Connect with us

Environment

የሀላይደጌ አሰቦት ብሔራዊ ፖርክ አደጋ ላይ ነው

Published

on

የሀላይደጌ አሰቦት ብሔራዊ ፖርክ አደጋ ላይ ነው

መከላከያ ሠራዊት ለበዓል ትርዒት ለማቅረብ ልምምድ ለማድረግ ወደ ብሔራዊ ፓርኩ በርካታ ታንኮች ትናንት አስገብቷል።
የከባድ መሣሪያ ተኩሱ የደብረ አሰቦት መነኮሳትንና ገዳሙን ሊረብሽ ይችላል ያሉ ወገኖች ጉዳዩ እንዲቆም እየጠየቁ ነው።
**********
ሀላይደጌ አሰቦት ከአዋሽ አርባ እስከ ገዳማይቱ መካከል ባለው አካባቢ የሚገኝ ብሔራዊ ፓርክ ነው። ፓርኩ በኦሮሚያና በአፋር ክልሎች ያረፈ ሲሆን የቆዳ ስፋቱም 1099.7 ስኩዌር ኪሎ ሜትር ነው። 31 አጥቢ እንስሳት ዝርያዎች ከ200 በላይ የአእዋፍ ዝርያዎችን ጨምሮ የታላቁ ገዳም የደብረ አሰቦት ተራራ ስነ ምህዳርን ያካትታል።

የሀገር መከላከያ ሚኒስቴር በአዳማ ከተማ ለሚያከብረው የሀገር መከላከያ ቀን ትርዓት ዝግጅት ለማድረግ ለልምምድ ወደ ብሔራዊ ፓርኩ ገብቷል። ትናንት ጥር 27 ቀን 2011 ዓ.ም. ከሃያ ያላነሱ ታንኮች ለዚሁ ልምምድ ወደ ፓርኩ ሥነ ምህዳር ገብተዋል።

በከባድ መሥሪያ የሚታጀበው ልምምድ እንደ ሳላ ሰጎን ዜብራ የሜዳ ፍየል የመሳሰሉትን እንስሳት ከማስደንበር እና በድንጋጤ አደጋ ላይ እንዲወድቁ ከማድረግ ባለፈ ኢትዮጵያ የፈረመችውን ዓለም አቀፍ ስምምነት የሚጥስ የኢትዮጵያ ዱር እንስሳት ልማትና ጥበቃ ባለሥልጣን መሥሪያ ቤትን ለማቋቋምና ብዝኃ ሕይወትን ለመጠበቅ ያወጣቻቸውን የሀገሪቱን ሕጎች የሚፃረር ነው።

ጉዳዩን በተመለከተ የባለሥልጣኑ መሥሪያ ቤት ድርጊቱ እንዳይፈፀም ገልፆ ለሚፈጠረው ችግር ሃላፊነቱን እንደማይወስድ ደብዳቤ መፃፍን ከምንጮቻችን መረጃ አግኝተናል።

በሌላ በኩል የተኩስ ልምምዱ በታላቁ ገዳም በደብረ አሰቦት አቅራቢያ የሚደረግ በመኾኑ ለገዳሙ መናኒያን የጥሞና ጊዜ የሚያሳጣ እና የገዳሙን ተራራ የእፅዋት ሀብት የሚያጠፋ ስለሚሆን ድርጊቱ መቆም አለበት ሲሉ ተደምጠዋል።

ሀላይደጌ አሰቦት ብሔራዊ ፓርክ እጩ ሆኖ የሚቀጥልበት አግባብ እንዲያበቃና እንዲጠበቅ ሲሰሩ የነበሩት የቀድሞው የባህልና ቱሪዝም ሚኒስትር ኢንጂነር አይሻ መሐመድ ሲሆኑ አሁን የሀገሪቱ መከላከያ ሚኒስትር እራሳቸው ኢንጂነር አይሻ መሐመድ መሆናቸው ይታወቃል።

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** ኢትዮጵያን የተመለከቱ የተለያዩ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close