Connect with us

Art and Culture

ባሌን ከስሜን ቀጥሎ በዓለም የቅርስ መዝገብ ለማስመዝገብ የሚሰሩት ስራዎች ቀጥለዋል

Published

on

ባሌን ከስሜን ቀጥሎ በዓለም የቅርስ መዝገብ ለማስመዝገብ የሚሰሩት ስራዎች ቀጥለዋል

የባሌ ተራሮች ብሔራዊ ፖርክን በዓለም ቅርስነት ለማስመዝገብ የተጀመረውን ጥረት የሚያፋጥን የንቅናቄ መድረክ በባሌ ጎባ ዋቢሸበሌ ሆቴል እየተካሄደ ነው።

በኢትዮጵያ አስደናቂ ከሚባሉ የተፈጥሮ መስህቦች አንዱ የሆነው የባሌ ተራሮች ብሔራዊ ፓርክ በዩኔስኮ የዓለም ቅርስ መዝገብ እንዲመዘገብ ጥያቄ የቀረበው ከስምንት አመታት በፊት ነበር ይሁን እንጂ በተጠባባቂ መዝገብ ላይ ያረፈውን ብሔራዊ ፓርክ የዓለም ቅርስ ለማስመዝገብ የተጋረጡበትን ችግሮች ለመቅረፍ ብዙ ስራ ሲሰራ ቆይቷል።

የኢትዮጵያ ዱር እንስሳት ልማትና ጥበቃ ባለሥልጣን ከፍራንክፈርት ዙኦሎጂካል ሶሳይቲ እና ከተለያዩ አጋር አካላት ጋር በመተባበር በባሌ ዞን ጎባ ከተማ ዋቢሸበሌ ሆቴል እያካሄደ ያለው የንቅናቄ መድረክ ጥር 20 ቀን 2011 ዓ.ም. ጀምሯል።

ጉባኤውን በንግግር የከፈቱት የባለሥልጣኑ ምክትል ዋና ዳይሬክተር አቶ ሠለሞን መኮንን የባሌ ተራሮች ብሔራዊ ፓርክ ውስጥ የሚታዩ የልማትና ጥበቃ ችግሮች ለመፍታት የተዘጋጀውን መድረክ እውን እንዲሆን አጋሮች ላበረከቱት አስተዋጽኦ ምስጋናቸውን አቅርበዋል።

አቶ አስቻለው የብሔራዊ ፓርኩ ሃላፊ ናቸው። በመድረኩ የባሌ ተራሮች ብሔራዊ ፓርክን ጸጋዎች ፓርኩን አደጋ ላይ እየጣሉ ያሉ ስጋቶችን በዝርዝር አቅርበዋል። ፍራንክፈርት ዙኦሎጂካል ሶሳይቲ የባሌ ተራሮች ብሔራዊ ፓርክን ለማልማት ከፍተኛ መስዕዋትነት እየከፈሉ ካሉ አጋር አካላት ግንባር ቀደሙ ነው። ተቋሙ እየሠራቸው ያሉትን ስራዎች ሚር ቲልማን ጃገር በዘጋቢ ፊልም አስደግፈው አቅርበዋል።

የባሌ ዞን ዋና አስተዳዳሪ ክቡር አቶ ኢብራሂም ሀጂ በንግግር የከፈቱት መድረክ ከህዝብ ተወካዮች ምክር ቤት። ከፌዴራል ተቋማት ከመዳወላቡ ዩኒቨርሲቲ ከአጋር አካላት ፓርኩን ከአካለሉ ወረዳዎችና ጉዳዩ ከሚመለከታቸው ተቋማት የተጋበዙ ተሳታፊዎች ታድመውበታል።

ሕገ ወጥ ሰፈራ: ደን ምንጠራ : ቃጠሎ: ግጦሽና መሰል ችግሮች አንድ ፓርክ ሆኖ ሺ ተፈጥሮ የታደለውን ብሔራዊ ፓርክ በዓለም ቅርስ ለማስመዝገብም ሆነ ጠብቆ ለትውልድ ለማኖር የሚሰሩ ስራዎች ላይ የሚመክረው ጉባኤ እስከ ዛሬ ይቀጥላል።

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** የተለያዩ ኢትዮጵያን የተመለከቱ አለም አቀፋዊና ሀገራዊ ዜናዎችን ለእንግሊዝኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close