Connect with us

Business

ኢቢሲ እና ኢቢኤስ የተሳሳተ ማስታወቂያ አሰራጭተዋል በሚል ተቀጡ

Published

on

ኢቢሲ እና ኢቢኤስ የተሳሳተ ማስታወቂያ አሰራጭተዋል በሚል ተቀጡ

ኢቢሲ እና ኢቢኤስ የተሳሳተ ማስታወቂያ አሰራጭተዋል በሚል ተቀጡ
– ከ22 ሚሊዮን ብር በላይ እንዲከፍሉ ተፈርዶባቸዋል፣

የማስታወቂያና የብሮድካስት ህጉን በመተላለፍ ሸማቹ እንዲታለል አድርገዋል በሚል 22 ሚሊዮን ብር እንዲከፍሉ የተፈረደባቸው የኢትዮጵያ ብሮድካስቲንግ ኮርፖሬሽን (ኢቢሲ) እና ኢቢኤስ ናቸው፡፡

የሲኖ ትራክ መኪና በግማሽ የቅድሚያ ክፍያ ከውጭ አስመጣላችኋለሁ በሚል በሚሊዮን የሚቆጠር ብር ሰብስቦ ተሰውሯል የተባለው ዙና ትሬዲንግ ባለፈው ሐምሌ ወር ያላግባብ የሰበሰበውን 58 ሚሊዮን ብር ለ98 ከሳሾች እንዲመልስ እንደተወሰነበት ይታወሳል፡፡

በጉዳዩ ሁለተኛ ተከሳሽ የሆኑት ኢቢኤስና ኢቢሲ ደግሞ ሀሰተኛ ማስታወቂያ በማሰራጨታቸው ሀላፊ ተደርገው የፌደራሉ ከፍተኛ ፍርድ ቤት 6ኛ ፍትሐ ብሔር ችሎት ከትናንት በስትያ ባስቻለው ችሎት ከ58 ሚሊዮን ብሩ 1/4ኛውንና የተለያዩ ወጭና ማካካሻዎችን ጨምሮ ወይንም ከ22 ሚሊዮን ብር በላይበድምሩ እንዲከፍሉ ተወስኖባቸዋል፡፡

በጊዜው በቴሌቪዥን ጣቢየዎች የተሰራጨው የዙና ትሬዲንግ ማስታወቂያ ከውጭ ያስመጣቸው መኪኖች እንዳሉት የሚናገርና መኪኖች ተደርድረው በምስል የሚታዩበት ነበር፡፡ ይሁንና ድርጅቱ አንድም መኪና ከውጭ አለማስገባቱ በመረጋገጡ በሀሰተኛ ማስታወቂያ ህብረተሰቡ እንዲያምነውና ዙና ትሬዲንግ ያላግባብ 58 ሚሊዮን ብር እንዲሰበሰብ ምክንያት ሆነዋል በሚል የሚድያ ተቋማቱ ባሰራጩት ማስታወቂያ ፍርድ ቤቱ ተጠያቂ አድርጓቸዋል፡፡ በመሆኑም ኢቢሲና ኢቢኤስ የማስታወቂያና የብሮድካስት ህጉን በመተላለፋቸው፣ በአሳሳች ማስታወቂያ ሸማቾች እንዲታለሉ በማድረግ ከውል ውጭ ያለ ሀላፊነት መሰረት በማድግ በቀረበባቸው ክስ የዋናውን ክስ 1/4ኛ ወይንም ከ22 ሚሊየን ብር በላይ ባልተነጣጠለ ሀላፊነት እንዲከፍሉ ተወስኖባቸዋል፡፡

በማስታወቂያ ህጉ መሰረት ማስታወቂያ እየተሰራለት ለእይታ የሚበቃው ቁስ በህጋዊ መንገድ ስለመገዛቱና የኢትዮጵያን ደረጃ የሚያሟላ ስለመሆኑ ማረጋገጥም የማስታወቂያ ሰሪውና አሰራጭው ሀላፊነት ነው፡፡

(ምንጭ፡-ሸገር ሬድዮ)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close