Connect with us

Health

ኤርፎን አድርጎ መተኛት የለመደው ሲነቃ አንድ ጆሮው መስማት ተሳነው

Published

on

ኤርፎን አድርጎ መተኛት የለመደው ሲነቃ አንድ ጆሮው መስማት ተሳነው

ኤርፎን አድርጎ መተኛት የለመደው ሲነቃ አንድ ጆሮው መስማት ተሳነው። | Bekky@diretube

በታይዋን የሚገኘው የኤሺያ ዩኒቨርሲቲ ሰሞኑን እንዳስታወቀው በልማድ ጆሮው ላይ ኤር በድ ሰክቶ ሙዚቃ እያደመጠ የሚተኛው ታካሚ ሲነቃ አንድ ጆሮው ማድመጥ ተስኖት ነቅቷል።

በተለይ ኢርበዶች (ገመድ የሌላቸው ማድመጫዎች) ከስማርት ስልኮች መዘመን ጋር ተያይዞ በብዛትም ከአይፎን 7 ወዲህ እጅግ ምቹ ሆነው እየተመረቱ ብዙዎችም አድርገዋቸው ሲተኙ የማይቆረቁሩ ሆነው እየመጡ ነው።

ብዙዎች ከሙዚቃ ባለፈ ስልኮችንን ለመመለስ ሙሉ ቀን ከጆሮዋቸው ሳይነቀሉ ይውላሉ።

እንደብዙዎች እምነትም የተለያዩ ቋንቋዎችን ለመልመድ ኤርፎኖችን ሰክተው ይተኛሉ።

ሀይኖፔዲያ በመባል የሚታወቀው እንቅልፍ ተኝቶ ቋንቋ ለመልመድ የሚደረግ ጥረት ሲሆን ምንም ሳይንሳዊ ማስረጃ ባይኖረውም ብዙዎች ግን በተለምዶ ከሚተገብሯቸው ነገሮች መሀል ነው።

በምንተኛበት ጊዜም ቢሆን አእምሮአችን በግማሽ ንቁ ስለሚሆን ያለምንም ጣልቃ ገብነት አዳዲስ ቋንቋዎችን በፍጥነት ለመልመድ ያስችላል ተብሎ በብዙሀን ይታመናል ይተገበራልም።

ዶ/ር ታያን ሂዩጂ በኤሽያ ዩኒቨርሲቲ ሆስፒታል ዳይሬክተር ሲሆኑ ይህንን ልምምድ ጭራሽ ይነቅፋሉ። በቅርቡ የተፈጠረውን ሁኔታ እንደልምድ በማንሳት የጆሮ ኤርፎኖችን ለረጅም ጊዜም ሆነ በከፍተኛ ድምጽ መስማት ለጆሮ ታምቡራችን ጉዳት እንዳለው አበክረው ያስቀምጣሉ።

የዩኒቨርሲቲ የሁለተኛ አመት ተማሪ የሆነው ታካሚው ኢርበድን አብዝቶ እንደሚጠቀም ተናግሮ ትምህርቱን ለማጥናት ስለሚረዳው ኢርበዱን አድርጎ እንደሚተኛ ተናግሯል። በተለይም አንድ ጆሮው መስማት እምቢ ያለው ሰሞን በተከታታይ ተኝቶም በኢርበድ ያጠና ነበር። ድንገት ሲነቃ ነው አንዱ ጆሮው መስማት የተሳነው።

እንደዶክተሩ ገለጻ ስሙ ያልተጠቀሰው ተማሪ እድለኛ ሆኖ በቶሎ ችግሩ ተፈቷል። ሆኖም ኢርፎኖቹ ከ80 በመቶ በላይ በሆነ ድምጽ ከ20 ደቂቃ በላይ መስማት አደጋ አለው። በእንቅልፍ ጊዜ ደግሞ የደም ዝውውራችን ይቀንሳል። በጆሮአችን የሚገኙ የጸጉር ሴሎች ደግሞ ከኢርበዱ በሚወጣው የድምጽ ቢት እንቅስቃሴ ውስጥ ለመሆን ይገደዳሉ። ሰውነታችንም ያንን የሚያግዝ የደም ዝውውር ሊያቀርብላቸው አይችልም ይህም ያልታሰበ የታምቡር ጉዳት አስከትሎ ደንቆሮ ሊያደርግ ይችላል።

እንደ ጆሮ ሀኪሞቹ ማስረጃ ኢርበዶች ድምጽ ወደውጭ እንዲወጣ ስለማያስችሉ ከባድ ጉዳት ያስከትላሉ በአንጻራዊነት ሄድፎኖችና ኢርፎኖች በዚህ የተሻሉ ናቸው ብለዋል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close