Connect with us

Business

ትራምኘ ቦይንግ 737 ማክስ 8 ከበረራ አገዱ

Published

on

ትራምኘ ቦይንግ 737 ማክስ 8 ከበረራ አገዱ

ዩናይትድ ስቴት ቦይንግ 737 max 8 አውሮፕላኖች በሙሉ ከበረራ እንዲወርዱ አዘዘች፡፡ የፌዴራሉ አቪየሽን ጀቶቹን በሙሉ እንዲያወርድ ፕ/ት ትራምፕ ትዕዛዝ መስጠታቸውን ቪኦኤ ዘግቧል፡፡

ሆኖም አሜሪካ ለምን ያህል ጊዜ ጀቶቹ ከበረራ እንደዲወርዱ እንዳደረገች ያልታወቀ መሆኑንም ቪኦኤ በዘገባው ጠቁሟል።

የኢትዮጵያ አየር መንገድ ቦይንግ 737 max 8 (302) ተከስክሶ የ33 አገር ዜጎች የሆኑ 158 ሰዎችን ህይወት ከቀጠፈ በኋላ ኢትዮጵያ ቀሪዎቹ ጀቶች እንዳይበር ማገዷ ይታወሳል፡፡

የአውሮፓ ህብረት እና ቻይናም እና ሌሎች በርካታ አገራት ቦይንግ 737 max 8 አውሮፕላኖችን ከበረራ የማገድ እርምጃ እየወሰዱ ነው።

በርካታ አገራት ቦይንግ 737 ማክስ አውሮፕላንን ካገዱ በኋላ አሜሪካም በመጨረሻ አውሮፕላኑ የደህንነት ስጋት እንዳለበት የሚያረጋግጥ መረጃ ከሳተላይት አግኝቻለው በማለት አግዳለች፡፡

የአውሮፕላን አምራቹ ቦይንግም የአሜሪካ እገዳን ተከትሎ በአለም ዙሪያ ያሉትን ሁሉንም ቦይንግ 737 ማክስ አውሮፕላኖች ለጊዜው አግዷል፡፡

በአሜሪካ እገዳው ከሰአታት በፊት የታወጀው ፕሬዝዳንት ዶላንድ ትራንፕ 737 ማክስ አውሮፕላኖች እንዳይንቀሳቀሱ ያወጡትን ትእዛዝ ተከትሎ ነው፡፡

የአሜሪካ የፌደራል አቪዬሽን አስተዳዳሪ አካልም በበኩሉ ቦይንግ 737 ማክስ በአገሪቱ አየር መንገዶችም ሆነ በአሜሪካ የአየር ክልል ውስጥ እንዳይበር እገዳ አውጥቷል፡፡

ንብረትነቱ የኢትዮጵያ አየር መንገድ የሆነው አውሮፕላን ተከስክሶ ለ157 ሰዎች ህይወት መጥፋት ምክንያት ከሆነ በኋላ አሜሪካ ቦይንግ 737 ለደህንነት የሚያሰጋ ምንም ነገር አላገኘሁበትም በሚል በአውሮፕላኑ ስትጠቀምበት ቆይታለች፡፡

ፕሬዝዳንት ዶላንድ ትራንፕ በመግለጫቸው ሁሉም አየር መንገዶችና የአውሮፕላን አብራሪዎች የእገዳው መልእክት እንደደረሳቸው እና አውሮፕላኖቹ በደረሱበት ቦታ እንዲቆሙ ትእዛዝ መተላለፉን አስታውቀዋል፡፡

በዚህ ምክንያ የአለማችን ግዙፉ የአውሮፕላን አምራች ኩባንያ የሆነው ቦይንግ በቀላሉ ለመወጣት አዳጋች ከሆነ ማጥ ውስጥ ገብቷል፡፡

የኩባንያው ዋና ስራ አስፈፃሚ ዴኒስ ሙሊንበርግ የአደጋውን ትክክለኛ መንስኤ ለመገንዘብ እና እንዳይደገም ለማድረግ ከመርማሪ ቡድኑ ጋር በጋራ እየሰሩ መሆኑን በድረገፃቸው ላይ አስፍረዋል፡፡

የኢትዮጵያ አየር መንገድ ዋና ስራ አስፈፃሚ አቶ ተወልደ ገ/ማርያም አስተማማኝነታችው እስኪረጋገጥ አየር መንገዶች ሁሉ ቦይንግ 737-8 ማክስ አውሮፕላኖችን ለጊዜው መጠቀም እንዲያቆሙ ጥሪያቸውን በትናንትናው እለት አስተላልፈው ነበር።

የአውሮፓ ህብረትን ጨምሮ በርካታ አገራት አውሮፕላኑ በአየር ክልላቸው እንዳይበር ማገዳቸው ይታወሳል፡፡

ምንጭ፡- ቢቢሲ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close