Connect with us

Art and Culture

የፈረንሳዩ ፕሬዚዳንት ኢማኑኤል ማክሮን በኢትዮጵያ የሁለት ቀናት ይፋ ጉብኝት ላይ ናቸው

FanaBC

Published

on

የፈረንሳዩ ፕሬዚዳንት ኢማኑኤል ማክሮን በኢትዮጵያ የሁለት ቀናት ይፋ ጉብኝት ላይ ናቸው

የፈረንሳዩ ፕሬዚዳንት ኢማኑኤል ማክሮን በኢትዮጵያ የሁለት ቀናት ይፋ ጉብኝት ላይ ናቸው።

ጠቅላይ ሚኒስትር ዐቢይ አህመድ የፈረንሳዩን መሪ ላሊበላ ተገኝተው አቀባበል ያደረጉላቸው ሲሆን ጥንታዊ ውቅር አብያተ ክርስቲያናትን አብረው ጎብኝተዋል።

ፕሬዚዳንት ማክሮን በኢትዮጵያ ለሚኖራቸው የሁለት ቀናት ይፋዊ የስራ ጉብኝት በዛሬው እለት ላሊበላ ከተማ ከገቡ በኋላ ነው የላሊበላ ውቅር አብያተ ክርስቲያናቱን የጎበኙት።

መሪዎቹ የላሊበላ ውቅር አብያተ ክርስቲያናት ውስጥ የሚገኘውን ቤተ ጊዮርጊን በጋራ በመሆን ጎብኝተዋል።

ከጉብኝቱ በኋላ በሰጡት መግለጫ ጠቅላይ ሚኒስትር ዶክተር አብይ አህመድ፥ ፕሬዚዳንት ማክሮን ባዩት ነገር መደመማቸውን እና ለቅርሱ ጥገና ድጋፍ እንደሚያደርጉ እንዳረጋገጡላቸው አስታውቀዋል።

የፈረንሳዩ ፕሬዚዳንት ኢማኑኤል ማክሮን በበኩላቸው፥ ባዩት ነገር መደመማቸውን ተናግረዋል።

ቅርሶቹን በአካል ተገኝተው መመልከታቸው ቅርሱን ለመጠገን እና ለመጠበቅ ለሚደረገው ድጋፍ የሚኖረው አስተዋጽኦ ከፍተኛ መሆኑን አስታውቀዋል።

ጠቅላይ ሚኒስትር ዶክተር እብይ አህመድ ባሳለፍነው ጥቅምት ወር በፓሪስ ጉብኝት ባደረጉበት ወቅት ፈረንሳይ ለላሊበላ ቅርስ ጥገና ድጋፍ እንድታደርግ ጠይቀው ነበር።

 

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close