Connect with us

Africa

ወደ አሰብ ወደብ መዳረሻ ያለው 60 ነጥብ 6 ኪሎ ሜትር መንገድ ጥገና ተጠናቀቀ

Published

on

ወደ አሰብ ወደብ መዳረሻ ያለው 60 ነጥብ 6 ኪሎ ሜትር መንገድ ጥገና ተጠናቀቀ

ወደ አሰብ ወደብ መዳረሻ ያለው 60 ነጥብ 6 ኪሎ ሜትር መንገድ ጥገና መጠናቀቁን የኢትዮጵያ መንገዶች ባለስልጣን አስታወቀ።

ከኤሊዳር – ማንዳ ያለው 30 ነጥብ 6 ኪሎ ሜትር በመከላከያ ኮንስትራክሽን ኢንተርፕራይዝ ተጠግኗል።

ሁለተኛውና ከማንዳ – ቡሬ ያለው 30 ኪሎ ሜትር መንገድ ደግሞ በኢኮስኮ ጥገና እንደተደረገለት ከባለስልጣኑ ያገኘነው መረጃ ያመላክታል።

የመንገዱ ከባድ ጥገና በሁለት ተከፍሎ የተካሄደ ሲሆን፥ ከ121 ሚሊየን ብር በላይ ወጪ ተደርጎበታል።

በጥገናው የተጎዳውን የመንገዱን ክፍል በተመረጠ ጠጠር ማልበስ፣ ጠባብ የሆኑትን መንገዶች ወደ 10 ሜትር እና 12 ሜትር የመንገድ ግራና ቀኝ ትከሻን ጨምሮ ማስፋት፣ የቆረጣ ስራ ማከናወን፣ የውሃ መፋሰሻ ፉካ እና ቦዮችን መገንባት እንዲሁም ተራራማ በሆኑ ቦታዎች ላይ ናዳን ለመከላከል የሚረዳ የአቃፊ ግንብ ስራ ተካሂዷል።

የመንገዱ መጠገን በሁለቱ ሀገራት መካል ያለውን የህዝብ ለህዝብ ግንኙነት ከማሳደግ ባለፈ ከዚህ ቀድሞ ተቋርጦ የነበረውን የአሰብ ወደብ የወጪ ገቢ ንግድ እንቅስቃሴ ዳግም ወደ ስራ እንደሚያስገባ ታምኖበታል።

ጥገናው መስመሩን የሚጠቀሙ የጭነት ተሸከርካሪዎችን ክብደት መሸከም እንዲችል ተደርጎ የተሰራ መሆኑም ተጠቅሷል።

የአዲስ አበባ አሰብ መንገድ 882 ኪሎ ሜትር ርዝመት ሲኖረው፥ 811 ኪሎ ሜትሩ በኢትዮጵያ ቀሪው 71 ኪሎ ሜትር ደግሞ በኤርትራ ክልል ውስጥ ይገኛል።

(ምንጭ፡- ፕሬስ ድርጅት)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close