Connect with us

Art and Culture

በቀዳማዊ ሀይለስላሴ በስጦታ የተበረከተው መስቀል ከፈረንሳዩ ከኖተር ዳም ቃጠሎ መትረፉ ተሰማ

Published

on

በቀዳማዊ ሀይለስላሴ በስጦታ የተበረከተው መስቀል ከፈረንሳዩ ከኖተር ዳም ቃጠሎ መትረፉ ተሰማ

ከኢትዮጲያ በስጦታ የሄደዉ መስቀል ከፈረንሳዩ ከኖተር ዳም ቃጠሎ መትረፉ ተሰማ

በቀዳማዊ ሀይለስላሴ ንጉሰ ነገስት ዘኢትዮጲያ በፈረንጆቹ አቆጣጠር 1954 ለፈረንሳዮ ኖተር ዳም ካቴድራል በስጦታ የተበረከተው መስቀል በቅርቡ በቤተ ክርስቲያኑ ላይ ከደረሰው ከባድ የቃጠሎ አደጋ መትረፉ ተሰማ።

እንደ ዘገባዉ ከሆነ ይህ የብር መስቀል ከቃጠሎዉ በኋላ በአመድ ተሸፍኖ መገኘቱ ታዉቋል፡፡

በኢትዮጵያ የፈረንሳይ ኤምባሲ ልኡክ ኢማኑኤል በስኒር በትዊተር ገፃቸው ባሰፈሩት መልዕክት በግርማዊነታቸው በስጦታ የተሰጠው መስቀል በእሳት አደጋው ሳይቃጠል መትረፉን አረጋግጠዉ በአሁኑ ሰዓት መስቀሉ ወደ ሎውቨረ ሙዚየም መዘዋወሩን ገልፀዋል።

ባሳለፍነው ማክሰኞ ማታ ፈረንሳይ በሚገኘው የኖተር ዳም ካቴድራል ቤተክርስቲያን ያጋጠመውን የእሳት ቃጠሎ ተከትሎ በአደጋው የደረሰው ጉዳት መጠን ለማወቅ የተለያዩ ተግባራት እየተከናወኑ መሆኑ ታውቋል።

የአደጋው መረጃ ከሆነበት ከቀን ጀምሮ የስድስት የዘፍሪካ ሃገራት መሪዎች የሀዘን መግለጫ መልዕክቶችን ለፈረንሳይ መንግስት ልከዋል፡፡

በይፋ በስጦታ ከተበረከቱት በተጨማሪ ኢትዮጲያ ፈረንሳይን ጨምሮ በተለያዩ የአዉሮጳ ሀገራት በርካታ ቅርሶች እንዳሏት ይታወቃል፡፡

የ850 ዓመት ዕድሜ ያስቆጠረዉ የኖተር ዳም ካቴድራል በፈረንሳይ ከሚገኙ የቱሪስ መስህብ ቦታዎች መካከል አንዱ መሆኑ ይታወቃል፡፡ ይህ ቅርስ ለስምንት ክፍለ ዘመናት በፈረንሳይዋ ፓሪስ በበርካታ የሀገር ጎብኝዎች ሲጎብኝ ኖሯል፡፡

መረጃዎች እንደሚያሳዩት ከሆነ ቤተ ክሪስቲያኑን በየዓመቱ ከ14 ሚሊየን ቱሪስቶች በላይ ይጎበኙታል፡፡ በተጨማሪም የኖተር ዳም ካቶድራ በአለም ላይ ባሉ የእምነቱ ተከታዮች ዘንድ ትልቅ ቦታ የሚሰጠዉ የአምልኮ ስፍራ ነዉ፡፡

የሁለቱ የአለም ጦርነቶች ጨምሮ በተለዩ ጊዘያት የመቃጠል አደጋዎች እንዳጋጠሙት የሚነገረዉና ድንቅ የሥነ ህንፃ ጥበብ የሚታይበት ኖተርዳም ዕንደዚህ አይነት የከፋ አደጋ አጋጥሞት እንደማያዉቅ ይነገራል፡፡

በ 2013 850ኛ ዓመቱን ያከበረዉን ካቴድራሉን ዉድመት ተከትሎ የፈረንሳይ መንግስትና ህዝብ በትልቅ ሀዘን ዉስጥ እንደሚገኙና ቤተ ክርስቲያኑን ለመገንባት ሁሉም ዜጋ እርብርብ ለማድረግ ቃል ገብተዋል፡፡

ምንጭ፡ አፍሪካ ኒዉስ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close