Connect with us

Business

33ኛው የአለማችን ቱጃሮች ደረጃ ይፋ ሆነ

Published

on

33ኛው የአለማችን ቱጃሮች ደረጃ ይፋ ሆነ

33ኛው የአለማችን ቱጃሮች ደረጃ ይፋ ሆነ
Bekky@diretube

በየአመቱ ከሚጠበቁ ተጠባቂ ሁነቶች መሀል በፎርብስ መጽሄት ይፋ የሚደረገው የአለማችን የሀብታም ቢሊየነሮች ደረጃ አንዱ ነው።

በአሁኑ ሰአት 2153 ቢሊየነሮች በምድራችን ላይ ሲገኙ በ2018ቱ ከነበሩት በ55 ቀንሰዋል። ያም ብቻ ሳይሆን አምና በተመሳሳይ ወቅት ላይ የአለማችን ቢሊየነሮች 8.7ትሪሊየን ዶላር ባለቤት የነበሩ ሲሆን የዘንድሮዎቹ ቱጃሮች በ400ሚሊየን ዶላር አንሰው ተስተውለዋል። ከጠቅላላዎቹው 46 በመቶ ገደማ የሚሆኑት ካምና ሀብታቸው ያነሰ ዶላር ይዘው ጨርሰዋል።

ቻይናና የተቀረው ኤሽያ አምና ለፎርብስ ካስመዘገቧቸው ቱጃሮች በ60 የቀነሰ ቁጥር ሲስተዋል አፍሪካና አውሮፓም ተመሳሳይ እጣ ገጥሟቸዋል። ቻይና ግን ብቻዋን አምና በዝርዝሩ የነበሩ 49 ቢሊየነሮቿን አጥታለች። አሜሪካና ብራዚል ግን አምና ለፎርብስ ካስመዘገቧቸው የላቁ ቢሊየነሮችን አስመዝግበዋል። አሜሪካ 607 ቢሊየነሮች ሲኖሯት ከቀዳሚ 20ዎቹ 14ቱ እነሱ ናቸው።

የዘንድሮውን የፎርብስ ዝርዝር ለየት የሚያደርገው በርካታ እድሜያቸው ከ40 በታች ያሉ ወጣት ባለሀብቶች በስፋት የተስተዋሉ ሲሆን 71 ቢሊየነሮች እድሜያቸው 40 ያልሆኑ ልጥጦች ዝርዝሩ ውስጥ ተካተዋል።

በአጠቃላይ 195 አዳዲስ ቢሊየነሮች የፎርብስን ዝርዝር ተቀላቅለዋል። ከአዳዲሶቹ መሀል የቻይናው ኮሊን ሁዋንግ ሀብታሙ አዲስ ቢሊየነር ሲሆን ባለፈው ሰኔ በአሜሪካ የተለቀቀው የፒንዶዶ የኢንተርኔት መገበያያ በፍጥነት አዲሱ አንደኛ ሀብታም ያደረገው ሲሆን ከምንም በላይ ትኩረትን ያገኘችው በ21 አመቷ ቢሊየነር በመሆን አለምን ጉድ ያሰኘችው ካይሊ ጄነር በስሟ የከፈተችው የካትሊ ኮስሜቲክስ በትንሽ እድሜዋ ቢሊየነር አድርጓታል። የኢንተርኔት ግብይትን መጠቀሟ በስፋት ገበያዋን ያናረላት ካይሊ በተለይ ከአልታ ጋር በትስስር መስራት ከጀመረች በኋላ የላቀ ውጤት አስገኝቶላታል።

የአሜሪካው ፕሬዚዳንት 51 ደረጃዎችን አሻሽለው 715ኛ የሆኑ ሲሆን 3.1 ቢሊየን ዶላር ይዘው 2018ን አጠናቀዋል።
የመጀመሪያዎቹ 20 ቢሊየነሮች 1.2 ትሪሊየን ዶላር ባለሀብት ሲሆኑ ፎርብስ ላይ ከተመዘገቡት 2153ቱ ቢሊየነሮች ብቻ 14 በመቶ የነሱ ድርሻ ሆኗል። ከሌላው የአለም ህዝብ ደግሞ ዝም ብሎ ማሰብ ነው!!!

የአማዞኑ ጄፍ ቤዞስ በ131 ቢሊየን ዶላር አንደኝነቱን ሲያስከብር ለረጅም አመታት አንደኛ የነበረው የማይክሮሶፍቱ ቢልጌትስ በ96 ቢሊየን ዶላር 2ተኛ ዋረን ባፌት በ82.5 3ተኛ ሲሆን የፌስቡኩ ዘከርበርግ 8ተኛ ሚካኤል ብሉምበርግ 9ነኛ ሆነዋል። ቱጃሯ ወይዘሮ ቤተንኮርት ማይልስ በ49.5 ቢሊየን ዶላር ከሴቶች አንደኛ በአጠቃላይ 15ኛ ሆነዋል። የአሊባባው ጃክ ማ 21ኛ የቴስላው ኤለን ሞስክ 40ኛ ሆነዋል።

ራሺያዊው የቼልሲ ባለሀብት ሮማን አብራሞቬች 107ኛ ደረጃን ሲይዙ የአፍሪካው አሊኮ ዳንጎቴ በ9.99 ቢሊየን ዶላር ከአፍሪካ ቀዳሚው ከአለም 136ኛ ሆነዋል። ለ18 አመት በዝርዝሩ ውስጥ የነበሩት ዶሜኒኮ ዶልቼ እና ስቴፋኖ ጋባና በዶልቼ ጋባና የፋሽን ኢንደስትሪ ከቢሊየነርነት መውጣታቸው ብዙ እየተባለበት ይገኛል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close