Connect with us

Ethiopia

የወሰን ማንነት ጉዳዮች ኮምሽን ሥራ አለመጀመሩ እያነጋገረ ነው

Published

on

የወሰን ማንነት ጉዳዮች ኮምሽን ሥራ አለመጀመሩ እያነጋገረ ነው

በሕዝብ ተወካዮች ምክርቤት ታህሳስ 11 ቀን 2011 የፀደቀውና በህወሓት ከፍተኛ ተቃውሞ የገጠመው የአስተዳደር ወሰንና የማንነት ጉዳዮች ኮሚሽን ባልታወቀ ምክንያት እስካሁን ሥራ አለመጀመሩ ተሰማ።

አንድ የኮምሽኑ አባል በፌስቡክ ገፃቸው እንዳሰፈሩት “የኮሚሽን አባላቱ ፓርላማ ቀርበን ቃለ መሃላ ፈጽመናል። ከዚያም አንድ ቀን ትውውቅ አድርገናል። ከዚህ ውጭ እስካሁን ምንም የሠራነው ነገር የለም። ሰብሳቢና ምክትልም አልተሾመም” ብለዋል።
ኮምሽኑ ሥራ ያልጀመረበት ምክንያት ምን እንደሆነ አልጠቀሱም።

የአስተዳደር ወሰንና የማንነት ጉዳዮች ኮሚሽን በራሱ የመወሰን ስልጣን ያልተሰጠው፣ የግጭት መንስኤዎችን ሳይንሳዊ በሆነ መንገድ የሚያጠናና አማራጭ የመፍትሄ ምክረ ሃሳቦችን ለሚመለከታቸው አካላት የሚያቀርብ ነው።

በፓርላማ የኮሚሽኑ አዋጅ በ33 ተቃውሞ፣ በአራት ድምጸ ተዓቅቦና በአብላጫ ድምጽ ከመጽደቁ በፊት የምክር ቤቱን አባላት በሁለት ጎራ ከፍሎ አከራክሯል።

በመጀመሪያ ረቂቅ አዋጁ በኅብረተሰቡ ዘንድ ውይይት ያልተደረገበት፣ የጥቂት አካላት ፍላጎት፣ ህገ መንግስቱን የጣሰና መሰረታዊ ዝንፈት ያለበት እንደሆነ ተገልጿል፤ ከአሁን ቀደም የጸደቁ አዋጆች ዋጋ እንዳስከፈሉም ተነግሯል።

የአስተዳደር ወሰንና የማንነት ጉዳይ በህገ መንግስቱ መሰረት የፌዴሬሽን ምክር ቤት ምላሽ ሲሰጥበት የቆየ ሆኖ ሳለ የህገ መንግስቱን አንቀጾች ለአብነት አንቀጽ 39፣ 47፣ 48፣ 62፣ 81፣ 82ን በመቃረን የወጣና ተገቢነት የሌለው አዋጅ ነውም ተብሏል።

በአገሪቱ ከወሰንና ማንነት ጋር በተያያዘ የሚነሱ ግጭቶች እንኳን ቢኖሩ የፌዴሬሽን ምክር ቤትን ማጠናከር እንጂ ስልጣኑን የሚጋፋ፣ የህዝቦችን የስልጣን የበላይነት የሚነፍግ፣ የስልጣን ክፍፍልን የሚጻረር ኮሚሽን ማቋቋም አያስፈልግል የሚል አስተያየትም ተሰጥቷል።

የትግራይ ምክር ቤትም የማንነትና የወሰን ጉዳዮች ኮሚሽን ማቋቋሚያ አዋጅ ውድቅ እንዲሆን የሚጠይቅ የውሳኔ ሐሳብ ማፅደቁም የሚታወስ ነው።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close