Connect with us

Ethiopia

የጊኒዎርም በሽታን ከኢትዮጵያ ለማጥፋት እየተሰራ ነው ተባለ

Published

on

የጊኒዎርም በሽታን ከኢትዮጵያ ለማጥፋት እየተሰራ ነው ተባለ

የጊኒዎርም በሽታን ከኢትዮጵያ ለማጥፋት እየተሰራ ነው፡- የኢትዮጵያ የህብረተሰብ ጤና ኢንስቲትዩት

የጊኒዎርም በሽታን ከኢትዮጵያ ለማጥፋት እየሰራ መሆኑን የኢትዮጵያ የህብረተሰብ ጤና ኢንስቲትዩት ገልጿል፡፡

በሽታውን ለማጥፋት ከ20 ዓመታት በፊት ጀምሮ በርካታ ስራዎች እየተሰሩ መሆኑን የኢትዮጵያ የህብረተሰብ ጤና ኢንስቲትዩት ምክትል ዋና ዳይሬክተር ዶ/ር በየነ ሞገስ ገልጸዋል፡፡

በሽታው እ.አ.አ በ2017 ከኦሮሚያ ክልል ጋምቤላ በሚገኝ እርሻ ውስጥ የቀን ስራ ለመስራት የመጡ 15 ሰዎች ላይ መታየቱንና በተደረገው ከፍተኛ ርብርብ ግለሰቦቹ ከበሽታው ነፃ መሆናቸውን ዶ/ር በየነ ተናግረዋል፡፡

ነገር ግን የጊኒዎርም በሽታ ቆይቶ የሚታወቅና ካለው ውስብስብ ባህሪ አንፃር ሙሉ ለሙሉ ጠፍቷል ማለት ባይቻልም ከፍተኛ ውጤት መምጣቱን ነው የተናገሩት፡፡

የበሽታው ባህሪ ምልክቱ የሚታየው ከዓመት በላይ ፈጅቶ ስለሚሆን የተሰራውን ስራ ውጤት ወዲያውኑ ማየት ባይቻልም፣ እ.ኤ.አ በ2018 የበሽታው ምልክት በሰዎች ላይ አለመታየቱን ገልጸዋል፡፡

ይሁንና በሽታው በያዝነው በጀት ዓመት ውሻ፣ ድመትና ዝንጀሮ በመሳሰሉ የቤትና የዱር እንስሳት ላይ መታየት መጀመሩን ገልጸው፣ ወደ ሰው ይተላለፋል አይተላለፍም የሚለው አጠያያቂ መሆኑንና ለመከላል እየተሰራ እንደሚገኝ አብራርተዋል፡፡

በሽታውን ለማጥፋት የኢትዮጵ የህብረተሰብ ጤና ኢንስቲቲዩት ካርተር ሴንተር፣ ከግብርና ሚኒስቴር፣ ከጋምቤላ ክልል ጤና ቢሮ እና ከዓለም ጤና ድርጅት ጋር በመተባበር እየሰራ መሆኑን ገልጸዋል፡፡

በዚህም በጋምቤላ አካባቢ የቤት ለቤት ስልጠና ለህዝቡ በመስጠት ንፁህ የመጠጥ ውሃ የማቅረብ፣ በኩሬዎች ላይ መድሃኒት የመርጨት ብሎም እንስሳቶቹን የመለየትና የማሰር ስራ በሰፊው እየተከናወነ መሆኑን ዶ/ር በየነ ተናግረዋል፡፡

በዋናነት የጊኒዎርም በሽታን በዘላቂነተ ለመከላከልና ለማጥፋት፣ የህብረተሰቡን ግንዛቤ ከፍ ለማድረግ ርብርብ እየተደረገ እንደሚገኝም ዶ/ር በየነ አብራርተዋል፡፡

ኢትዮጵያ የጊኒዎርም በሽታ ካልጠፋባቸው ጥቂት አገራት መካከል እንደሆነች የካርተር ማዕከል በቅርቡ ባወጣው ሪፖርት ገልጿል፡፡

በሪፖርቱ መሰረት እ.አ.አ በ2017 በኢትዮጵያ 15 ሰዎች በበሽታው የተያዙ ሲሆን፣ እ.አ.አ በ2018 በአገሪቱ ውስጥ በበሽታው የተያዘ ሰው አልተገኘም፤ ነገር ግን በ11 ውሾች፣ 5 ድመቶችና 1 ዝንጀሮ ላይ ጊኒዎርም ታይቷል፡፡

በካርተር ሪፖርት መሰረት እ.አ.አ በ2018 በዓለም አቀፍ ደረጃ 28 ሰዎች በጊኒዎርም በሽታ የተያዙ ሲሆን፣ ከእነዚህ ውስጥ 17 ሰዎች የተያዙት በቻድ፣ 10 ሰዎች በደቡብ ሱዳን ሲሆኑ፣ 1 ሰው ደግሞ በአንጎላ ነው በበሽታው የተያዘው፡፡

Source:ebc

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close