Connect with us

Ethiopia

የፕሮፌሰር በየነ ፓርቲ መንግሥትን አስጠነቀቀ

Published

on

የፕሮፌሰር በየነ ፓርቲ መንግሥትን አስጠነቀቀ

በፕሮፌሰር በየነ ጴጥሮስ የሚመራው የኢትዮጵያ ሶሻል ዴሞክራቲክ ፓርቲ በአዲስ አበባ ከተማ ጉዳይ በነዋሪዎቿ ላይ ያለመረጋጋት፣ ፍርሃትና ግጭት ለመፍጠር የሚንቀሳቀሱ ቡድኖች ከአፍራሽ እንቅስቃሴያቸው እንዲቆጠቡ በማድረግ መንግሥት የህግ የበላይነት የማስከበር ኃላፊነቱን እንዲወጣ ጠየቀ፡፡

ፓርቲው በመግለጫው በአዲስ አበባ ከተማ ዙሪያ ለገጣፎ ከተማ የዜጎችን መኖሪያ ቤቶች በድንገት በማፍረስ እንዲፈናቀሉ መደረጋቸውና ሕጻናትና እመጫት እናቶች ጭምር እላያቸው ላይ ቤት መፍረሱ እጅግ አሳዝኖናል ካለ በኃላ መንግሥት የዜጎቹን መሠረታዊ የቤት ችግር ለማስወገድ ባልቻለበት ሁኔታ ዜጎች በግል ጥሪት የሰሩትን ቤት ያለ ዕቅድና ምትክ መጠለያ ሳይዘጋጅላቸው በድንገት ለዘመናት የኖሩበትን ቤት አፍርሶ ሜዳ ላይ መጣል የዜግነት ክብር የሚነካ ድርጊት ነው ሲል አውግዟል፡፡

ፓርቲው ዛሬ ባወጣው መግለጫ የአዲስአበባ ከተማ ጉዳይ የሚፈታው በህገመንግሥቱ ድንጋጌ መሠረት መሆኑን ጠቁሟል፡፡(ዝርዝር መግለጫው እነሆ ቀርቧል)

…………

የዜጎችን መሠረታዊ ሰብዓዊ መብቶች ማስከበር የመንግሥት ተቀዳሚ ተግባር መሆኑ እየተዘነጋ ስለሆነ ባስቸኳይ መቆም አለበት!!

ከኢትዮጵያ ሶሻል ዴሞክራቲክ ፓርቲ (ኢሶዴፓ)

የተሰጠ መግለጫ

ኢትዮጵያ እንደ ሀገር ለብዙ ዘመናት የኖረች ሀገር ናት፣ ሕዝቦቿም ክፉና ደጉን በጋራ ያሳለፉ፣ ትላንት የነበሩ፣ ወደፊትም የሚኖሩ ናቸው፡፡ ይህ በእንዲህ እንዳለ፣ ለማመን እጅግ በሚያዳግት ደረጃ የዜጐች ሕገ-መንግሥታዊ መብቶች በመንግሥት ባለስልጣኖች ሲጣሱና ማንም የጐበዝ አለቃ ራሱን ከሕግ በላይ አድርጐ ሕዝቡን ሲያስፈራራና ሲዝትበት፣ መግሥት እያየ ዝም ማለቱ በእጅጉ የሚያስገርም በሆነበት ወቅት ላይ መገኘታችን ኢሶዴፓን ከምን ጊዜውም በላይ አሳስቦታል።

1. እጅግ በርካታ የዜጎች_መፈናቀል ባለበት ሁኔታ፣ ለምሳሌ:- ጌዲኦ፣ ኦሮሞ – ከሶማሌ፣ የቤንሻንጉል ጉሙዝ ክልሎች፣ አማራ፣ ትግራይ፣ ማረቆ፣ መስቃን፣ ቅማንት፣ ሼኮ፣ ወዘተ የመሳሰሉት በኃይል እየተፈናቀሉና እየሞቱ ባሉበት – በዓለም አቀፍ ድንጋጌዎች መሠረት እንኳ ለተፈናቀሉ ዜጎች ድጋፍ አለመኖሩ፤ መንግሥት የተፈናቀሉትን ዜጎች ወደመኖሪያ ቀዬአቸውና ቤቶቻቸው ለመመለስ ከመሞከር ይልቅ ወደ ብሔር ይዞታቸው \”የጎሣ ግዛታቸው\” መልሶ ለማቋቋም በሚያደርገው ትግል ተወላጆች ለኢኮኖሚ እና ለሥነ-ልቦና ችግር ተጋልጠዋል፡፡ ለምሳሌ_ከሶማሌ_ክልል_ውስጥ_ኦሮሞዎችን_ለማስለቀቅና_በአዲስ_አበባ_ክልል_ለማስፈር_የተደረገው_ሙከራ ፈጽሞ_ተቀባይነት_የሌለው_ነው፡፡ ይህ ሁሉም ዜጎች የመኖሪያ ቦታቸውን እንዲመርጡና በህይወት እንዲኖሩ የሚያደርጉትን ሕገ-መንግስታዊ መብቶች ይጥሳል፡፡ – አንቀጽ 32 (1)

2. ህገ-ወጥ በሆነ የመኖሪያ ቤቶች ውድመት በ100ዎች እና 1000ዎች የሚቆጠሩ ቤት አልባ ዜጎችን መፍጠር፡- ለገዥ ህጎች አክብሮት የጎደለው እና በዜጎች ላይ በተወሰደው ኢሰብዓዊ ጭካኔ የዜጎች የባለቤትነት መብት መጣሱ_በቅርቡ በኢትዮጵያ_እየታየ_ያለውን_የአስተዳደርና_የሥርዓት_ንቅዘት_ያሳያል፡፡ (ሕገ-መንግሥት አንቀጽ 40)

በአዲስ አበባ ከተማ ዙሪያ ለጋጣፎ_ከተማ የዜጎችን መኖሪያ ቤቶች በድንገት በማፍረስ እንዲፈናቀሉ መደረጋቸውና ሕጻናትና መጫት እናቶች ጭምር እላያቸው ላይ ቤት ስለመፍረሱ ሰምተን እጅግ አሳዝኖናል፣ አሳፍሮናልም፡፡ መንግሥት የዜጎቹን መሠረታዊ የቤት ችግር ለማስወገድ ባልቻለበት ሁኔታ ዜጎች በግል ጥሪት የሰሩትን ቤት ያለ ዕቅድና ምትክ መጠለያ ሳይዘጋጅላቸው በድንገት ለዘመናት የኖሩበትን ቤት አፍርሶ ሜዳ ላይ መጣል የዜግነት ክብር የሚነካ ድርጊት ከመሆኑም በላይ የወደመው የዜጎች ሀብት ማለት የሀገር ሀብት መሆኑን በቂ ግንዛቤ ውስጥ ያላስገባ ተግባር ነው ፡፡

3. በቅርቡ በአዲስ አበባ ከተማ ዙሪያ በኮዬ ፈጬ፣ ዜጎች ለዓመታት ባጠራቀሙት ገንዘብ የኮንዶሚኒየም ቤት ዕጣ ደርሶአቸው እንዳያገኙ መደረጋቸው የህግ የበላይነት መከበር ጥያቄ ያስነሳ ድርጊት ሆኗል፡፡

በኮዬ ፈጬ ኮንዶሚኒየም ፍቃድና የመኖሪያ ቤት አፓርታማዎችን ለትክክለኛዎቹ ባለቤቶች ለማስተላለፍ በሚደረገው ሂደት ለተፈጠረው ጥልና ጣልቃ ገብነት ምክንያት የሆነው የአዲስ አበባ ማዘጋጃ ቤት፣ ከኦሮሚያ ክልል ጋር ስምምነት ላይ ሳይደረስና ከሕግ አግባብ ውጭ ሠርቶ ከሆነ፣ ሕንፃውን ለመገንባት ቅድመ ሁኔታ ማሟላት ባለመቻሉ ሙሉ ኃላፊነት መውሰድ አለበት፡፡ እናም የእነዚህ ዜጎች መብቶች በፖለቲካ ግርዶሽ እና ፍጆታ ምክንያት መጣስ የለባቸውም፡፡ በኦሮሚያ ክልላዊ መንግሥትና በአዲስ አበባ ማዘጋጃ ቤት/አስተዳደር መካከል የክልል ደንቦች ጥሰት በመጥቀስ ችግሩን ለመቅረፍ በሐቅ ያልተሳካው #በመንግሥት_የአካሄድ_ችግር_ነው፡፡

ህገ-መንግስታዊ ባልሆኑ ህዝባዊ አመራሮች እና ቡድኖች፡- ለምሳሌ: በአንቀጽ 49 (5) በግልጽ እንደተቀመጠው በአዲስ አበባ የባለቤትነት መብት ጉዳይ አለመግባባት ሊፈጠር አይችልም፡፡ በኦሮሞ ክልል ማዕከላዊ ቦታውን መጥቀስ እና በአገልግሎቶች እና አቅርቦቶች ተደራሽነት በሁለቱ መካከል ማቀናጀት አስፈላጊ እንደሆነ ቢታወቅም በፌዴራል መንግሥት ሥልጣን አዲስ አበባ ክልል 14 ሆኖ በመካለሉ እውቅና ያለውና በሽግግር መንግስት ስምምነት ላይ የደረሰበት ነው፡፡ ስለሆነም በኢትዮጵያ ውስጥ ያለው ሁሉም ፖለቲካ በወቅቱ ሕገ-መንግስታዊ ድንጋጌዎች መሠረት መጫወት ይኖርበታል፡፡ ከዚህ ውጭ ማሰብ እና መጥቀስ ስንሞክር ሐቀኛ አለመሆን እና ለራስ አለመታመንን ያስከትላል!

ስለሆነም የአዲስ አበባ ጉዳይ በሕገ-መንግስቱ ድንጋጌ መሠረት መታየት ያለበት ጉዳይ እንደመሆኑ፣ ተገቢ ያልሆኑ ጥያቄዎች እየተቀሰቀሱ የሕዝባችንን ሰላማዊ ኑሮ እንዳያውኩ፣ መንግስት ሕጋዊ እርምጃ እንዲወስድ ኢሶዴፓ ያሳስባል፡፡

በሌላ በኩል በህወሃት የበላይነት የሚመራ የኢህአዴግ መንግሥት ተጽዕኖ ቀርቷል እየተባለ ቢነገርም፤ አሻራው ያልጠፋ በመሆኑ ግጭቶች እዚህም እዚያም ሲከሰቱ ታይቷል፡፡ እየታዩም ናቸው፡፡ ለአብነት ያህል በውጭ ሀገር በስደት የኖሩ ፓርቲ መሪዎች ወደ ሀገር ቤት መመለስን ተከትሎ በተደረጉ ሕዝባዊ ስብሰባዎች ወቅት ተይዘው በወጡት ኢ-ሕገ መንግሥታዊ በተባሉ ባንድራዎች ሳቢያ በብዙ ቦታዎች በተፈጠሩ ግጭቶች የተገደሉና ቤት ንብሬታቸው የወደመባቸው ዜጎች አሉ፡፡ ከሃይማኖት ልዩነት ጋር በተያያዘም ፅንፈኛ ሀይሎች በሃላባ አብያተ ክርስቲያናት ፣በወሎና ጎንደር ደግሞ መስግዶችን በማቃጠል ሀገርና ሕዝብ እንዳይረጋጋ ስጋት ፈጥረዋል፡፡

ስለሆነም፣ መንግስት በሚከተሉት አንገብጋቢ ጉዳዮች ላይ አስቸኳይ ሕጋዊ እርምጃ እንዲወስድ ኢሶዴፓ በአፅንኦት ያሳስባል፥

1. የአዲስ_አበባ_ከተማ_ጉዳይ_በሕገ_መንግሥቱ_ድንጋጌ_መሠረት_መታየት_ያለበት_እንደመሆኑ፣ በነዋሪዎቿ ላይ ያለመረጋጋት፣ ፍርሃትና ግጭት ለመፍጠር የሚንቀሳቀሱ ቡድኖች ከአፍራሽ እንቅስቃሴያቸው እንዲቆጠቡ በማድረግ መንግሥት የህግ የበላይነት የማስከበር ኃላፊነቱን እንዲወጣ፡፡

2. መንግሥት የተፈናቀሉትን ዜጎችን ወደ ቀዬአቸው መመለስ ሲገባው፣ በብሔራቸውና በጎሣ አሰላለፍ ኢኮኖሚያዊም ሆነ_ማሕበራዊ_ሁኔታዎች_ሙሉ_ለሙሉ_እንግዳ_በሆኑ_አካባቢዎች_ማለማስፈር_መሞከሩን_ማቆም_አለበት፡፡

3. መንግሥት ለዜጎች መጠለያ ለማቅረብ ባለበት ግዴታው፡- ከየቦታው ለተፈናቀሉና ለሚፈናቀሉ አነስተኛ ገቢም ሆነ ገቢ ለሌላቸው ዜጎች መኖሪያ_ቤት_ማዘጋጀት_አለበት፣

4. ለከተማ ነዋሪ ዜጐች የመኖሪያ ቤቶች በማዘጋጀት ሰበብ ከሕግ አግባብ ውጭ የተፈናቀሉት_አርሶ_አደሮች_ባስቸኳይ_ተመጣጣኝ_ካሳ_እንዲከፈላቸው ።

የኢትዮጵያ ሶሻል ዴሞክራቲክ ፓርቲ

መጋቢት 11 ቀን 2011 ዓ.ም

አዲስ አበባ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close