Connect with us

Business

የታላቁ ህዳሴ ግድብ ፕሮጀክት ስራን ለማፋጠን ከተለያዩ ኩባንያዎች ጋር ስምምነት ተፈረመ

Published

on

የህዳሴ ግድብ የቀድመ ኃይል ማመንጫ ስራዎችን ለማከናወን የሚያስችል ስምምነት ተፈረመ

የኢትዮጵያ ኤሌክትሪክ ኃይል የታላቁ ህዳሴ ግድብን የቀድመ ኃይል ማመንጫ ስራዎችን ለማከናወን የሚያስችል የኮንትራ ስምምነት ከቻይና ሲጂጂሲ ኩባንያ ጋር ተፈራረመ።

የኮንትራት ስምምነቱ ከቅድመ ኃይል ማመንጫ ጋር የተገናኙ የብረታ ብረት ስራዎች፣ ቦተም አውትሌት፣ የውሃ ማቀበያ፣ የውሃ መቀልበሻ ጋር በተገናኘ ሙሉ የተጓደሉ እቃዎችን በማቅረብ፣ የጥራትና የልኬት ችግር ያለባቸውን በማስተካከል፣ በማምረትና የተከላ ስራዎችንና የመቆጣጠሪያ በሮችን ስራ የሚያጠቃልል ነው።

ስምምነቱንም በኢትዮጵያ ኤሌክትሪክ ኃይል ዋና ስራ አስፈፃሚ ዶክተር አብርሃም በላይና በኢትዮጵያ የሲጂጂሲ ኩባንያ ተወካይ ሚስተር ያንግ ናቸው የተፈራረሙት።

በፊርማ ስነ ስርዓቱ ላይ ዶክተር አብርሃም፥ የታላቁ ህዳሴ ግድብ ፕሮጀክት ስራን ለማፋጠን ከተለያዩ ኩባንያዎች ጋር ስምምነቶች ተካሂደዋል ብለዋል።

ይህ ስምምነትም የፕሮጀክቱን ግንባታ ለማፋጠን ከፍተኛ ድርሻ ይኖረዋል ያሉት ዋና ስራ አስፈፃሚው፥ የፕሮጀክቱን ግንባታ በተቀመጠለት መርሃ ግብር መሰረት ለማጠናቀቅ ፕሮጀክቱ ላይ እየተሳተፉ ከሚገኙ የተለያዩ ኩባንያዎች ጋር በመተባበር ሌት ተቀን በርትተው መስራት እንደሚጠበቅባቸው አስረድተዋል።

የሲጂጂሲ ኩባንያ ተወካይ ሚስተር ያንግ በበኩላቸው፥ ኩባንያቸው ከዚህ በፊት በኢትዮጵያ በተለያዩ የኃይል ማመንጫ ጣቢያ ፕሮጀክቶች ላይ ተሳትፎ እንደነበረው አስታውሰው፤ በስምምነቱ መሰረት የፕሮጀክቱን ስራ በጥራትና በተቀመጠው ጊዜ አጠናቆ ለማስረከብ ከሌሎች ኩባንያዎች ጋር በመተባበር እንደሚሰሩ አረጋግጠዋል።

የታላቁ የኢትዮጵያ ህዳሴ ግድብ ፕሮጀክት ስራ አስኪያጅ ኢንጂነር ክፍሌ ሆሮ፥ ሲጂጂሲ ኩባንያ ከዚህ በፊት ከብረታ ብረትና ኢንጂነሪንግ ኮርፖሬሽን ጋር የቅድመ ኃይል ማመንጫ የብረታ ብረት ስራዎችን ለማከናወን ስምምነት እንደነበረው በመገለጽ፤ በአሁኑ ስምምነት ላይ የውል ማሻሻያ በማድረግ የ40 ነጥብ 1 ሚሊዮን የአሜሪካ ዶላር ስምምነት መደረጉን ተናግረዋል።

ከዚህ ስራ ተቋራጭ ጋር የተደረገው ስምምነት የፕሮጀክቱ ወሳኝ ስራ አካል እንደሆነም ኢንጂነር ክፍሌ ጠቁመዋል።

በተጨማሪም ኤሌክትሪክ ኃይል የኃይል ማመንጫ ዩኒቶችና ሌሎች ከፍተኛ የኃይል ማሰራጫዎች ተቀናጅተው እንዲሰሩ የሚያስችሉ የተለያዩ ስራዎችን ለማከናወን ቮይት ሀይድሮ ሻንጋይ ከተሰኘ ኩባንያ ጋር ስምምነት ተፈራርሟል።

ስምምነቱም ከግድብ፣ ማስተንፈሻ፣ ከሳድል ዳምና ከሌሎችም ጋር ሁሉንም የሚያገናኙ ስራዎችን ለማከናወን እንደተካሄደ ኢንጂነር ክፍሌ ገልፀዋል።

የፊርማ ስነ ስርዓቱንም ዶክተር አብረሃም በላይና የቮይት ሀይድሮ ሻንጋይ ምክትል ፕሬዚዳንት ሚስተር ታንግ ሹ ተፈራርመዋል፡።

ከዚህ ኩባንያ ጋር የተካሄደው ስምምነት የ113 ሚሊየን ዶላር እንደሆነም ኢትዮጵያ ኤሌክትሪክ ኃይል ያገኘነው መረጃ ያመለክታል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close