Connect with us

Art and Culture

የአዲስ አበባ ከተማ አስተዳደር የአድዋ ድልን የሚዘክር ማዕከል ሊገነባ ነው

Published

on

የአዲስ አበባ ከተማ አስተዳደር የአድዋ ድልን የሚዘክር ማዕከል ሊገነባ ነው

የአዲስ አበባ ከተማ አስተዳደር የዓድዋ ድል እና አጠቃላይ የጦርነቱን ሁናቴ የሚገልፅ በቅርቡ ከሚድሮክ ተመላሽ በተደረገው እና የሃገራች ከተሞች ርቀት መነሻ ቦታ (ፒያሳ ከሚድሮክ በተቀማ ቦታ) (0.00ኪ/ሜትር) በሆነው በጥንታዊ መጠርያው ሲኒማ አድዋ በመባል በሚታወቀው ቦታ ላይ ለመገንባት የምክረ ሃሳብ አዘጋጅቷል፡፡

በምክረ-ሃሳቡ ላይ የታሪክ ምሁራን ፣ የኪነ-ህንፃ ባለሞያዎች እና የተለያዩ የህብረተሰብ ክፍሎች በመነሻ ሃሳቡ ላይ አስተያየታቸውን እየሰጡ ነው፡፡

ይህ ሊገነባ የታሰበው ማዕከል ከሚኖረው ማህበረ-ባህላዊ ፋይዳ በተጨማሪ በውስጡ በጊዜው የነበሩ አልባሳት ፣ ጥቅም ላይ የዋሉ የጦር መሳርያዎች ፣ ከቅስቀሳው ጀምሮ እስከ ጦር አውዱ የተዘገቡ ማናቸውም ጉዳዮች የሚሰነዱበት እና ለዕይታ የሚበቁበት ስፍራ ይሆናል፡፡

በጋሻ መልክ የሚነገባው ማዕከል ተገንብቶ ሲያልቅ “ሁሉም ከዚህ ይጀምራል!” የሚል የአዲስ አበባ ከተማ ‘ዜሮ ኪሎ ሜትር’ ምልክት ይቀመጣል፡፡

ማዕከሉ ግንባታው ሲጠናቀቅ በውስጡ ቤተ-መፅሃፍት ፣ ቤተ-ስዕል ፣ የህፃናት ማቆያ ፣ የክዋነ-ጥበባትና የሲኒማ አዳራሽ ፣ የስፖርት ማዘውተርያዎች ፣ ሱቆች ፣ ካፌዎች እና የምግብ አገልግሎት መስጫ ተቋማት የሚኖሩት ይሆናል፡፡

የማዕከሉ የውጪ ይዞታም ለመዝናኛ የተመቸ ለቱሪስት መስዕብነት የሚያገለግል ሲሆን አረንጓዴ እና ነፋሻማ የሆነ አከባቢን በመፍጠሩ ሂደትም ጉልህ ሚና የሚጫወት ይሆናል፡፡

የማዕከሉ ግንባታ የአገራችን ህዝቦች ከልዩነት ይልቅ በአንድነት አገራቸውን እንዲገነቡ ታላቅ ምሳሌ የሚያገኙበት ይሆናል።
ይህ ማዕከል የመላው ኢትዮጵያዊያን በመሆኑ ለመነሻ በቀረበው ምክረ ሃሳብ ላይ ህብረተሰቡ በቀጣይነት ሃሳብ እንዲሰጥበት የከተማ አስተዳደሩ ጥሪውን ያቀርባል።

(ምንጭ:-የከንቲባ ፅ/ቤት)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close