Connect with us

Africa

በዶ/ር ወርቅነህ የተመራ ከፍተኛ የልኡካን ቡድን ወደ ጅቡቲ ተጓዘ

Published

on

በዶ/ር ወርቅነህ የተመራ ከፍተኛ የልኡካን ቡድን ወደ ጅቡቲ ተጓዘ

በኢ.ፌ.ዲ.ሪ የውጭ ጉዳይ ሚኒስትር ዶ/ር ወርቅነህ ገበየሁ የተመራ ከፍተኛ የአገራችን የልኡካን ቡድን በትናንትናው እለት ጥር 21 ቀን 2011 ዓ.ም በ15ኛው የኢትዮ-ጂቡቲ የሚኒስትሮች የጋራ ኮሚሽን ስብሰባ ለመሳተፍ ወደ ጅቡቲ ተጓዘ።

የልኡካን ቡድኑ ከተለያዩ መስሪያ ቤቶችና ተቋማት የተውጣጣ ከአስር በላይ ሚኒስትሮችንና ከፍተኛ የመንግስት ባለስልጣናትን ያከተተ ነው።

ኢትዮጵያና ጂቡቲ ዘርፈ ብዙ የሁለትዮሽ ግንኙነት ያላቸው ሲሆን፤ የጂቡቲ ወደብ ከሁለት አስርት ዓመታት በላይ ለኢትዮጵያ ዋነኛ የወጪና የገቢ ንግድ መስመር ሆኖ ማገልገሉ ግንኙነቱ ልዩ ትኩረት እንዲሰጠው የራሱን ድርሻ አበርክቷል።

ሁለቱ አገሮች በመሰረተ ልማት የተሳሰሩ ከመሆናቸውም በላይ የጋራ ኮሚሽን አቋቁመው ግንኙነታቸውን በየጊዜው እየገመገሙ ይገኛሉ።

የጋራ ኮሚሽን መቋቋሙ በትብብር ወቅት የሚያጋጥሙ ችግሮችን በፍጥነት ለመፍታት አስችሏል።

በአሁኑ የጋራ ኮሚሽን ስብሰባ ወቅት በዋነኛነት በትራንስፖርት፣ በወደብ፣ በትምህርት፣ በጤና፣ በጉምሩክና በንግድ ጉዳዮች ትኩረት ተደርጎ ውይይት ይደረጋል።

የጋራ ኮሚሽኑ በእነዚህ ዘርፎች የሁለቱ አገሮች የትብብር ግንኙነት እንዲጠናከር ይመክራል። ባጋጠሙ ችግሮች ላይ የመፍትሄ አቅጣጫዎችንም ያስቀምጣል ሲል ዜናውን ያደረሰን የውጭ ጉዳይ ሚኒስቴር ቃል አቀባይ ጽ/ቤት ነው።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close