Connect with us

Africa

32ኛው የአፍሪካ ህብረት የመሪዎች ጉባኤ በሠላም እንዲጠናቀቅ ለሕዝብ ጥሪ ቀረበ

Published

on

32ኛው የአፍሪካ ህብረት የመሪዎች ጉባኤ በሠላም እንዲጠናቀቅ ለሕዝብ ጥሪ ቀረበ

32ኛው የአፍሪካ ህብረት የመሪዎች ጉባኤ እና ሌሎች ተያያዥ ስብሰባዎች በሠላም እንዲጠናቀቁ አስፈላጊውን ቅድመ ዝግጅት አጠናቆ ወደ ስራ መግባቱን የአዲስ አበባ ፖሊስ ኮሚሽን አስታወቀ፡፡

የከተማችን ነዋሪዎች እንደተለመደው ከፀጥታ አካላት ጐን በመቆም ድጋፉቸውን አጠናክረው እንዲቀጥሉ ኮሚሽኑ ጥሪውን አቅርቧል፡፡

32ኛው የአፍሪካ ህብረት የመሪዎች ጉባኤ በዚህ ሳምንት በመዲናችን አዲስ አበባ ይካሄዳል፡፡ ይህ ጉባኤ በሠላም ተጀምሮ አንዲጠናቀቅ የተለያዩ ባለድርሻ አካላትን እና የፀጥታ ሃይሎችን ያሳተፈ ኮማንድ ፓስት መቋቋሙን የአዲስ አበባ ፖሊስ ኮሚሽን ም/ኮሚሽነር ዘላለም መንግስቴ ገልፀዋል፡፡

ምክትል ኮሚሽነሩ አያይዘው ህብረተሰቡ ለፀጥታው ስራ እየሰጠ ያለው ድጋፍ እጅግ አበረታች መሆኑን ጠቁመው በቅርቡ የተከበረው የጥምቀት በዓል ካለምንም የፀጥታ ችግር እንዲከበር ነዋሪው በተለይ ወጣቱ ከፀጥታ አካት ጎን በመቆም የድርሻውን መወጣቱን ተናግረው ይሄው ትብብር ተጠናክሮ መቀጠል እንደለበት መልእክታቸውን አስተላልፈዋል፡፡

የሀገራችን ብሎም የከተማችን መልካም ገፅታ ከመገንባት አኳያ ጉባኤው የራሱ ጉልህ አስተዋፅኦ የሚያበረክት ስለሆነ ጉባኤው ካለምንም የፀጥታ ችግር እንዲጠናቀቅ ሰላም ወዳዱ ህዝባችን እንደሁል ጊዜው ከፀጥታ አካላት ጐን በመቆም ድጋፉን አጠናክሮ እንዲቀጥል ምክትል ኮሚሽነሩ ጥሪያቸውን አቅርበዋል ሲል ዋልታ ዘግቧል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close