Connect with us

Law or Order

በርበሬ ለማስመሰል ልብስ ማቅለሚያ ቀለም ጭምር የሚጠቀሙ እየተያዙ ነው

Published

on

በርበሬ ለማስመሰል ልብስ ማቅለሚያ ቀለም ጭምር የሚጠቀሙ እየተያዙ ነው

ኢትዮጵያ የምግብና መድኃኒት ቁጥጥር ባለስልጣን ከክልል ምግብና መድኃኒት ተቆጣጣሪና ከፖሊስ አካላት በጋራ በመሆን በአገር አቀፍ ደረጃ ለህብረተሰቡ በብዛት ከሚቀርቡ ምግቦች ውስጥ አንዱ የሆነው በርበሬ ላይ ሰፊ የቁጥጥርና ክትትል ስራ እያከናወነ ነው።

በአዲስ አበባ ከተማ መስተዳድር ፣በአማራ ክልል፣ ደቡብና ሌሎች ክልል ከተሞች 65 ተቋማት መርመራ ተደርሶባቸዋል። በአዲስ አበባ ከተማ በርበሬንና እርድ 40 በመቶ ከበቆሎ ጋር ማደባለቅ፣ ምንነቱ የማይታወቅ ቀይ ስራስርና ሌሎች የእህል ተረፈ ምርት ጋር በማቀላቀል ንፅህና በሌላቸው ማምረቻ መሳሪያ/ወፍጮ በመጠቀም መፍጨት እንዲሁም የተፈጨውን ምርት ትክክለኛ የበርበሬ መልክ እንዲይዝ ለጤና ጎጂ የሆነውን የልብስ ማቅለሚያ ቀለም በመጠቀም ማመሳሰልና አንደኛ ደረጃ በርበሬ በማለት ለገበያ ሊቀርቡ ሲል ድርጅቶቹን የማሸግና ተጠርጣሪ ግለሰቦቹን በህግ ቁጥጥር ስር እንዲውሉ ተድርጓል።

በደቡብ፣ አማራና ክልል ከተሞች በተደረገው የቁጥጥር ስራዎች ንፅህና ጉድለት ባላቸው ማምረቻ መሳሪያ/ወፍጮ በመጠቀም በርበሬን ከጥቁር አፈርና ጨው ጋር በማቀላቀል ማምረት ለገበያ ሊቀርብ ሲል በቁጥጥር ስር የዋለ ሲሆን ድርጅቶቹን የማሸግና ተጠርጣሪ ግለሰቦቹን በህግ ቁጥጥር ስር እንዲውሉ መደረጉን ባለስልጣን መ/ቤቱ ለሚዲያ አካላት በተሰጠ ጋዜጣዊ መግለጫ ወቅት የገለፀ ሲሆን ህብረተሰቡ ምግብን ከባዕድ ነገሮች ጋር የሚያቀላቅሉ ድርጀቶችና ግለሰቦች እንዲሁም አጠራጣሪ የሆኑ ምርቶች በገቢያ ላይ ሲያጋጥም ለአከባቢው ላሉ የምግብና መድኃኒት ተቆጣጣሪ አካላት፣ ጤና ቢሮ ወይም ጽ/ቤት፣ ለፖሊስ አካላትና ለባለስልጣን መ/ቤቱ ነፃ የስልክ መስመር 8482 ጥቆማ እንድትሰጡ ጠይቋል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close