Connect with us

Education

ጎንደር የንባብ ሳምንት እያካሄደች ነው

Published

on

ጎንደር የንባብ ሳምንት እያካሄደች ነው

ከጎንደር እስከ እንፍራንዝ ንቅናቄ ለመፍጠር የተዘጋጀውን የንባብ ሣምንት የብሔራዊ ቤተ መጻሕፍት እና ቤተ መዛግብት ኤጀንሲ ከጎንደር ዩኒቨርሲቲ ተቀናጅተው አዘጋጅውታል።
********
የኢትዮጵያ ብሔራዊ ቤተመጻሕፍትና ቤተ መዛግብት ኤጀንሲ ከጎንደር ዩኒቨርሲቲ ጋር በመተባበር የጎንደር ከተማ ባህል ቱሪዝምና የአማራ ክልል ባህልና ቱሪዝም ቢሮን በማቀናጀት “ማንበብ ሙሉ ሰው ያደርጋል” በሚል መሪ ቃል ያዘጋጁት የንባብ ሣምንት በተለያዪ ዝግጅቶች መከበሩን ቀጥሏል።

ቅዳሜ የካቲት2 ቀን 2011 ዓ.ም. የተጀመረው ይኽ የንባብ ሣምንት የተለያዩ መርሐ ግብሮችን ያካተተ ሲሆን በመክፈቻ ሥነ ሥርዓቱም በጎንደር መስቀል አደባባይ የተዘጋጀው የመጽሐፍ አውደ ርዕይ የጎንደር ከተማ ከንቲባ ዶክተር ሙሉቀን ባደረጉት የእንኳን ደህና መጣችሁ መልእክት ተጀምሮ የጎንደር ዩኒቨርሲቲ ፕሬዚዳንት ዶክተር ደሳለኝ መንገሻ ንባብን ለመደገፍ ዩኒቨርስቲው ያለውን አጋርነት ገልጸው የኤጀንሲው ዋና ዳይሬክተር አቶ ይኩኖአምላክ መዝገብ የዝግጅቱን ዓላማ አሳውቀው ንባብን በሚቀሰቅስ የህጻናት ዝማሬ ታጅቦ አምስት ቀናት የሚቆየው አውደ ርዕይ ተከፍቷል።

የኢትዮጵያ ብሔራዊ ቤተመጻሕፍትና ቤተመዛግብት ኤጀንሲና ጎንደር ዩኒቨርሲቲ በጋራ በመሆን በሰጡት ጋዜጣዊ መግለጫ የንባብ ሣምንቱ ዓላማ የንባብ ባህልን በማዳበር የለማና የበለፀገ አእምሮ ያለው ሀገርና ወገንን የሚጠቅም ዜጋ ለመፍጠር እንደሆነ ገልፀዋል።

በተለይም አሁን አሳሳቢ ደረጃ የደረሰውን የንባብ ባህል መዳከም በምክንያት የሚያምን በእውቀት ተወዳዳሪ ዜጋን ለመፍጠር እንቅፋት በመሆኑና ወጣቱ ከንባብ ይልቅ ወደ ጎጂ ሱሶች የመወሰዱ እድል እየሰፋ መምጣቱ ንባብ ብቸኛው መፍትሔ ከመሆኑ አንፃር ንባብ ላይ ዘላቂ ስራዎች እንደሚሰሩ ተጠቁሟል።

በንባብ ሣምንቱ ከመጻሕፍት ሽያጭ አውደ ርዕዩ በተጨማሪ በየቀኑ ንባብ ላይ ያተኮሩ የፓናል ውይይቶች የሥነ ፅሑፍ ምሽቶች የመፃሕፍት ልገሳ ፕሮግራሞች እና ከጎንደር ከተማ እስከ እንፍራንዝ የሚዘልቅ የንቅናቄ ዝግጅቶች የተካተቱ ሲሆን በዝግጅቱ የመጽሐፍ ነጋዴዎች አሳታሚዎች ደራሲያን የንባብ ባህል ላይ የሚሰሩ ጋዜጠኞችና የንባብ ክበባት እየተሳተፉ ይገኛል።

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** የተለያዩ ኢትዮጵያን የተመለከቱ አለም አቀፋዊና ሀገራዊ ዜናዎችን ለእንግሊዝኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close