ሜቴክ ለአንበሳ የከተማ አውቶቡስ ድርጅት በየሳምንቱ የሚያስረክበው የአውቶቡስ ቁጥር 137 ደረሰ

የብረታብረትና ኢንጂነሪንግ ኮርፖሬሽን/ሜቴክ/ ከህዳር 2011 ዓ.ም ጀምሮ እስከ ጥር 10 ቀን 2011 ዓ.ም ድረስ 122 በቢሾፍቱ አውቶሞቲቭ ኢንዱስትሪ የተመረቱ አውቶቡሶችን ለደንበኛው ማስረከቡ ይታወሳል።

ከዚህ በፊት ሳምንታዊ የምርት አማካይ ቁጥር 10 እስከ 13 የነበረ ሲሆን አሁን 15 ደርሷል። በዚህም ምክንያት ጥር 17 ቀን 2011 ዓ.ም 15 አውቶቡሶች በማስረከብ ቁጥሩን 137 አድርሷል።

በቀጣይ ሳምንትም ከ15 በላይ እንደሚያስረክብ የሚጠበቅ ሲሆን ከየካቲት ወር ጀምሮ ሳምንታዊ የምርት መጠን 24 ያደርሳል።

ቀስ በቀስም በቀን 6 በማምረት የሳምንት ምርቱን 36 እናደርሳለን ያለው ኢንዱስትሪው የሠራተኛው ተነሳሽነትና ታታሪነት መጨመር፣ የማምረቻ መስመር መጨመርና የተቋሙ ባለሙያዎች አቅም ጨማሪ ማሽኖችን በሞዲፊኬሽን መስራት መቻላቸው ያስገኘው አቅም ለምርቱ መጨመር አስተዋፅኦ የነበረው መሆኑን ተቋሙ ገልፇል።

ወደፊት ለታቀዱ ምርት የመጨመር ዕቅዶች ደግሞ የብየዳ ባለሙያዎችን ከእህት ኢንዱስትሪዎች መጠቀምና ሁለት የነበረውን ፈረቃ ወደ ሶስት ማሳደግ ታሳቢ ተደርጓል ሲል ኮርፖሬሽኑ ገልጿለ።