Connect with us

Education

ተወዳጁ የጎንደር ዩኒቨርሲቲ ፕሬዚዳንት በፍቃዳቸው ኃላፊነታቸውን ለቀቁ፤

Published

on

ተወዳጁ የጎንደር ዩኒቨርሲቲ ፕሬዚዳንት በፍቃዳቸው ኃላፊነታቸውን ለቀቁ፤

ተወዳጁ የጎንደር ዩኒቨርሲቲ ፕሬዚዳንት በፍቃዳቸው ኃላፊነታቸውን ለቀቁ፤
ዓለም አቀፋዊ በሆነ ተቋም የአፍሪካ ከፍተኛ የስራ ሃላፊ ሆነው ተሹመዋል፡፡
***
በጎንደር ዩኒቨርሲቲ ላለፉት አስራ ሦስት ዓመታት በተለያዩ ሃላፊነቶች ሲያገለግሉ የቆዩት የጎንደር ዩኒቨርሲቲ ፕሬዚዳንት ዶክተር ደሳለኝ መንገሻ በገዛ ፍቃዳቸው ሃላፊነታቸውን ለቀዋል፡፡

ዶክተር ደሳለኝ መንገሻ በጅማ ዩኒቨርሲቲ የተለኮሰውን የማህበረሰብ አቀፍ አገልግሎት ባህል በጎንደር ዩኒቨርሲቲ በከፍተኛ ደረጃ በማቀጣጠል የጎንደር ዩኒቨርሲቲ ከመጀመሪያ ትውልድ ዩኒቨርሲቲዎች ተጽእኖ ፈጣሪ በመሆን ስሙ እንዲጠራ የሰሩ የከፍተኛ ትምህርት ተቋም ናቸው፡፡

የዩኒቨርሲቲው የፌስቡክ ገጽ ይፋ እንዳደረገው ዶክተር ደሳለኝ መንገሻ በገዛ ፍቃዳቸው ከሃላፊነታቸው የለቀቁ ሲሆን በዩኒቨርሲቲው ማህበረሰብ ዘንድ ከፍተኛ ተቀባይነት ያላቸው በህብረት የመስራትን ባህል ያዳበሩ ቅቡል መሪ ነበሩ፡፡

የዩኒቨርሲቲው የስራ ሃላፊዎችና የዩኒቨርሲቲው ማህበረሰብ ለዶክተር ደሳለኝ ያለውን መልካም ስሜት በመግለጽ ከዩኒቨርሲቲው መለየታቸው የፈጠረበትን የሚረብሽ ስሜት ገልጾዋል ሲሉ አንድ ከፍተኛ የዩኒቨርሲቲው የስራ ሃላፊ ለድሬ ቲዮብ ገልጸዋል፡፡

ዶክተር ደሳለኝ በተለየ መልኩ የፋሲል ከነማ ስፖርት ክለብን በመደገፍ፣ በጎንደር የተለያዩ ትምህርት ቤቶችን በመገንባት፣ የዐፄ ቴዎድሮስ የልደት በዓልን መቅደላ 150 በሚል በድምቀት በማክበር ጎንደር ዩኒቨርሲቲን የኩነት ማዕከል በማድረግ በህግ በግብርናና በጤና ዘርፎች ዩኒቨርሲቲው ላበረከታቸው ከፍተኛ አስተዋጽዎች ከፍተኛውን ሚና የተጫወቱ መሪ ናቸው፡፡

ምንጮቻችን እንደገለጹት ዶክተር ደሳለኝ መንገሻ ለአንድ ዓለም አቀፋዊ ተቋም የአፍሪካ ከፍተኛ የስራ ሃላፊ ሆነው በምስራቅ አፍሪካ ቀጠና መሾማቸውን ነው የገለጹት፡፡ ጎንደር ዩኒቨርሲቲ በሀገር አቀፍ ደረጃ በጥራት የአንደኝነት ደረጃን ይዞ ለተከታታይ ዓመታት ሲሸለም የቆየ በርካታ ዓለም አቀፋዊና ሀገራዊ ሽልማቶችን የተጎናጸፈ የሰላሙ ዩኒቨርሲቲ በሚል የመለዮ ስያሜው የሚታወቅ ከፍተኛ የትምህርት ተቋም ነው፡፡

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** ኢትዮ ጵያን የተመለከቱ የተለያዩ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close