Connect with us

Business

የዲያስፖራው ትክክለኛ ቁጥር አይታወቅም

FanaBC

Published

on

የዲያስፖራው ትክክለኛ ቁጥር አይታወቅም

በውጭ የሚኖሩ ኢትዮጵያውያንና ትውልደ ኢትዮጵያውያንን ትክክለኛ ቁጥርና የሚኖሩባቸውን ሀገራት መለየት የሚያስችል ስርዓት ከፊታችን ዓርብ በይፋ እንደሚጀመር የኢትዮጵያ ዲያስፖራ ኤጀንሲ ዋና ዳይሬክተር ወይዘሮ ሰላማዊት ዳዊት ገለጹ፡፡

የዲያስፖራዎችን ቁጥርና የሚኖሩባቸውን ሀገራት ለማወቅ ስራ መጀመሩን የተናገሩት ዋና ዳይሬክተሯ÷ እስካሁን በትክክል ቁጥራቸው ይሄ ነው ብሎ ለመናገር የሚያስችል መረጃ እንደሌለ ይናገራሉ፡፡

በዚህም ኤጀንሲው ተቀዳሚ ተግባሩን የኢትዮጵያ ዲያስፖራ መረጃ አድርጎ ይሰራል ብለዋል፤ የመረጃ ስርዓቱን በአጭር ጊዜ ውስጥ አጠናቆ ይፋ ለማድረግ እየተሰራ መሆኑን በመጥቀስ።

የአንዲት ሀገር ዲያስፖራዎች ገንዘብ ከመላክ ባለፈ ዘመናዊ የቴክኖሎጂ ሽግግር እንደ ሀገራቸው ተጨባጭ ሁኔታ በማስተላለፍም ትልቅ ድርሻ እንዳላቸውም ተናግረዋል።

ኢትዮጵያውያን በዚህ ዘርፍ እንዲሳተፉ ለማድረግ ራሱን የቻለ አደረጃጀት መፈጠሩን ጠቁመዋል፡፡

ከአሁን በፊት ለተለያዩ የአሰራር ችግሮች ሲጋለጡ የነበሩ ዲያስፖራዎች መኖራቸውን ያስታወሱት ዳይሬክተሯ÷ ችግሮች በጥናት መለየታቸውንና ዳግም እንዳይከሰቱ ከክልሎች ጋር ተጠያቂነትን ማዕከል ያደረገ አሰራር ስርዓት እየተዘረጋ መሆኑን አስረድተዋል።

በኢትዮጵያ ኢኮኖሚክስ ባለሙያዎች ማህበር ከፍተኛ ተመራማሪ የሆኑት ዶክተር ሰይድ ዲያስፖራዎችን ገንዘብ እንዲልኩ ከማድረግና ወደ ሀገር ቤት እንዲመለሱ ከማድረግ ጎን ለጎን የእነርሱ ተሳትፎ ያለበት የልማት ፕሮጀክት ይፋ ማድረግ አስፈላጊ መሆኑን ጠቁመዋል፡፡

ከእስያ ህንድ፣ ቻይና፣ ፊሊፒንስና ከአፍሪካ ናይጀሪያ በዘርፉ የተሻለ ተሞክሮ ያላቸው ሀገራት እንደሆኑ የዓለም ባንክ የ2018 ሪፖርት ያመላክታል፡፡

(ምንጭ፡- ፋና ብሮድካስቲንግ ኮርፖሬሽን)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close