Connect with us

Ethiopia

“ዳጉ” ሚድያ ፌስቲቫል እና አዋርድ ሰኞ ይካሄዳል!

Published

on

"ዳጉ" ሚድያ ፌስቲቫል እና አዋርድ ሰኞ ይካሄዳል!

የየካቲት ወር “ዳጉ” ሚድያ ፌስቲቫል እና አዋርድ ሰኞ ይካሄዳል!

በየዓመቱ ሚያዝያ 25 በዓለም አቀፍ ደረጃ በልዩ ልዩ ዝግጅቶች የሚከበረው የዓለም ፕረስ ነጻነት ቀንን አስመልከቶ በዳሪክ ኮሚኒኬሸን አዘጋጅነት ይፋ የተደረገው “ዳጉ” የሚድያ ፌስቲቫል እና አዋርድ የካቲት ወር መሰናዶ፣ የካቲት 04 / 2011ዓ.ም ከምሽቱ 11 ሰዓት ጀምሮ ፣ ቦሌ መድሃኒያለም ፊት ለፊት ካለው ህብረት ኢንሹራንስ ህንጻ 5ኛ ፎቅ ላይ በሚገኘው አምቢያንስ ሬስቶራንት እንደሚካሄድ አዘጋጆቹ ተናግረዋል፡፡

የ “ዳጉ” ሚድያ ፌስቲቫል እና አዋርድ ዋና አዘጋጅ ጋዜጠኛ ማናዬ እውነቱ ለዝግጅት ክፍላችን እንደገለጸው፤ ይህ ፕሮግራም በየወሩ የሚድያ ባለሙያዎች ስለሙያው የሚመክሩበት፣ እርስበርስ የሚተዋወቁበት፣ ልምድ የሚጋሩበትና የሚዝናኑበት፣ ዓመቱ መጨረሻ ላይ ለሙያው ማደግ ከፍተኛ አስተዋጽኦ ያበረከቱ ባለሙያዎች የሚመሰገኑበት፣ ታላላቅ ስራዎችን ሰርተው ያለፉ ግለሰቦች የሚዘከሩበት እና በየዓመቱ ሚያዝያ 25 ደግሞ የዓለም የፕረስ ነጻነት ቀን በልዩ ልዩ ፕሮግራሞች ለማክበር ያቀደ ነው፡፡

በዳጉ ሚድያ ፌስቲቫልና አዋርድ የየካቲት ወር መሰናዶ ላይ ከአውሮፓ ዩኔዬን፤ ከዩኔስኮ፣ ከአሜሪካን ኢምባሲ የተወከሉ የክብር እንግዶች በተጨማሪ በኢትዮጵያ ሚድያ እንዲበለጽግ ከፍተኛ አስተዋፅኦ ያበረከቱ ጋዜጠኞች ተገኝተው ከኢትዮጵያ ሚድያ ጋር የተገናኜ አነቃቂ ንግግሮችን ያቀርባሉ፡፡

በፕሮግራሙ ላይ ጥሪ የተደረገላቸው አካላትና የመንግስት ከፍተኛ ባለስልጣናትን ጨምሮ እስከ200 የሚደርሱ የሚድያ፣ የህዝብ ግንኙነት፣ የኮሚኒኬሽን ባለሙያዎች፣ የዩንቨርስቲ ተማሪዎችና ባለድርሻ አካላት በአንድ ላይ ተገናኝተው እየተዝናኑ የልምድ ልውውጥ ያደርጋሉ፡፡

እንደ ዋና አዘጋጁ ገለጻ በዳጉ የሚድያ ፌስቲቫል እና አዋርድ፣ የዚህ ዓመት ሙሉ ዝግጅት መታሰቢያነቱ ለጋዜጠኛ ደስታ ምትኬ ነው፡፡ በርካታ ጥናቶች እንደሚያመላክቱት ደስታ ምትኬ በኢትዮጵያ የጋዜጠኝነት ታሪክ የመጀመሪያው የህትመት ጋዜጠኛ ናቸው፡፡

የፕሮግራሙ ዋና አዘጋጅ የሆነው ዳሪክ ኮሚኒኬሽን በሃገራችን የመልቲሚድያ፣ የሁነቶችና የመዝናኛ ፕሮግራሞችን በማዘጋጀት ከፍተኛ ልምድ አካብቷል፡፡ ድርጅቱ ከዚህ ቀደም ለሁለት ዓመታት ያህክል ዘወትር እሁድ፣ ከቀኑ8 እስከ 9 ሰዓት በዛሚ 90.7 ኤፍ.ኤም ሬድዮ ላይ “ኢትዮኤቨንት” የተሰኘ የመዝናኛና የመረጃ ተወዳጅ የሬድዮ ፕሮግራም አዘጋጅቶ ሲያቀረብ እንደነበር የሚታወስ ሲሆን በአሁኑ ወቅት ዘወትር ዕሮብ ከጠዋቱ 3 እስከ 5 ሰዓት እና ዘወትር ቅዳሜ ከጠዋቱ 1 እስከ 3 ሰዓት በኢቢሲ ሬዲዮ 104.7 ላይ “ሔሎ ኢትዮጵያ” የተሰኘ ተወዳጅ የሬድዮ ፕሮግራም አዘጋጅቶ በማቅረብ ይታዎቃል፡፡

ዳሪክ ኮሚኒኬሽን
አዲስ አበባ / ኢትዮጵያ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close