Connect with us

Ethiopia

የሄሊኮፕተር አደጋው መንስኤ የቴክኒክ ችግር ሊሆን እንደሚችል ባለሙያዎች ጠቆሙ

Published

on

የሄሊኮፕተር አደጋው መንስኤ የቴክኒክ ችግር ሊሆን እንደሚችል ባለሙያዎች ጠቆሙ

(ፎቶ፡- ሟች ሻምበል ከማል ሙሳ)

በደቡብ ሱዳን አቢዬ ግዛት በሠላም ማስከበር ግዳጅ ላይ የነበረ አንድ ሄሊኮፕተር ሰሞኑን የተከሰከሰው በቴክኒክ ችግር ምክንያት ሊሆን እንደሚችል ለጉዳዩ ቅርበት ያላቸው ወገኖች ለድሬቲዩብ ጠቆሙ፡፡

አደጋው የተከሰተው የካቲት 2 ቀን 2011 ዓ.ም ምሽት ላይ 23 ሰዎች ጭኖ ከሱዳን ዳጉሊ ከሚባል ቦታ ወደዋናው ካምፕ አብዬ ለማረፍ በተቃረበበት ወቅት መሬት ላይ ከነበሩ ኮንቴነሮች መካከል በፊት ለፊቱ ተጋጭቶ በመውደቁ መሆኑን ምንጮቹ አብራርተው በዚህም ድንገተኛ አደጋ አብራሪው ሻምበል ከማል ሙሳ እና ረዳት አብራሪው ሻምበል ተመስገን ቸርነት ወዲያውኑ ሲሞቱ ከተሳፋሪዎች መካከል አንድ ሰው ሕይወቱ አልፎአል፡፡

በአደጋው የአውሮፕላኑ የበረራ ባለሙዎች መካከል ሁለቱ በከፍተኛ ሁኔታ ተጎድተው በአዲስአበባ የጦር ሀይሎች ሆስፒታል የተወሰዱ ሰሆን አብዛኛዎቹ ከአደጋው መትረፋቸው ታውቋል፡፡

ሄሊኮፕተሩ ሊወድቅ የቻለበት ትክክለኛ ምክንያት እየተጣራ ስለሆነ በዝርዝር ወደፊት እንደሚገለጽ ምንጫችን ጠቁሞ አሁን ባለው ሁኔታ ከቴክኒክ ችግር ጋር የተያያዘ ሊሆን እንደሚችል ጠንካራ ግምቶች መኖራቸውን ጠቅሷል፡፡

የሟቾች አስከሬን በትላንትናው ዕለት በክብር መሸኘቱ ታውቋል፡፡

የኢፌዲሪ መከላከያ ሚኒስትር ኢንጅንር አይሻ መሐመድ በተባበሩት መንግሥታት ድርጅት በአቢዬ ጊዜያዊ የደህንነት ኃይል ግቢ ውስጥ ሕይወታቸው ላለፈ የሠራዊቱ አባላት የተሰማቸውን ሐዘን በመግለጽ ለቤተሰቦቻቸው መጽናናትን ተመኝተዋል፡፡

ምንጮቻንን እንደገለጹት ከወራት በፊት ከድሬደዋ አዲስአበባ በረራ ላይ የነበረ ሄሊኮፕተር መከስከሱን በማስታወስ የሄሊኮፕተሮቹ ቴክኒካል አቋም በሚመለከታቸው አካላት በጥልቀት ሊፈተሸ እንደሚገባ ጠቁመዋል፡፡

 

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close