Connect with us

Art and Culture

የባህልና ቱሪዝም የስድስት ወራት አፈፃፀም ሀገራዊ ሴክተር ጉባኤ በባህርዳር እየተካሄደ ነው

Published

on

የባህልና ቱሪዝም የስድስት ወራት አፈፃፀም ሀገራዊ ሴክተር ጉባኤ በባህርዳር እየተካሄደ ነው

ኢትዮጵያ ባለፉት ስድስት ወራት 380,376 የውጪ ጎብኚዎችን አስተናግዳ 1.5 ቢሊዮን ዶላር የሚጠጋ ገንዘብ አግኝታለች።
የባህልና ቱሪዝም የስድስት ወራት አፈፃፀም ሀገራዊ ሴክተር ጉባኤ በባህርዳር እየተካሄደ ነው።
*********
ባህር ዳር የባህል ቱሪዝምና ስፖርት ዘርፍ የ2011 ዓ.ም. የመጀመሪያውን ስድስት ወራት የሚገመግም ሀገራዊ ጉባኤ እያስተናገደች ነው። ከየካቲት 12 እስከ 15 2011 ዓ.ም. ለሦስት ቀናት በሚካሄደውና ትናንት በተጀመረው ጉባኤ ከህዝብ እንደራሴዎች ምክር ቤት የሴቶች ህጻናትና ማህበራዊ ዘርፍ ቋሚ ኮሚቴ ሰብሳቢና አባላት፣ የክልል የባህል ቱሪዝምና የስፖርት ዘርፍ አመራሮችና የዘርፉ ባለድርሻ አካላት እየተሳተፍ ነው።

ጉባኤውን የኢፌዴሪ የባህልና ቱሪዝም ሚንስትር ዶክተር ሂሩት ካሳው በንግግር ሲከፍቱ ስፓርት ከባህልም ሆነ ከቱሪዝም ጋር ያለውን ትስስር በመግለፅ የተቀናጁ ስራዎች መሰራት እንደሚኖርበት አስረድተዋል።

የሚንስቴር መ/ቤቱ ሱፐርቪዥን አባላት በአካል ምልከታ የገመገሙትን አሰራር የሚያሳይ ሪፓርት የቀረበ ሲሆን የኦሮሚያ፣ የትግራይ፣ የደቡብ፣ የአዲስ አበባ የቤኒሻንጉል ጉሙዝና የአማራ ብሄራዊ ክልል የባህልና ቱሪዝም ሴክተሮች አፈፃፀም ሪፖርቶች ቀርበው ውይይት እየተደረገባቸው ይገኛል።

እንደ ፌደራሉ ሁሉ በክልሎች ወጥ የሆነ የዘርፉ መዋቅር ባለመኖሩ አንዳንድ ክልሎች የስፓርት ሴክተሩን ሪፓርት ሳያካትቱ መቅረባቸው በውይይቱ እንደ ችግር ተነስቷል።

የሚኒስቴር መስሪያ ቤቱ የህዝብና ዓለም አቀፍ ግንኙነት ባወጣው መረጃ በ2011 በጀት አመት በመጀመሪያው ስድስት ወራት 380,376 የውጭ ቱሪስቶች አገራችንን የጎበኙ ሲሆን 1,424,127,744 የአሜሪካን ዶላር ገቢ ተገኝቷል። እንደ ህዝብና ዓለም አቀፍ ዳይሮክተሬት ገለፃ ይህ ቁጥርና ገቢ ከዚህ በፊት ታሳቢ ተደርገው ይሰሉ የነበሩ ተጨማሪ ቁጥሮችን በማስወገድ ከኢሚግሬሽን የተገኘን ዝርዝር በመጠቀም የተሰላ ነው።

ለዘገባው የፎቶ ግራፍ ምስሎች የባህልና ቱሪዝም ሚኒስቴር የህዝብና ዓለም አቀፍ ግንኙነትን እናመሰግናለን።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close