Connect with us

Health

13 ሳ.ሜ የሚረዝም ማንኪያ ሳታስበው የዋጠችው ሴት በሀኪሞች ወጣላት

Published

on

13 ሳ.ሜ የሚረዝም ማንኪያ ሳታስበው የዋጠችው ሴት በሀኪሞች ወጣላት

አሳን መብላት በብልሀት ይላል አገሬው ሲተርት መልዕክቱም ግልፅ ነው። እንደ እስፒል የተሰገሰጉትን አጥንቶች በጥንቄቃ በመለየት መመገብ ያልቻለ ሰው የከፋ ጉዳት ሊደርስበት ይችላል።

ከወደ ቻይና የተሰማው ወሬ ግን ከዚህም የከፋ ነበር። አንዲት ሴት ወይዘሮ አሳ በመመገብ ላይ እያለች ጉሮሮዋ ውስጥ አጥንት ይሰነቀርባታል። በጣቶቿ ለመንቀል አልቻለችም። በቅርቧ ያገኘችውን 13 ሴንቲ ሜትር የሚረዝም ማንኪያ ወደ አፏ በመክተት አጥንቱን ለማውጣት እየሞኸረች ባለበት ወቅት ድንገት ማንኪያው ከእጇ አፈትልኮ ያመልጣትና ድንገት ትውጠዋለች።

ይህች ሊ በመባል የምትጠራው ቻይናዊት እንስት የሻይ ማንኪያ እንደዋጠች የታወቀው ያለፈው መጋቢት 29, 2011 ሲሆን ወደ ሀኪም ቤት ያቀናችው ግን ከአራት ቀናት በኋላ መሆኑ ብዙዎችን አስደንቋል።

ሊ ግን ምንም አይነት የህመም ስሜት ስላልተሰማት ወደ ሀኪም ቤት አለመሄዷን ትናገራለች።

አሳ በመመገብ ላይ እያለች አንድ አጥንት ጉሮሮዋ ላይ እንደተሰነቀረና እሱን ለማውጣት የተጠቀመችበት ማንኪያ ከእጇ አፈትልኮ ቁልቁል ይወርድና ያልታሰበ አደጋ እንዳጋጠማት ትናገራለች።

ይች ቻይናዊት ሁኔታው ካጋጠማት በኋላ ቶሎ ወደ ሀኪም ያልሄደችው ወቅቱ የበዓል ሰሞን ስለሆነና ብዙ አስቸጋሪ ሁኔታዎች ስለነበሩ እነደሆነ ገልፃለች።

በመጨረሻም በዓሉ ያልፍና ወደ ሆስፒታል ጎራ ትላለች። ሀኪሞች የኤክስ ሬይ ምስልን በመጠቀም የዋጠችው ማንኪያ በጉሮሮዋ የታችኛው ክፍል ላይ እንዳለ ያረጋግጣሉ።

ማኔኪያው በታማሚዋ ጉሮሮ ውስጥ ተጋድሞ የነበረና ውስጣዊ አካሏ ላይ መጠነኛ እብጠት ፈጥሮ ነበር ሲሉ ህክምናውን የመሩት ሀኪም ተናግረዋል።

ምነም እንኳን ብዙ ጊዜ የሚያጋጥም ክስተት ባይሆንም እንዲህ ያሉ አደጋዎች ከዚህ ቀደም ያጋጥሙ እንደነበር የጠቀሰው ዘገባው በተመሳሳይ ባለፈው አመት አንድ ቻይናዊ ጉሮሮው ውስጥ የተቀረቀረ አነስተኛ ማንኪያ ሳይወጣ አንድ አመት ማለፉን ጠቁሟል።

ምንጭ:ኦዲቲ ሴንትራል

 

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close