Connect with us

Ethiopia

የኢትዮጵያ አየር መንገድ ትላንት አደጋ ከደረሰበት አውሮኘላን ጋር የሚመሳሰሉ አራት አውሮላኖችን አገደ

Published

on

የኢትዮጵያ አየር መንገድ

የኢትዮጵያ አየር መንገድ ትላንት አደጋ ከደረሰበት አውሮኘላን ጋር የሚመሳሰሉ አራት አውሮላኖችን አገደ
ዛሬ ብሔራዊ የሐዘን ቀን ሆኖ ይውላል

በኢትዮጵያ አየር መንገድ የበረራ ቁጥር ኢቲ 302 ቦይንግ 737 -800 ማክስ አውሮፕላን በትላንትናው ዕለት ከደረሰው አደጋ ጋር ተያይዞ ቀሪዎቹ አራት ተመሳሳይ ቦይንግ 737 800 ማክስ አውሮፕላኖች ከትላትናው ዕለት ጀምሮ ላልተወሰነ ጊዜ ከሥራ ማገዱን አስታወቀ።

ሆኖም አየር መንገዱ እገዳው እስከመቼ ድረስ እንደሚቆይ ዝርዝር ማብራሪያ አልሰጠም።

አየር መንገዱ አደጋው ከተሰማበት ጊዜ ጀምሮ አብረውት ለነበሩ ወገኖች ምስጋናውን አቅርቦ ትክክለኛው የአደጋው መንስኤ ተጣርቶ እና ተመርምሮ እስኪታወቅ ድረስ ሕዝቡ በትግዕስት እንዲጠብቀው ጠይቋል። አደጋውን በተመለከተ የቪደዮም ሆነ የምስል መረጃ ያልተለቀቀ ሲሆን በማህበራዊ ድረ ገፃች የሚለቀቁት የሀሰት መረጃዎች ናቸው ብሏል።

አየር መንገዱም በሚታወቅበት የከፍተኛ የደህንነት ጥንቃቄው መደበኛ በረራዎች በተያዘላቸው ጊዜ የሚቀጥሉ ሲሆን ምንም አይነት የበረራ መስተጓገል የማይፈጠር መሆኑን እንዲታወቅ በትናትነውም እለትም ሆነ በዛሬው እለት ወደ ኬንያም ሆነ ወደ ተለያዩ ሀገራት የሚደረገው መደበኛ በረራ የቀጠለ ሲሆን ምንም የተለየ የበረራ መስተጎጎል እንዳልተፈጠረ አስታውቋል ፡፡

በዛሬው እለትም ከኬንያ ምሽቱን የገቡ ከፍተኛ የመንግስት ባለስልጣናት ከኢትዮጵያ ከፍተኛ የመንግስት ከፍተኛ ባለስልጣናት ጋር በመነጋገር መግለጫ ይሰጣሉ ተብሎ ይጠበቃል ፡፡

የአውሮፕላኑን አብዛኛውን አካል የማውጣት ስራው ይቀጥላል፡፡ አስከሬን የማውጣቱ፣ የመለየት የማጓጓዝ እና የማስረከቡ ስራ በሚቀጥሉ ቀናት ይቀጥላል ብሏል።
በስራው ላይ ለመሳተፍ እስራኤላውያን የአደጋ ጊዜ ሰራተኞችና ባለሙያዎች ወደኢትዮጽያ የገቡ ሲሆን ሌሎችም በስራው የሚሳተፉ ይገባሉ ተብሎ ይጠበቃል ፡፡
ቦይንግ ኩባንያ አዲሱ አውሮፕላን ሞዴል በተመረተ 6ወራት ውስጥ በአለም ላይ እንዲህ አይነት አደጋ ሲያጋጥመው ለሁለተኛ ጊዜ ነው።
የኢትዮጵያ አየር መንገድ የትላንት አደጋ ከተሰማ በኃላ ተመሳሳይ ሞዴል ያላቸው የቦይንግ የአውሮኘላን ምርቶች ከበረራ አግዳለች።

በተያያዘ ዜና የሕዝብ ተወካዮች ምክር ቤትንብረትነቱ ኢትዮጵያ አየር መንገድ የሆነ ቦይንግ 737-800Max የበረራ ቁጥር 302 ከአዲስ አበባ ወደ ናይሮቢ በሚጓዝበት ወቅት ቢሾፍቱ አካባቢ ተከስክሶ የ157 ሰዎች ሕይወት ማለፉን ተከትሎ ዛሬ ሰኞ መጋቢት 2 ቀን 2011 ዓ.ም ብሔራዊ የሐዘን ቀን እንዲሆን በትላንትናው ዕለት አወጀ።

በዚህ አዋጅ መሠረት የኢትዮጵያ ሰንደቅ ዓላማ በመላው ሀገሪቱ፣ በውጭ ሀገር በሚገኙ የኢትዮጵያ ኤምባሲዎች እና ቆንስላ ጽህፈት ቤቶች እንዲሁም በኢትዮጵያ መርከቦች ላይ ዝቅ ብሎ ይውለበለባል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close