Connect with us

Ethiopia

ብርጋዴር ጀነራል አሳምነው ጽጌ በጎንደር ጥቃት የተፈጸመው በተደራጀ ኃይል ነው አሉ

Published

on

ብርጋዴር ጀነራል አሳምነው ጽጌ በጎንደር ጥቃት የተፈጸመው በተደራጀ ኃይል ነው አሉ

በማእከላዊ ጎንደር ሰሞኑን ጥቃት የፈጸመው ኃይል በሁለት ከፍተኛ ቡድኖች የተደራጀ፤ የታጠቀና ስምሪት የተሰጠው ኃይል መሆኑንና አንደኛው ቡድን ቤቶችን የሚያቃጥል ሲሆን ሁለተኛው ቡድን ደግሞ የመጀመሪያው ቡድን እንቅፋት ቢያጋጥመው ሊከላከል በሚችልበት ሁኔታ መደራጀቱ መታወቁን ብርጋዴር ጄኔራል አሳምነው ጽጌ ገለጹ፡፡

ጄኔራሉ እንዳሉት የተቀናጀውና የተደራጀው ኃይል በሁለት አቅጣጫ ነው የመጣው፡፡ አንደኛው ቡድን ከ200 በላይ ፤ሁለተኛው ከ70 እስከ 80 ሰው የሚገመት የታጠቀና የተደራጀ ሃይል እንደነበረው እንደሚገመት የሰለጠነና ፕሮፌሽናል የሆነ ኃይል ብቻ የሚጠቀምበትን ብሬንና ድሽቃ የተባሉ የቡድን ከባድ መሳሪያዎችን ለትፋት መጠቀሙን አስታውቀዋል፡፡

ይህ የጥፋት ኃይል በወሰደው ድንገተኛ እርምጃ ከ30 በላይ ሰው ሕይወት ማጥፋቱን ከ300 በላይ የአርሶ አደር ቤቶች ማቃጠሉን አረጋግጠዋል፡፡

በተያያዘ ዜና የ33ኛ አባይ ክፍለ ጦር ክፍለ ጦር በማዕከላዊ እና በምዕራብ ጎንደር ዞኖች የሚስተዋሉ ግጭቶችን ለማስተካከል ከሕዝቡና ከሌሎች የፀጥታ አካላት ጋር እየሰራ መሆኑን አስታውቋል።

የ33ኛ አባይ ክፍለ ጦር ዋና አዛዥ ብርጋዴር ጀነራል ዓለሙ አየነ ሠላምን ለማስፈን በሁለቱም ዞኖች ከ37 ሺህ በላይ ሰዎችን በማወያየት እርቅና መግባባት ላይም ተደርሷል ነው ያሉት።

ወታደራዊ መለዮ እየለበሱ ዝርፊያ እና ውንብድና በሚፈጽሙ አካላት ላይ እርምጃ እንደሚወስድም ክፍለ ጦሩ አስጠንቅቋል።

እስካሁንም በቡድንና በግል ሆነው በቤት ዝርፊያ እና በሌሎች የውንብድና ተግባራት ላይ ተሰማርተው ሰላምን ሲያሳጡ የነበሩ 76 የሚሆኑ ተጠርጣሪዎች በቁጥጥር ስር መዋላቸውን ብርጋዴር ጀነራል ዓለሙ ገልፀዋል።

ዛሬ ጎንደር ላይ ስለ ሰላም በተካሄደው ምክክር የህግ የበላይነትን በማስከበር በኩል ያለው መላላት ችግሩን እንዳባባሰውና ጠንካራ የህግ ማስከበር እርምጃ እንዲወሰድ ተወያዮች ጠይቀዋል።

(ምንጭ፡- የኢት/ፕሬስ ድርጅት እና የአማራ መገናኛ ብዙሃን ድርጅት)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close