Connect with us

Business

በኢትዮጵያ ቆርኪና ጣሳ ማምረቻ ኢንዱስትሪ አ.ማ. መንግሥት የነበረው የአክሲዮን ድርሻ ሽያጭ ውል ተፈረመ

FanaBC

Published

on

በኢትዮጵያ ቆርኪና ጣሳ ማምረቻ ኢንዱስትሪ አ.ማ. መንግሥት የነበረው የአክሲዮን ድርሻ ሽያጭ ውል ተፈረመ

መንግሥት በኢትዮጵያ ቆርኪና ጣሳ ማምረቻ ኢንዱስትሪ አ.ማ የነበረው የ75 በመቶ የአክሲዮን ድርሻ ሽያጭ ውል መጋቢት 3 ቀን 2ዐ11 ዓ.ም በመንግሥት የልማት ድርጅቶች ይዞታና አስተዳደር ኤጀንሲ የስብሰባ አዳራሽ ተፈርሟል፡፡

በተጠቀሰው አክሲዮን ማኀበር መንግሥት የነበረውን ድርሻ ሙሉ በሙሉ ወደ ግል ባለሀብት ለማዛዋወር ቀደም ሲል ተደጋጋሚ የጨረታ ማስታወቂያ የወጣበት ሲሆን ፣በባለፈው በጀት ዓመት ወጥቶ በነበረው ጨረታ ቁጥር ዐዐ1/2ዐ17-2ዐ18 ጂ.ሲ.ኤፍ.ቢዝነስ ግሩፕ ኃላፊነቱ የተወሰነ የግል ማኀበር የተሰኘ ብቸኛ ተጫራች ቀርቦ የብር 13ዐ ሚሊዮን ዋጋ ሰጥቷል፡፡ ይህ ዋጋ ከአክሲዮን ድርሻው ጠቋሚ ዋጋ ብር 125 ነጥብ 9 ሚሊዮን በላይ በመሆኑ ሽያጩ ፀድቆ ገዥው የቅድሚያ ክፍያውን የዋጋውን 35 በመቶ (ብር 45 ነጥብ 5 ሚሊዮን) ገቢ አድርጐ የሸያጭ ውሉ ሊፈረም ችሏል፡፡ ቀሪውን 65 በመቶ በአምስት ዓመታት እኩል ክፍያ ከፍሎ እንደሚያጠናቅቅ በሽያጭ ስምምነቱ ተጠቅሷል፡፡

በኤጀንሲው በኩል የሸያጭ ስምምነቱን የፈረሙት የኤጀንሲው ዋና ዳይሬክተር አቶ በየነ ገብረመስቀል ሲሆኑ ፣ በገዥው ሲ.ጂ.ኤፍ በኩል ደግሞ ዋና ሥራ አስኪያጁ አቶ ግርማይ ፈረደ ናቸው፡፡

ከፊርማ ሥነ ሥርዓቱ በኋላ የኤጀንሲው ዋና ዳይሬክተር አቶ በየነ ገብረመስቀል ባደረጉት ንግግር ሲ.ጂ.ኤፍ ቢዝነስ ግሩፕ ኃላፊነቱ የተመሰነ የግል ማኀበር የአክሲዮን ማኀበሩን ከፍተኛ ድርሻ የገዛ እንደመሆኑ መጠን ድርጅቱን ወደ ተሻለ የዕድገት ደረጀ የማድረስ ኃላፊነት እንዳለበት አስገንዝበው ለዚህም ኤጀንሲው ተገቢውን ድጋፍ እንደሚያደርግ ገልጸዋል፡፡

የሲ.ጂ.ኤፍ ዋና ሥራ አስኪያጅ አቶ ግርማይ ፈረደ በበኩላቸው በኘራይሼታይዜሸን መረሐግብር በመሳተፍ ከመግንሥት ድርጅት በመግዛት ረገድ ይህ የመጀረሪያቸው እንዳልሆነ ጠቅሰው የኤጀንሲው የድኀረ ኘራይሼታይዜሸን ክትትልና ድጋፍ ተጠናክሮ ሊቀጥል እንደሚገባ አሳስበዋል፡፡

ገዥው ሲ.ጂ.ኤፍ ቢዝነስ ግሩፕ ኃላፊነቱ የተወሰነ የግል ማኀበር በጥራጥሬ ወጪ ግንድ፣ በዘይት ማስመጣት፣በሆቴል ንግድ ሥራ እንደሁም በቆርኪ፣ በህክምና ጓንት፣ በጣሪያ ታይልስ ማምረቻና በሌሎች ዘርፎች እየተንቀሳቀስ የሚገኝ ሀገር በቀል ኩባንያ ነው፡፡

ምንጭ:- ኤፍ.ቢ.ሲ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close