Connect with us

Ethiopia

ከቦሌ እስከ መስቀል አደባባይ የተተከሉ የደህንነት ካሜራዎች ሥራ ጀምረዋል

Published

on

ከቦሌ እስከ መስቀል አደባባይ የተተከሉ የደህንነት ካሜራዎች ሥራ ጀምረዋል

በአዲስ አበባ ከቦሌ እስከ መስቀል አደባባይ ባለው ጎዳና ላይ የተተከሉ የደህንነት ካሜራዎች ስራ መጀመራቸውን የፌዴራል ፖሊስ ኮሚሽን አስታወቀ።

በኮሚሽኑ የአይሲቲ ኢንፍራስትራክቸር ዲቪዥን ኃላፊ ምክትል ኢንስፔክተር አንድነት ሲሳይ ለኢዜአ እንደገለፁት ካሜራዎቹ የተተከሉት ከቦሌ ውስጠኛው አደባባይ እስከ መስቀል አደባባይ ባለው መንገድ ግራና ቀኝ ነው።

በቀጣይም በመዲናዋ የተለያዩ ጎዳናዎች ካሜራዎችን የመትከል እቅድ መኖሩን የጠቀሱት ሃላፊው ከቦሌ እስከ መስቀል አደባባይ ያሉት ካሜራዎች ከሶስት ቀናት በፊት ስራ መጀመራቸውን ተናግረዋል።

የካሜራዎቹ ቀረፃና የቁጥጥር ስራውም ያለምንም መቆራረጥ ሌት ከቀን እየተከናወነ መሆኑን ገልፀዋል።

የኮሚሽኑ የቴክኖሎጂ ማስፋፊያ ዳይሬክተር ተወካይ ኮማንደር ሁነኛው አየነው ከዚህ በፊት በመዲናዋ ውስን አካባቢዎች የነበሩ ካሜራዎች ከመንገድ ስራ ጋር ተያይዞ መነሳታቸውን አስታውሰዋል።

ሆኖም አገልግሎቱ ዳግም መጀመሩ አዲስ አበባ የበርካታ አህጉራዊና ዓለም አቀፋዊ ተቋማት መቀመጫ ከመሆኗ ጋር ተያይዞ የተጠናከረ ጥበቃ ለማድረግ ፋይዳው የጎላ መሆኑን ተናግረዋል።

የደህንነት ካሜራ አገልግሎት የብዙ ተቋማትን ቅንጅትና በርካታ መዋለንዋይ የሚፈልግ በመሆኑ በሁሉም የአገሪቱ ክፍል በአንድ ጊዜ ማዳረስ አዳጋች ቢሆንም በቀጣይ ግን በተለይ የኢንዱስትሪ መንደሮች ባሉባቸው ከተሞች ማስፋፋት ያስፈልጋል ብለዋል።

የአገርን ሰላምና ደህንነትን በፀጥታ ሃይል ብቻ ሙሉ ለሙሉ ማስጠበቅ አንደማይቻል የገለጹት ኮማንደር ሁነኛው ህዝቡም ለሰላምና ደህንነትን በማስጠበቅ የሚያደርገውን ትብብር አጠናክሮ እንዲቀጥል ጠይቀዋል።

(ምንጭ ኢዜአ)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close