Connect with us

Entertainment

የኦሞና የማጎ ብሔራዊ ፖርኮችን ለመታደግ በልማትና ጥበቃው ዙሪያ የንቅናቄ መድረክ እየተካሄደ ነው

Published

on

የኦሞና የማጎ ብሔራዊ ፖርኮችን ለመታደግ በልማትና ጥበቃው ዙሪያ የንቅናቄ መድረክ እየተካሄደ ነው

የኦሞና የማጎ ብሔራዊ ፖርኮችን ለመታደግ በልማትና ጥበቃው ዙሪያ በጅንካ ከተማ የንቅናቄ መድረክ እየተካሄደ ነው።
ግዙፍና ከሥነ ምህዳር ጋር ያልተጣጣሙ ኢንቨስትመንቶች: ልቅ ግጦሽ: ሰፈራና አደን የመሳሰሉ ችግሮች የብሔራዊ ፓርኮቹ ውድመት ምክንያት ሆነዋል።
**********
የኦሞና የማጎ ብሔራዊ ፓርኮች በደቡብ ክልል በኦሞ ሸለቆ ሥነ ምህዳር የሚገኙ ናቸው። በቀዳማዊ ዐፄ ኃይለ ሥላሴ ዘመነ መንግስት የተከለሉ ናቸው። ዛሬ ጥር 28 ቀን 2011 ዓ.ም. በጅንካ ከተማ እየተካሄደ ባለው የንቅናቄ መድረክ ብሔራዊ ፓርኮቹ ያሉበት ወቅታዊ ሁኔታ ቀርቧል።

የኢትዮጵያ ዱር እንስሳት ልማትና ጥበቃ ባለሥልጣን መሥሪያ ቤት ከUNDP gef ፕሮጀክት ጋር በመቀናጀት ያዘጋጀው ሲሆን በሌሎች ብሔራዊ ፓርኮች ሲካሄዱ የቆዩ የንቅናቄ መድረኮች አካል ነው።

በኢትዮጵያ የታላላቆቹ ዱር እንስሳት መኖሪያ የነበሩት እነኚህ ብሔራዊ ፓርኮች አሁን በከፍተኛ ደረጃ እየወደሙ ነው። 4068 ስኩዌር ኪሎ ሜትር ስፋት የነበረው ኦሞ ዛሬ 2936 ስኩዌር ኪሎ ሜትር ወርዷል። ቀጭኔና መሰል ሊጠፍ የተቃረቡ እንስሳት ሥነ ምህዳር ለስኳር ፋብሪካ እየተመነጠረ ነው። ኦሞ ኩራዝ ያስገነባቸው ግዙፍ ካናሎች የዱር እንስሳቱ መጥፊያ ሆነዋል። በሲኖ ትራክ እያለቁ ያሉት የዱር ተኩላዎች ከኢትዮጵያ ምድር ሊጠፍ መሆኑም በመድረኩ ተገልጿል።

ኢንቨስትመንት እና ልማቱ መልካም ሆኖ በተቀናጀ መልኩ ባለመሠራቱ ኢትዮጵያ በገንዘብ የማይተመን የተፈጥሮ ሀብቷን እያጣች ነው። ልቅ ግጦሹ: ህገ ወጥ አደኑና ሰፈራውም ለብሔራዊ ፓርኮቹ ህልውና አደጋ ሆነዋል። ችግሩን ባለበት ለማስቆም ይህ የምክክር መድረክ ወሳኝ መሆኑን የኢትዮጵያ ዱር እንስሳት ልማትና ጥበቃ ባለሥልጣን ምክትል ዋና ዳይሬክተር አቶ ሰለሞን መኮንን በውይይቱ መክፈቻ ባደረጉት ንግግር ገልጸዋል።

በጉባኤው የደቡብ ክልል ባህል ቱሪዝምና ስፓርት ቢሮ ሃላፊ በዘርፍ የተሰማሩ ምሁራን የደቡብ ኦሞ ዞን አመራር አካላትና በፓርኩ የሚካለሉ የወረዳና ቀበሌ አመራሮች እየተካፈሉ ሲሆን የብሔራዊ ፓርኮቹን ህልውና ለመታደግ ጉባኤው ወሳኝ ሚና ይጫወታል።

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** ኢትዮጵያን የተመለከቱ የተለያዩ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close