Connect with us

Environment

“ባሌ ሮቤ ኢንዴምና” ባሌ ገበሬው ገብስ: እግዜር ንጹሕ አየር የዘራበት ምድር

Published

on

"ባሌ ሮቤ ኢንዴምና" ባሌ ገበሬው ገብስ: እግዜር ንጹሕ አየር የዘራበት ምድር

“ባሌ ሮቤ ኢንዴምና” ባሌ ገበሬው ገብስ: እግዜር ንጹሕ አየር የዘራበት ምድር

(ተጓዡ ጋዜጠኛ ሄኖክ ስዩም ወደ ባሌ ተጉዟል። አስደናቂውን የባሌ ተራሮች ብሔራዊ ፖርክ ለመታደግ በተዘጋጀው የውይይት መድረክ ለመሳተፍ ባሌ ሮቤ ገባሁ ሲል የምድሩን ድንቅ ውበት መዲናዋ ቆሞ እንዲህ ያስጎበኘናል፡፡ )
ሄኖክ ስዩም በድሬቲዩብ

ባሌ ሮቤ ገባሁ። ሮቤ መግባት ወደ ተፈጥሮ እልፍኝ መሰስ ማለት ነው። እዚኽ የምድር በረከት በዐይን ይታያል። ሮቤ ደምቃለች። በሶፍ ዑመር ግርማ በሸከና ሁሴን ዱዐ በሀረና ትንፋሽ ምድሩን ለአስዋበው ባሌ ዞን መዲና ናት።

መሃል ጎዳናዋ ቆሜ አደባባይዋን አየሁት። ጄነራል ዋቆ ጉቱን ለማሰብ የቆመ ቅጥር ነው። ግዙፍ ቢልቦርድ ቆሟል። ኦቦ ለማ በአንድ በኩል ይታያሉ። ዶክተር አብይ ደግሞ በሌላ ጥግ። አቶ ገዱና አቶ ደመቀን የያዘው ቢል ቦርድ የሮቤን ልብ ይነግረናል።

የሮቤ ጎዳናዎች ደማቅ የንግድ ኮሪደሮች እየኾኑ ነው። መዳ ወላቡ ዩኒቨርሲቲ ለዞኑ ከተማ ድምቀት አንዱ ምክንያት ነው።

የሚዘናፈል ገብስ ለስሶ የሚተነፍሰው አየር ሮቤ ሆቴል አርፎ የሚሳበው አየር መዓዛ ኾነዋል። ባሌ ሮቤ ከፍታ ላይ ከሚገኙ የሀገራችን ከተሞች አንዷ ናት። ከተማዋ ከባህር ጠለል በላይ 2492 ሜትር ከፍታ ላይ አርፋለች።

እየመሸ ነው። ቢቀዘቅዝም ደስ የሚል አየር ይነፍሳል። ጥር ነው ሠርገኞች ከጎባ ሸበሌ የፎቶ ፕሮግራም መልስ የጎዳናዋን አደባባይ በመኪና እየዞሩ ነው። በሮቤ ድምቀት ላይ እሁድ ደርሶ ሠርግ ሲጨመርበት የሚታየው አጀብ ልብ ይሞላል።

ሮቤ ሐሙስ ትደምቃለች። ማክሠኞም ቢኾን ገበያዋ ሞቅ ያለ ነው። ከሳነቴ የሚወረወር አየር ከዋቤ ሸለቆ ሽቅብ የሚወጣ ወበቅ ተቀጣጥረው ከሚገናኙባቸው አካባቢዎች አንዷ ስለኾነች ሀሩርና ወርጭ ያላሸነፏት አየረ ሸጋ ደጋማ መዲና ኾናለች። እዚህ ማደር መታደል ነው።

ነገ ወደ ባሌ አናት እወጣለሁ። ሺህ ተፈጥሮን ለማየት አቀናለሁ። ሮቤን ድንቅ የገበሬ ማሣ ከቧታል። ገበሬው ገብሱን። እግዜሩ ንጹህ አየር የዘራበትን ምድር እቆይበታለሁ። ያየሁትን ታያላችሁ። ባሌ ተራሮች ብሔራዊ ፓርክን በዩኔስኮ ለማስመዝገብ የሚመክረውን ሀገራዊ መድረክ ድባብ አካፍላችኋለሁ።

በማይሰስት አርሶ አደር መዲና ነኝ። ሮቤ የመጀመሪያ ቀኔን በደስታ እንዳሳልፈው አድርጋኛለች። ቀሪዎቹ ቀናት እስከ ሪራ እንሄዳለን። አብረን ነው። አስኔ ዲንዴሾ ባሌ ሮቤ ኢንዴምና ያለን እንዲኽ ያለው ምድር እንግዳ እንድንኾን ነው።

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** የተለያዩ ኢትዮጵያን የተመለከቱ አለም አቀፋዊና ሀገራዊ ዜናዎችን ለእንግሊዝኛ ለማንበብ www.ethio.news ይጉብኙ

 

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close