Connect with us

Africa

የጊኒው ፕሬዚዳንት አልፋ ኮንዴ አዲስ አበባ ገቡ

Published

on

የጊኒው ፕሬዚዳንት አልፋ ኮንዴ አዲስ አበባ ገቡ

የጊኒ ሪፐብሊክ ፕሬዚዳንት ፕሮፌሰር አልፋ ኮንዴ በኢትዮጵያ ይፋዊ የስራ ጉብኝት ለማድረግ ጥር 29 ቀን 2011 ዓ.ም አዲስ አበባ ገብተዋል።

ቦሌ ዓለም አቀፍ አውሮፕላን ማረፊያ ሲደርሱም የኢ.ፌ.ዲ.ሪ ጠቅላይ ሚኒስትር ዶ/ር አብይ አህመድ እና የውጭ ጉዳይ ሚኒስትር ዶ/ር ወርቅነህ ገበየሁ በተገኙበት አቀባበል ተደርላቸዋል።

ፕሬዝዳንት አልፋ ኮንዴ በቆይታቸው ከኢ.ፌ.ዲ.ሪ ፕሬዝዳንት ክብርት ሳህለወርቅ ዘውዴ እና ከኢ.ፌ.ዲ.ሪ ጠቅላይ ሚኒስትር ክቡር ዶ/ር አብይ አህመድ ጋር በሁለትዮሽ እና በባለብዙ መድረኮች ዙሪያ ውይይት እንደሚያደርጉ ይጠበቃል።

የኢ.ፌዲሪ የውጭ ጉዳይ ሚኒስትር  ዶ/ር ወርቅነህ ገበየሁ በሚገኙበት የመጀመሪያው የኢትዮ-ጊኒ የሚኒስትሮች የጋራ ኮሚሽን እና የእስትራቴጂካዊ አጋርነት ምስረታ ስብሰባ የካቲት 1 ቀን 2011 የሚካሄድ ሲሆን በትምህርት፣ ጤና፣ በፋይናንስና ማኔጅመንት፣ በግብርና፣ በባህልና ቱሪዝም መስኮች ለመተባበር የሚያስችሉ ስምምነቶች ይፈረማሉ።

ፕሬዝዳንት አልፋ ኮንዴ በ 32ኛው የአፍሪካ ህብረት የመሪዎች ስብሰባ ላይ የሚሳተፉ ይሆናል።

ኢትዮጵያና ጊኒ ሪፐብሊክ በቀድሞ መሪዎቻቸው በቀዳማዊ ኃይለስላሴ እና በፕሬዝዳንት ሴኩ ቱሬ አማካኝነት የቀድሞውን የአፍሪካ አንድነት ድርጅት የአሁኑ የአፍሪካ ህብረትን የመሰረቱ ግንባር ቀደም አገሮች ናቸው።

ኢትዮጵያና ጊኒ ሪፐብሊክ የዲፕሎማቲክ ግንኙነታቸውን የመሰረቱት በ1950 ዓ.ም ሲሆን ጊኒ ሪፐብሊክ ኤምባሲዋን በ 1962 ዓ.ም አዲስ አበባ ላይ ከፍታለች። ሴኔጋል ዳካር የሚገኘው የኢፌዲሪ ኤምባሲ ጊኒ ሪፐብሊክን ሸፍኖ እየሰራ ይገኛል ሲል መረጃውን የላከልን የውጭ ጉዳይ ሚኒስቴር ቃል አቀባይ ጽ/ቤት ነው።

 

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close