Connect with us

Ethiopia

ከኢምፔሪያል ሆቴል እድሳት ጋር በተያያዘ በ9 ተጠርጣሪዎች ላይ ክስ ተመሰረተ

Published

on

ከኢምፔሪያል ሆቴል እድሳት ጋር በተያያዘ በ9 ተጠርጣሪዎች ላይ ክስ ተመሰረተ

ከሜቴክ ጋር ተያይዞ በፌደራል ከፍተኛ ፍርድ ቤት ልደታ ምድብ 15 ወንጀል ችሎት ክስ የተመሠረተባቸው ተጠርጣሪዎች 1ኛ/ ኮሎኔል ተከስተ ኃ/ማርያም አድሃኖም፣2ኛ/ ሌ/ኮረኔል ያሬድ ሀይሉ ገብረዮሐንስ፣3ኛ/ ኮ/ል ሙሉ ወ/ገብርኤል ገ/እግዚአብሔር፣ 4ኛ/ ሌ/ኮለኔል ሰለሞን በርሔ አበበ፣5ኛ/ አቶ ስምኦን ገብራይ ተወልደ (ያልተያዘ)፣6ኛ/ ሕንፃ አመሓ ገብረማርያም (ያልተያዘ)፣7ኛ/ ሃ/አ መሳይ ባዬ ሸኩባ (ያልተያዘ)፣8ኛ/ ግርማ ብዙነህ ገብረማርያም (ያልተያዘ) እና 9ኛ/ አቶ ደጌና አሰፋ መስፍን ናቸው፡፡

የክሱ ጭብጥ ምንድነው?

1ኛ ተከሳሽ የተቋሙን ጥቅም የበለጠ ሊያስጠብቅ የሚችለውን ግልፅ ጨረታ መጠቀም ሲገባዉ በ2006 ዓ.ም በነበረዉ የገበያ ዋጋ ከላይ የተጠቀሱት ስራዎች 9 ሚልየን 828 ሺህ 986 ብር ከ6 ሳንቲም ብር መሆን ሲገባቸዉ ግምታቸዉን በማጋነን 22 ሚልየን 824 ሺህ 986 ብር ከ60 ሳንቲም በማድረግ በልዩነት የብር 12 ሚሊየን 996 ሺህ 729 ብር ከ6 ሳንቲም 9ነኛ ተከሳሽን ያለአግባብ ተጠቃሚ የሚያደርግና የኮርፖሬሽኑን ጥቅም የሚጎዳ ዉል የተዋዋለ በመሆኑ፣2ኛ ተከሳሽ ደግሞ የተቋሙ ቢዝነስ ዲቨሎፕመንት የፕሮጀክት ማናጅመንት ሓላፊ ሆኖ ሲሰራ 9ኛ ተከሳሽ ሊሰራ የወሰደዉ የእድሳት በቂ ክትትል በማድረግ ስራዉ በአግባቡ መሰራቱን አረጋግጦ የክፍያ ማረጋገጫ መስጠት ሲገባዉ 10ሚልየን 639 ሺህ 317 ብር ከ74 ሳንቲም የሚገመቱ ስራዎች ሳይሰሩ እንደተሰሩ ለ9ኛ ተከሳሽ በቀን 23/04/2010 ዓ.ም 553 ሺህ 088 ብር ከ47 ሳንቲም ሪቴንሽን እንዲከፈል በማድረጉ፤3ኛ ተከሳሽ በምክትል ዋና ዳይሬክተር የኒው ቢዝነስ ዲቨሎፕመንት ኃላፊ ሆኖ ሲሰራ 9ኛ ተከሳሽ በኮርፖሬሽኑ ከግዢ መመሪያ ውጪ የሆቴሉ እድሳት ያለ ጨረታ መሰራት እንደሌለበት እንዲሁም የእድሳት ስራው በተወዳዳሪ ዋጋ በተፈለገው የጥራት ደረጃ መሰራት እንዳለበት እያወቀ ሆን ብሎ 1ኛ ተከሳሽ የሰራውን ህገ-ወጥ ስራ ሽፋን በመስጠት 9ኛ ተከሳሽን ያለአግባብ ለመጥቀም 31 ሚልየን 560 ሺህ 539 ብር ከ59 ሳንቲም የእድሳት ግዥ ዉል እንዲወስድ በማድረግ በዉል ከወሰደዉ ዉስጥ 31 ሚልየን 342 ሺህ 922 ብር ከ6 ሳንቲም እንዲከፈለው በማድረግ በልዩነት በመንግስት ላይ የብር 21,140,615.60 (ሃያ አንድ ሚሊየን አንድ መቶ አርባ ሺህ ስድስት መቶ አስራ አምስት ብር ከስልሳ ሳንቲም) ጉዳት እንዲደርስ በማድረጉ፤4ኛ ተከሳሽ ለ9ኛ ተከሳሽ በኮርፖሬሽኑ የግዥ መመሪያ መሰረት ተወዳድሮ አሸንፎ ሊያገኝ ከነበረዉ 10,202,307 (አስር ሚሊዮን ሁለት መቶ ሁለት ሺ ሶስት መቶ ሰባት ብር) አንጻር ሲታይ ያለአግባብ በብልጫ ብር 5,423,556.37( አምስት ሚሊዮን አራት መቶ ሃያ ሶስት ሺ አምስት መቶ ሃምሳ ስድስት ብር ከሰላሳ ሰባት ሳንቲም) እንዲከፈለዉ አድርጓል፡፡

ከ5ኛ-7ኛ የተጠቀሱት ተከሳሾች 9ኛ ተከሳሽ የእድሳቱን ስራ መጨረሱን ሪፖርት በማድረግ ኮርፖሬሽኑን ወክለው ስራው ከተገባው ውል አንፃር መሰራቱን እንዲያረጋግጡ ኃላፊነት ወስደው ርክክብ በሚያደርጉበት በአጠቃላይ ድምር 10 ሚልየን 639 ሺህ 317 ብር ከ74 ሳንቲም የሚገመት ሥራ ሳይሰሩ እንደተሰሩ በማድረግ ለ9ኛ ተከሳሽ ክፍያ እንዲፈፀም በማድረግ 9ኛ ተከሳሽ ያለአግባብ 10 ሚልየን 639 ሺህ 317 ብር ከ74 ሳንቲም እንዲጠቀም በማድረጉ፤

9ኛ ተከሳሽ ከኮርፖሬሽኑ አማካሪ ድርጅት ከሆነዉ ከ8ኛ ተከሳሽ እንዲሁም ከ1ኛ-7ኛ ከተጠቀሱት ከኮርፖሬሽኑ ሰራተኞች ጋር በጥቅም በመመሳጠር በአጠቃላይ 31 ሚሊየን 342 ሺህ 922 ብር ከ60 ሳንቲም ክፍያ እንዲፈፀምለት በማድረግ ያለአግባብ በልዩነት ብር 21,140,615.60 የተጠቀመ በመሆኑ ከ1ኛ-7ኛ ያሉት ተከሣሾች በዋና ወንጀል አድራጊነት 8ኛ እና 9ኛ ተከሳሾች ደግሞ በልዩ ወንጀል ተካፋይነት በፈጸሙት በስልጣን አላግባብ መገልገል ከባድ የሙስና ወንጀል ተከሰዋል፡

(ምንጭ፡- የፌ/ጠ/ዐቃቤ ሕግ)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close