Connect with us

Ethiopia

ታራሚው ተሞሸረ

Published

on

ታራሚው ተሞሸረ

ይህ ለሀገራችን በታሪክም የመጀመሪያው ልንለው እንችላለን። በፎቶው ላይ የምታዩዋቸው ሙሽራው አንተነህ አፖሎ እና ሙሽሪት መስከረም ደገፋ ይባላሉ። ሙሽሪይ ታሳሪ ፍቅረኛዋን ሳትታክት ለዓመታት በቃሊቲ እስር ቤት ተመላልሳ ጠይቀዋለች፡፡ ይህን በቅርብ ይከታተል በነበረ ሌላ ታራሚ ደምስ ዘርይሁን ሁለቱን ጥንዶች ጋብቻቸውን እዲፈጽሙ አስፈላጊውን ሁሉ አደረገ፣ ስጦታም ሰጠ፡፡ እነሆ በትላንትናው ዕለት አንተነህ እና መስከረም በቃሊቲ ማረሚያ ቤት የ8 ዓመት ፍቅራቸውን በጋብቻ አጸኑት፡፡

በጋብቻ ሥነሥርዓቱ ላይ የክርስትናና የእስልምና ሀይማኖት መሪ አባቶችም ጋብቻቸውን ባርከውላቸዋል። እናት ወ/ሮ ፋንታዬ ኃ/ማርያም “የኢትዮጵያ እናቶች እምባ ታብሷል። በማረሚያ ቤት የሰዎች መብት ሲጣስ እንጂ ሰርግ ሲደገስበት ታይቶ አይታወቅም። ዓለሜን አይቻለሁ። እኔን ደስ ያሰኘ አምላክ እናንተንም ደስ ያሰኛችሁ” ብለዋል።

ደምስ ዘርይሁን የሚታወቀው “ካሚላት ላይ አሲድ ደፋህ” በሚል ጉዳዩ በፍርድ ቤት ሲታይ ነው። ደምስ በካሚላት ጉዳይ ቃሊቲ በእስር በሚገኝበት ወቅት ነበር ሙሽሪትንም ሙሽራውንም የሚያውቃቸው። ሙሽራው አንተነህ አፖሎ በቃሊቲ የህግ ታራሚ ነው። ሙሽሪት መስከረም ቃሏን ጠብቃ በማረሚያ የሚገኘውን ጓደኛዋን ዛሬ በርካታ አርቲስቶችና የመገናኛ ብዙኃን በተገኙበት የጋብቻ ስነ-ስርዓታቸው አከናውነዋል።

የሁለቱም የልብ ጓደኛ የሆነው ደምስ ለሁለቱም የመኪናና የቤት ስጦታ እንዲሁም ሙሽራው የእርምት ጊዜውን ጨርሶ ሲወጣ ለስራ መፈለጊያና መንቀሳቀሻ የሚሆነው የግማሽ ሚሊዮን ብር ስጦታ አበርክቶላቸዋል።

(የወሬው ምንጫችን ቴዲ ካሳ ሲሆን ፎቶግራፉ የባልደረባችን አቤል ጠለለ ነው፤ እናመሰግናለን)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close