Connect with us

Business

ትሪሊየን ሰዎችን በስፔስ ለማኖር ያለመው የአማዞን ትልም

Published

on

ትሪሊየን ሰዎችን በስፔስ ለማኖር ያለመው የአማዞን ትልም

ትሪሊየን ሰዎችን በስፔስ ለማኖር ያለመው የአማዞን ትልም | Bekky@diretube

መቼም ማለም አይከለከልምና አልመው ትልቅ ደረጃ ከደረሱት መሀል የአለማችን ቁንጮው የአማዞኑ ጄፍ ቤዞስ ነው። በ22 አመታት ውስጥ የፖስታ ቤት ደብዳቤ ከማመላለስ ተነስቶ ቁጥር አንድ የመገበያያ ፕላትፎርም የፈጠረው የአማዞኑ ጄፍ ቤዞስ ባለሀብቶችን ወደ ጨረቃ እና ወደ ስፔስ በክፍያ መውሰድ በቴስላው ኤለን ሞስክ የተጀመረውን ፕሮጀክት ጭራሹን አስፍቶት በእኛዋ ሚልክዌይ በትሪሊየን የሚቆጠር ሰው መኖር የሚችልበትንና በሺዎች የሚቆጠሩ አይ ኪዋቸው ከፍተኛ የሆኑ ሰዎች የሚኖሩበትን መላ ዘይጃለው ብሏል።

ብሉ ኦሪጅን የተሰኘ ወደ ስፔስ ያለ ትራንስፖርትን አስመልክቶ ሲያወራ “ይህች ምድራችን እጅግ በፈጠነ የህዝብ እድገት ላይ ነች ወደፊት ትሪሊየን ስንጠጋ መኖር ያቅተናል ያ ሳይሆን በፊት ለልጅ ልጅ ልጆቻችን የሆነ ነገር መስራት ጀምረን ብናልፍ መልካም ነው። ሰፊውን ሶላር ሲስተማችንን በሚገባ ከተጠቀምንበት ግን ይህን ችግር በዘላቂነት እንቀርፋለን” በማለት ሀሳቡን አስፍሯል።

“ዘላለም አንኖርም ብሉ ኦሪጅን ፕሮጀክትም (በትንሽ ወጪ ብዙ ጊዜ የሚወነጨፍ መንኮራኩር) ለመቶ አመታት ቢያገለግል ነው። በቋሚነት የሚረዳንን መኖሪያ ለልጆቻችን እንጀምር እነሱ ጨርሰው ይጠቀሙበት” ሲል ሀሳቡን ገልጿል።

የቴክኖሎጂ ጓዱን ማርክ ዘከርበርግን እጅግ እንደሚያደንቅ የጠቆመው ቤዞስ እሱ በዶርሙ የጀመረው ዛሬ የት እንደደረሰ ተመልከቱ የግማሽ ትሪሊዮን ዶላር ካምፓኒ ሆኗል። የኔም የስፔስ ኮሎኒ እቅድ እንደዙከርበርግ ነው ያለው የአለማችን ቁጥር አንድ ቱጃር ከአማዞን ሀብቱ ላይ ቀንሶ ይህን የትልቅ ሊፍት መሰረተ ልማት ለወደፊት ልጆቻችን መጀመር እንዳለብኝ ተሰምቶኛል ብሏል።

ብሉ ኦሪጅን በፈረንጆቹ 2000 የተጀመረ ፕሮጀክት ሲሆን ወደ ስፔስ ለመሄድ ለሚደረግ ጉዞ እጅግ በቅናሽ ዋጋ ለማስተናገድ ሙከራቸውን ሁሉ በተሳካ ሁኔታ በተደጋጋሚ እንዳደረጉ ገልጸዋል።

ከኤለን ሞስኩ ከስፔስ ኤክስ ጋር ከባድ ፉክክር እንደሚገጥመው ብዙ ቢባልም ቤዞስ ግን “ስራው እጅግ ሰፊ ስለሆነ በጋራ እንጂ ለግል የሚሰራ ነገር የለውም” ብሏል።

Source: Business insider

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close