Connect with us

Business

የፈረንሳዩ ፕሬዚዳንት ኢማኑኤል ማክሮን የኢትዮጵያ ጉብኝታቸውን ዛሬ ይጀምራሉ

FanaBC

Published

on

የፈረንሳዩ ፕሬዚዳንት ኢማኑኤል ማክሮን የኢትዮጵያ ጉብኝታቸውን ዛሬ ይጀምራሉ

የፈረንሳዩ ፕሬዚዳንት ኢማኑኤል ማክሮን በኢትዮጵያ የሚያደርጉትን ይፋዊ የስራ ጉብኝት ዛሬ እንደሚጀምሩ ተገለፀ።

ፕሬዚዳንት ማክሮን በምስራቅ አፍሪካ ሀገራት ለሚያደርጉት ጉብኝትም  ጉዞ መጀመራቸው ነው የተነገረው።

በዚህም መሰረት ፕሬዚዳንት ማክሮን በኢትዮጵያ ለሚኖራቸው የሁለት ቀናት ይፋዊ የስራ ጉብኝትም በዛሬ እለት አዲስ አበባ እንደሚገቡ ነው የሚጠበቀው።

በጉብኝታቸውም ፕሬዚዳንት ማክሮን ከኢፌዴሪ ፕሬዚዳንት ሳህለወርቅ ዘውዴ እና ከጠቅላይ ሚኒስትር ዶክተር አብይ አህመድ ጋር ተገናኝተው እንደሚወያዩ የኢፌዴሪ የውጭ ጉዳይ ሚኒስቴር አስታውቋል።

ውይይታቸውም በሁለትዮሽና ቀጠናዊ ጉዳዮች እንዲሁም የሁለቱ ሀገራት ህዝቦች የጋራ ተጠቃሚነት ላይ የሚያተኩር መሆኑም ሚኒስቴሩ ገልጿል።

ከዚህ በተጨማሪም ፕሬዚዳንት ማክሮን በኢትዮጵያ በሚኖራቸው ቆይታ የላሊበላ ውቅር አብያተ ክርስቲያናትን እንደሚጎበኙ ይጠበቃል።

ጠቅላይ ሚኒስትር ዶክተር አብይ አህመድ ባሳለፍነው ጥቅምት ወር በፈረንሳይ ጉብኝት ባደረጉ ወቅት ለፕሬዚዳንት ኢማኑኤል ማክሮን ኢትዮጵያን እንዲጎበኙ ግብዣ ማቅረባቸው ይታወሳል።

ፕሬዚዳንት ማክሮንም በጠቅላይ ሚኒስትር ዶክተር አብይ አህመድ የቀረበላቸውን ግብዣ መቀበላቸውን ተከትሎ ነው ጉብኝቱ የሚካሄደው።

በተያያዘ ፕሬዚዳንት ማክሮን በምስራቅ አፍረካ ሀገራት በሚኖራቸው ቆይታም ከኢትዮጵያ በተጨማሪ በጂቡቲ እና ኬንያም ጉብኝት እንደሚያደርጉም ተነግሯል።

ኤፍ.ቢ.ሲ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close