Connect with us

Ethiopia

የሜጀር ጀኔራል ክንፈዳኘውን ጨምሮ የ13 ተከሳሾችን የክስ መቃወሚያ ፍርድ ቤት በከፊል ውድቅ አደረገ

Published

on

የሜጀር ጀኔራል ክንፈዳኘውን ጨምሮ የ13 ተከሳሾችን የክስ መቃወሚያ ፍርድ ቤት በከፊል ውድቅ አደረገ

የፌዴራሉ ከፍተኛ ፍርድ ቤት 15ኛ የወንጀል ችሎት በዛሬው ዕለት 1ኛ ተከሳሽ ሜጀር ጀኔራል ክንፈ ዳኘው ጨምሮ በሌሎች 12 ተከሳሾች የዐቃቤ ህግን ክስና የተከሳሾችን መቃወሚያ በመመርመር ብይን ለመስጠት ነበር የቀጠረው፡፡

ተከሳሾች የተሰጣቸውን ስልጣን እና ሹመት ያለ አግባብ በመገልገል ከተሰጣቸው ስልጣንና ተግባር ውጭ የማይገባ ጥቅምን ለማግኘት እና ለማስገኘት በማሰብ የብረታ ብረትና ኢንጅነሪንግ ኮርፖሬሽን ምንም ዓይነት መርከብ የማስተዳደር ልምድ ሳይኖረው እና በዘርፉ የተሰማራው የኢትዮጵያ የባህር ትራንስፖርት እና ሎጅስቲክ አገልግሎት የልማት ድርጅት እያለ ከስልጣናቸው አልፈው ተያያዥነት በሌለው የትራንስፖርት ዘርፍ ለማሰማራት በመወሰን፣ ያለ ኮርፖሬሽኑ የግዥ መመሪያ መርከብ በመግዛት፣ ያለጨረታ መርከቦቹ አንዲጠገኑ በማድረግና ለማስተዳደር ሲባል ከኮርፖሬሽኑ ብር 544 ሚሊየን 702 ሺህ 623 ብር ከ63 ሳንቲም ወጭ በማድረግ በህዝብና በመንግስት ጥቅም ላይ ጉዳት በማድረስ የሙስና ወንጀል ተጠርጥረው መከሰሳቸው ይታወቃል፡፡

ተከሳሾች በቀረቡባቸው ሶስት ክሶች ላይ ባለ ሰባት ነጥብ መቃወሚያ ያቀረቡ ሲሆን ፍርድ ቤቱ በተከሳሾች ከ1ኛ ደረጃ እስከ 6ኛ ደረጃ ያሉ ተከሳሾች የቀረቡትን የመቃወሚያ ነጥቦች ውድቅ አድርጓቸዋል፡፡

በሜጀር ጀኔራል ክንፈ ዳኘው ጠበቃ በኩል የቀረበው 7ኛ የመቃወሚያ ነጥብ ማለትም በተደራራቢ ክስ ደንበኛየ ሊጠየቅ አይገባም እንዲሁም ዐቃቤ ህግ 1ኛ ክስ ስልጣንን ያለ አግባብ በመጠቀምና የመንግስትን ኃላፊነት ወደ ጎን በመተው ለመርከቦች ጥገናና አስተዳደር ያለ አግባብ በር 544 ሚሊየን 702 ሺህ 623 ብር ከ63 ሳንቲም ወጭ እንዲሆን በማድረግ ጉዳት ማድረስና በ2ኛ ክስ ለመርከቦቹ የተከናወነው የጥገናና የአስተዳደር ስራ ያለ ጨረታ ነው የሚሉ የሚመሳሰሉ ክሶች ናቸው በማለት ክርክር አድርጓል፡፡

የፌዴራሉ ከፍተኛ ፍርድ ቤት 15ኛ የወንጀል ችሎት በዛሬው ውሎው በሜጀርጀኔራል ክንፈዳኘው በተደራራቢ ክስ መከሰስ አይገባኝም የሚለውን የክስ መቃወሚያ ውድቅ ሲያደርግ በ1ኛና 2ኛ ክስ ይመሳሰላል ብሎ ያቀረበውን የመቃወሚያ ሀሳብ ፍርድ ቤቱ በመቀበል ዐቃቤ ህግ ክሱን አሻሽሎ ለመጋቢት 13 ቀን 2011 ዓ.ም እንዲያቀርብ ትዕዛዝ ሰጥቷል፡፡

(ምንጭ፡-የፌ/ጠ/ዐ/ሕግ)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close