Connect with us

Africa

የቀዳማዊ አጼ ኃይለስላሴ መታሰቢያ ሐውልት ተመረቀ

FanaBC

Published

on

የቀዳማዊ አጼ ኃይለስላሴ መታሰቢያ ሐውልት ተመረቀ

የቀዳማዊ አጼ ኃይለስላሴ መታሰቢያ ሐውልት በአፍሪካ ህብረት አዳራሽ ግቢ ውስጥ ተመረቀ።

በምረቃው ስነስርዓት ላይ የኢፌዴሪ ጠቅላይ ሚኒስትር ዶክትር አብይ አህመድ፣ የአፍሪካ ህብረት ኮሚሽን ሊቀመንበር ሙሳ ፋኪ ማህመትን ጨምሮ የቀዳማዊ ኃይለስላሴ ቤተሰቦች ተገኝተዋል።

በተጨማሪም የዓለም አቀፍ ተቋማት መሪዎች፣ የአፍሪካ ሀገራት መሪዎች እንዲሁም ታዋቂ ግለሰቦች ተገኝተዋል።

አጼ ኃይለስላሴ የመታሰቢያ ሐውልት የቆመላቸው ለአሁኑ የአፍረካ ህብረት ለቀድሞው አፍሪካ አንድነት ድርጅት ምስረታ ላበረከቱት ጉልህ አስተዋጽዖ መሆኑን ህብረቱ አስታውቋል።

አጼ ኃይለስላሴ ከ50 ዓመታት በፊት ካዛብላንካንና ሞኖሮቪያ በሚል ቡድን ለሁለት ተከፍላ የነበረችውን አህጉረ-አፍሪካ አንድ በማድረግ የአፍሪካ አንድነት ድርጅትን እንዲመሰረት አድርገዋል።

እንዲሁም የአፍሪካ አንድነት ድርጅትም በኢትዮጵያ አዲስ አበባ መቀመጫውን እንዲያደርግ ያላሰለሰ ጥረት በማድረግ ይታወቃሉ።

በወቅቱም ከውጭ ጉዳይ ሚኒስትራቸው ጋር በመሆንም ከ32 የአፍሪካ አንድነት መስራቾች መካከል የ28ቱን ድምጽ በማግኘት ሴኔጋል ዳካርን በማሸነፍ አዲስ አበባ መመረጧ ይታወሳል።

ኤፍ ቢ ሲ እንደዘገበው የቀዳማዊ አፄ ኃይለስላሴ ሐውልት በኢትዮጵያ መንግስት ወጭ በአዲስ አበባ ዩኒቨርሲቲ መዘጋጀቱ ተነግሯል።

በትናትናው ዕለትም ጠቅላይ ሚኒስትር ዶክተር አብይ አህመድ የአፍሪካ ህብረት የኢትዮጵያ መሪ ለነበሩት ቀደማዊ ኃይለስላሴ ሃውልት እንዲቆምና እንዲታወሱ በማድረጉ ከፍተኛ ምስጋና አቀርበዋል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close