Connect with us

Environment

የኢትዮጵያ ዱር እንስሳት ልማትና ጥበቃ ባለሥልጣን የሀገር መከላከያን ድርጊት ኮነነ

Published

on

የኢትዮጵያ ዱር እንስሳት ልማትና ጥበቃ ባለሥልጣን የሀገር መከላከያን ድርጊት ኮነነ

መከላከያ ለትርዓት ዝግጅት ወደ ሀላይደጌ አሰቦት ብሔራዊ ፖርክ የገባበት ሁኔታ አግባብነት የሌለውና ለውጡ የብዝኃ ሕይወት ጥበቃን ያልታደገ እንደሆነ የአካባቢ ተቆርቋሪዎች ገለጹ።

በብሔራዊ ፓርኩ ከአርባ በላይ ታንኮች ገብተዋል። አሁንም ዝግጅቱ እንደቀጠለ ነው።
**********
በየዓመቱ የሚከበረውን የሀገር መከላከያ ቀን ለማክበር ለትርዒት ልምምድ ከቀናት በፊት ወደ ሀላይደጌ አሰቦት ብሔራዊ ፓርክ የገባው ታንክን በብሔራዊ ፓርኩ ዋና ሥነ ምህዳር የሚካሄደው የትርዒት ልምምድ ኢትዮጵያ የፈረመቻቸውን ዓለም አቀፍ ስምምነቶች የሚጥስ ተግባር ከመሆኑ ባሻገር ተስፋ ያለውን ፓርክ እንደሚያወድመው የአካባቢ ተቆርቋሪዎች ለድሬቲዩብ ገለፁ።

የኢትዮጵያ ቱሪዝምና ባህል ሥርፀት ማኅበር መከላከያ እንዲህ ያለውን ተግባር ለማከናወን የሚመለከተውን አካል ካሳወቀ በኃላ ቦታው የዱር እንስሳት ሥነ ምህዳር እንደሆነ እየተገለፀለት ሀሳቡን ለመቀየር አለመቻሉ ጉዳዩ ባለቤት እንደሌለው ያሳያል ሲል ገልጿል።

የተፈጠረውን ችግር በተመለከተ የኢትዮጵያ የዱር እንሳሳት ሀሳቢያን /ቲንክ ታንክ/ አባላትም ጉዳዩን በተመለከተ ውይይት እያደረጉ መኾናቸውን ምንጮቻችን ጠቁመዋል።

የቱሪዝም ጋዜጠኛውና የድሬ ቲዩብ ፀሐፊው ሄኖክ ስዩም በበኩሉ ለውጡ ብዙውን ዘርፍ ሲቀይር የሀገራችን ብዝኃ ሕይወት ላይ የያዘው አቋም ግን ያልተለወጠ። ውድመትን መሠረት ያደረገ እና ለትውልድ ሀብት የማይጠነቀቅ ነው ሲል በሀላይደጌ አሰቦት ብሔራዊ ፓርክ የተፈጠረውን ችግር ይኮንናል።

የሀገር መከላከያ ሚኒስቴር ጉዳዩን በተመለከተ ያለው ነገር ባይኖርም በስፍራው ያሉ የድሬቲዩብ ምንጮች የትርዒት ልምምዱ ዝግጅት መቀጠሉን ከአርባ የሚበልጡ ታንኮች መግባታቸውን አልፎም ለከባድ መሣሪያ ተኩሱ የሚሆን ሰው ሰራሽ ከፍታ ቦታዎችን በአፈር በመቆለል ሥነ ምህዳሩን አደጋ ውስጥ የሚከት እንቅስቃሴ መደረጉን ጠቁመዋል። የኢትዮጵያ ዱር እንስሳት ልማትና ጥበቃ ባለሥልጣን መሥሪያ ቤት በማህበራዊ ሚዲያ ገፁ ድርጊቱን እየኮነነ ነው።

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** ኢትዮ ጵያን የተመለከቱ የተለያዩ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close