Connect with us

Africa

የጊኒ ሪፐብሊክ ፕሬዝዳንት ኢትዮጵያን ይጎበኛሉ

Published

on

የጊኒ ሪፐብሊክ ፕሬዝዳንት ኢትዮጵያን ይጎበኛሉ

የጊኒ ሪፐብሊክ ፕሬዝዳንት ክቡር ፕሮፌሰር አልፋ ኮንዴ ከጥር 29 እስከ የካቲት 1 ቀን 2011 ዓ.ም ድረስ በአገራችን ይፋዊ የስራ ጉብኝት ያደርጋሉ።

ፕሬዝዳንት አልፋ ኮንዴ በቆይታቸው ከኢ.ፌ.ዲ.ሪ ፕሬዝዳንት ክብርት ሰህለወርቅ ዘውዴ እና ከኢ.ፌ.ዲ.ሪ ጠቅላይ ሚኒስትር ክቡር ዶ/ር አብይ አህመድ ጋር በሁለቱ እህትማማች አገሮች ግንኙነት እና በአፍሪካና ዓለም አቀፍ ጉዳዮች ዙሪያ ውይይት የሚያደርጉ ሲሆን፣ የካቲት 1 ቀን 2011 ዓ.ም በሚካሄደው የመጀመሪያው የኢትዮ-ጊኒ የሚኒስትሮች የጋራ ኮሚሽን ምስረታ ስብሰባ ላይ ይሳተፋሉ።

በሁለቱ አገራት መካከል ስትራቴጂያዊ አጋርነት የሚመሰርት የሚኒስትሮች የጋራ ኮሚሽን የሚቋቋም ሲሆን፣  ጥር 28 ቀን 2011 ዓ.ም የኤክስፐርቶች ስብሰባ ተካሂዷል። የሁለቱ አገራት መሪዎች በተገኙበት ስትራቴጂክ አጋርነትን የሚያጠናክሩ የሚኒስትሮች የጋራ ኮሚሽን መመስረቻ ስምምነት በተጨማሪም በትምህርት፣ጤና፣ በፋይናንስናማኔጅመንት ፣በግብርና፣ በባህልናቱሪዝም መስኮች ለመተባበር የሚያስችል ስምምነቶች ይፈረማሉ።

ፕሬዝዳንት አልፋ ኮንዴ በ 32ኛው የአፍሪካ ህብረት የመሪዎች ስብሰባ ላይ ይሳተፋሉ።

ኢትዮጵያና ጊኒ ሪፐብሊክ በቀድሞ መሪዎቻቸው በንጉስ ቀዳማዊ ኃይለስላሴ እና በፕሬዝዳንት ሴኩ ቱሬ አማካኝነት የአፍሪካ አንድነት ድርጅትን የአሁኑ የአፍሪካ ህብረትን የመሰረቱ ግንባር ቀደም አገራት ናቸው።

ኢትዮጵና ጊኒ ሪፐብሊክ የዲፕሎማቲክ ግንኙነታቸውን የመሰረቱት በ1950 ዓ.ም ሲሆን ጊኒ ሪፐብሊክ ኤምባሲዋን በ 1962 ዓ.ም አዲስ አበባ ላይ ከፍታለች።

ሴኔጋል ዳካር የሚገኘው የኢፌዲሪ ኤምባሲ ጊኒ ሪፐብሊክን ሸፍኖ ይሰራል ሲል መረጃውን ያደረሰን የውጭ ጉዳይ ሚኒስቴር ቃል አቀባይ ጽ/ቤት ነው።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close