Connect with us

Business

በአዲስ አበባ ህገ ወጥ የተባሉ ከአንድ ሺህ በላይ አሰሪና ሰራተኛ አገናኝ ኤጄንሲዎች ታገዱ

Published

on

በአዲስ አበባ ህገ ወጥ የተባሉ ከአንድ ሺህ በላይ አሰሪና ሰራተኛ አገናኝ ኤጄንሲዎች ታገዱ

በአዲስ አበባ ከ1ሺህ በላይ ህገ ወጥ አሰሪና ሰራተኛ አገናኝ ኤጄንሲዎች እገዳ እንደተጣለባቸው የከተማ አስተዳደሩ የሰራተኛና ማህበራዊ ጉዳዮች ቢሮ አስታወቀ፡፡

ቢሮው ህጋዊ አሰራርን ተከትለዉ የሚሰሩ የአሰሪና ሰራተኛ አገናኝ ኤጀንሲዎች 315 መሆናቸውን ቢሮው አመልክቷል፡፡

ህጋዊ ፈቃድ ሳይኖራቸዉ ማስታወቂያ በመለጠፍና ህጋዊ በማስመሰል ሲንቀሰቃሱ የነበሩ በከ1ሺህ ስድስት ኤጄንሲዎች ላይ በጥናት በመለየት እርምጃ እንደተወሰደ የቢሮው ምክትል ኃላፊ አቶ አሰፋ መብራቴ ለኢቢሲ ተናግረዋል፡፡

ቢሮ ባደረገው የክትትልና ቁጥጥር ስራዎች ህገወጥ ኤጄንሲዎችን የማሸግ ስራ እየተከናወነ መሆኑም አመልክቷል፡፡

አሰሪና ሰራተኛ አገናኝ ኤጄንሲዎች ተቀጣሪውን ከቀጣሪዉ ጋር በሚያገናኙበት ወቅት የአገልግሎት ክፍያን ወይም ኮሚሽን መቀበል ያለባቸዉ በህጉ መሰረት ከቀጣሪዉ ሆኖ እያለ ከተቀጣሪ የሚወሰዱት ክፍያ ግን ህገ ወጥ ድርጊት መሆኑን ቢሮው ገልጿል፡፡

ተቀጣሪዎችም ከኤጄንሲዎች ክፍያ በሚጠየቁበት ወቅት ለህግ አስከባሪ አካላትና ለቢሮው በመጠቆም እርምጃ እንዲወሰድበት ማስደረግ እንደሚችሉም ተጠቁሟል፡፡

የአገር ውስጥ ስራና ሰራተኛ አገናኝ ኤጀንሲዎች ህጋዊ በሆነ መንገድ መስራታቸው በርካታ የሰራ እድል ይፈጥራሉ ያለው ቢሮው፣ በአንፃሩ ግን ህጋዊ ፈቃድና አሰራር ሳይከተሉ የሚሰሩ ኤጀንሲዎች በመኖራቸው ተቀጣሪዎች አስፈላጊውን ጥንቃቄ እንዲያደርጉ አሳስቧል፡፡

ቢሮው የሰራተኞችን የስራ ላይ ደህንነት ለማስጠበቅ እንዲቻል ያሉትን ባለሙያዎች በመመደብ ቁጥጥር ማድረጉን እንደሚቀጥልም አስተውቋል፡፡

(ኢቲቪ)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close