ህማማት መጠሪያው ነው፡፡ ስለ ክርስቶስ ህማም መከራና ስቃይ የሚያትት መጽሐፍ ነው፡፡ ከእነዚህ መጽሐፍት አንዱ የሆነው ጥራዝ እድሜውና ፋይዳው ተጢኖ በዓለም ቅርስነት ተመዝግቧል፡፡

ዩኔስኮ ሚሞሪ ኦፍ ዘ ወርልድ የሚለው የሀብት ዘውግ አለ፡፡ ይሄ ዘውግ ለሰው ልጆች ፋይዳ ያላቸውን የጽሑፍ ቅርሶች ለይቶ በዓለም ቅርስነት ይዘመግባል፡፡ ኢትዮጵያ አስራ ሁለት የጽሑፍ ቅርሶችን በዚህ ዘርፍ በዩኔስኮ አስመዝግባለች፡፡ በእርግጥ ከልጅነቱ ጀምሮ የፈረንጅ ትምህርትን እንደ ህይወቱ ግብ የሚመለከት፣ በፈረንጅ የስኬት መለኪያዎች ራሱን የሚለካ፣ ሲያመው የፈረንጅ ኪኒኒ የሚውጥ፣ ፈረንጅ በሰራው ቴክኖሎጂ መረጃ ተቀብሎ እየላከ የፈረንጅ የሆነው ዩኔስኮ ምንድን ነው ብሎ የሚያብጠለጥል አይጠፋም፡፡

እኔ ግን እላለሁ፤ ያሉን ሀብቶች ስላገኙት ክብር ይገባቸዋል፡፡ በዚህ አግባብም የዓለም የጽሑፍ ቅርስነት መዝገብን እንደ የ15ኛው ክፍለ ዘመኑ መጽሐፈ ሄኖክ፣ የ16ኛው ክፍለ ዘመኑ መዝሙረ ዳዊት፣ የ17ኛው ክፍለ ዘመኑ መጽሐፈ ቅዳሴን ጨምሮ የነገስታት ደብዳቤዎች፣ ታሪከ ነገስትና ፍትሐ ነገስትን ጨምሮ ጥንታዊው አርባዕቱ ወንጌል እንዲሁም የሐዋርያው ጳውሎስ መልእክት በቅርስነት ተዘመግበዋል፡፡

ከእነዚህ አስራ ሁለት ቅርሶች አንዱ ግብረ ህማማት ነው፡፡ በዓለም ቅርስነት ያስመዘገብነው ግብረ ህማማት ከ600 ዓመት እድሜ በላይ ያስቆጠረ የ15ኛው ክፍለ ዘመን የጽሑፍ ቅርስ ነው፡፡ በእያንዳንዱ ገጽ ሁለት አምድ ላይ ተከፍሎ የተጻፈው ይህ ቅርስ በግዕዝ ቋንቋ የተጻፈ የብራና መጽሐፍ ነው፡፡ ፊደላቱ ጉልህና ቁልጭ ያሉ ሲሆን ለአንባቢ አያስቸግሩም፡፡ ይልቁንስ ቀለሙ አበሳ ከሚያሳይ የዘመኑ የፕሪንተር ህትመት በተሻለ ለዓይን የሚመቹ ናቸው፡፡

የዓለም ቅርሱ ግብረ ህማማት 40 ሴንቲ ሜትር በ33.5 ሴንቲ ሜትር የሆነ ስፋትና ቁመት አለው፡፡ አራት መቶ ሰላሳ አራት ገጾች ሲኖሩት በእንጨትና በቆዳ ሽፋን የተለበጠ ነው፡፡ ይህ ቅርስ ከዓለው እድሜና ከተጻፈበት ዘመንና አኳያ ቀደምት ከሚባሉ የሀገራችን ቅርሶች አንዱ ሲሆን ሞሞሪ ኦፍ ዘ ወርልድ ደግሞ በዓለም ቅርስነት መዝግቦታል፡፡ የኢትዮጵያ ብሔራዊ ቤተ መዛግብትና ቤተ መጽሐፍት ኤጀንሲ በተመሳሳይ መልኩ በዓለም ቅርስነት እንዲመዘገቡለት ባህረ ሀሳብ/አቡሻርና መጽሐፈ ድጓ የተባሉ የጽሑፍ ቅርሶችን ለዩኔስኮ አቅርቧል፡፡

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ

** ኢትዮ ጵያን የተመለከቱ የተለያዩ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close