Connect with us

Africa

ኬንያና ሶማሊያ በመካከላቸው ያለውን ልዩነት በሰላማዊ መንገድ ለመፍታት ስምምነት ላይ ደረሱ

Published

on

ኬንያና ሶማሊያ በመካከላቸው ያለውን ልዩነት በሰላማዊ መንገድ ለመፍታት ስምምነት ላይ ደረሱ

ኬንያና ሶማሊያ በመካከላቸው ያለውን ልዩነት በሰላማዊ መንገድ ለመፍታት ስምምነት ላይ ደረሱ፡፡

የኬንያው ፕሬዚዳንት አሁሩ ኬንያታና የሶማሊያው ፕሬዚዳንት ሙሀመድ አብዱላሂ ፋርማጆ በጠቅላይ ሚኒስትር ዶክተር አብይ አህመድ አስተባባሪነት በዛሬው ዕለት በኬንያ ውይይት አድርገዋል፡፡

በዚህም በሁለቱ ሀገራት መካከል ለተፈጠረው ውጥረት መንሥኤ በሆኑ ጉዳዮች ላይ ውይይት በማድረግ ስምምነት ላይ መድረሳቸው ነው የተገለፀው።

መሪዎቹ ባደረጉት ስምምነት በመካከላቸው ያለውን ውጥረት ለመቀነስ የሚያስችሉ እርምጃዎችን ለመውስድም ተስማምተዋል።

የሶስቱ ሀገራት መሪዎቹ በዛሬው ዕለት ባደረጉት ውይይት ሽብርተኝነትን ለመከላከል በጋራ ለመስራት ስምምነት ላይ ደርሰዋል።

በተለይ በአፍሪካ ቀንድ ሰላምና ደህነንትን ለማረጋገጥ በትኩረት ለመስራት ነው የተስማሙት።

የሶማሊያ መንግስትም ኬንያና ሶማሊያ በውይይት ልዩነቶቻቸውን እንዲፈቱ ጠቅላይ ሚኒስትር ዶክተር አብይ አህመድ ላደረጉት አስተዋፅኦ ምስጋና አቅርቧል።

ኬንያ እና ሶማሊያ በባህር ክልል ወሰን ይገባኛል ጥያቄ ሰሞኑን አለመግባባት ውስጥ መግባታቸው ይታወቃል።

ጠቅላይ ሚኒስትር ዶክተር አብይ አህመድም የምስራቅ አፍሪካ የልማት በይነ መንግስታት (ኢጋድ) ሊቀ መንበር እንደመሆናቸው በኬንያ እና ሶማሊያ መካከል የተፈጠረውን አመለግባባት ለመቅረፍ ትኩረት ሰጥተው እየሰሩ እንደነበረ የሚታወስ ነው።

ምንጭ:-  ኤፍ.ቢ.ሲ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close