Connect with us

Art and Culture

የሱዳን የልዑካን ቡድን አባላት በኮፈሌ የሲንቄ ባህላዊ ሥርዓትን እየጎበኘ ነው

Published

on

የሱዳን የልዑካን ቡድን አባላት በኮፈሌ የሲንቄ ባህላዊ ሥርዓትን እየጎበኘ ነው

የሱዳን የልዑካን ቡድን አባላት በኮፈሌ የሲንቄ ባህላዊ ሥርዓትን እየጎበኘ ነው።
******
ትናንት ኦሮሚያ ክልል የገባው የሱዳን የልዑካን ቡድን ኢትዩጵያና ሱዳን በባህል ትስስር ባላቸው የሁለትዮሽ ግንኙነት መሠረት በኢፌዲሪ ባህልና ቱሪዝም ሚኒስቴር መሪነት ከኦሮሚያ ብሔራዊ ክልላዊ መንግስት ባህልና ቱሪዝም ቢሮ ጋር በመተባበር ያዘጋጀው ነው።

ጉብኝቱ በዋናነት የኦሮሞ ብሔር ባህላዊ የግጭት አፈታት ሥርዓት የሆነውንና የሴቶችን ሚና አጉልቶ የሚያሳየውን አስደናቂውን የ”ሲንቄ” ባህላዊ ስርዓት መጎብኘት ነው።

ትናንት የካቲት 26 ቀን 2011 ዓ.ም. ከሰዓት በኋላ ኮፈሌ ከተማ ሲደርስ በአርሲ የባህል እናቶች ደማቅ አቀባበል ተደርጎለታል።

ሴቶች ግጭትን በማስወገድ ሰላምን በማስፈን በገዳ ሥርዐት እሴት በጉልህ የሚጠቀሰው የሲንቄ ሥርዓት በክዋኔ ቀርቧል።

በኮፈሌ የኦሮሞ ባህል ሙዚየም የእንኳን ደህና መጣችሁ አቀባበል የተደረገ ሲሆን በኦሮሚያ ባህልና ቱሪዝም ምክትል ቢሮ ኃላፊ በአቶ አድማሱ ዋቅጅራ ስለ ገዳ ሥርዓትና የሲንቄ ባህላዊ እሴት ገለፃ ተደርጓል። ባህላዊ ምግቦች የቀረቡበት ደማቅ መስተንግዶ ተሳታፊዎቹን የልዑካን ቡድን አባላት አስደስቷል።

በሚኒስቴር መስሪያ ቤቱ የሥርዓተ ፆታ ዳይሮክተሬት አስተባባሪነት በተዘጋጀው ጉብኝት የዳይሮክተሬቱ ዳይሬክተር ወይዘሮ ወይንሸት ኃይለማርያም ሲንቄ ምንም አይነት ችግር በሰላም የሚፈታ ባህላዊ እሴት መሆኑን ገልፀው የሲንቄ ምልክት ስለሆነችው በትር ለልዑካን ቡድኑ ሰፊ ገለፃ አድርገዋል።

ከሰላሳ በላይ የሱዳን ልዑካን ቡድን አባላት ከተለያዩ መሥሪያ ቤቶች የተውጣጡ ተሳታፊዎች: የሴት ነጋዴዎች ማኅበር ፕሬዚዳንት የቁንጅና ውድድር አሸናፊዋና የቱሪዝም አምባሳደሯ ፈቲያ መሐመድን ጨምሮ በርካታ ተሳታፊዎች የታደሙበት የመስክ ጉብኝት በድምቀት እንደቀጠለ ነው።

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** ኢትዮ ጵያን የተመለከቱ የተለያዩ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close