Connect with us

History

‹‹የመሪያችንን አስከሬን ማንም እንዳይነካ!!››የፓርላማ አባላት

Published

on

‹‹የመሪያችንን አስከሬን ማንም እንዳይነካ!!››የፓርላማ አባላት

‹‹የመሪያችንን አስከሬን ማንም እንዳይነካ!!››የፓርላማ አባላት | በኃይሉ ሚዴቅሳ ፍስሃጽዮን

የፓርላማ አባላቱ ተቆጥተዋል፡፡‹‹የዚህን ሰው አስከሬን ከተቀመጠበት ይነሳ ብላችሁ የምትቀሰቅሱ እናንተ ሆይ፣ ሕዝብን ለመከፋፈል የምትፈልጉ ክፉዎች ናችሁ፡፡ ሰውዬውን ከታሪክ አንፃር እንጂ ከፖለቲካ አኳያ መመልከት አቁሙ፡፡ የዚህን ሰው መቃብር እጣፈንታ የሚወስነው ቀጣዩ ትውልድ እንጂ እኛ አይደለንም›› ይህንን ያሉት የሩሲያ የፓርላማ አባላት ናቸው፡፡ ጉዳዩን የአገሪቱ ቴሌቭዥን ሩሲያ ቱዴይ ሰፊ ሽፋን ሰጥቶታል፡፡

ያ ታላቅ ሰው ለአገሩ እንደዋተተ፣ በአገሩ ሞተ፤ ለሩሲያ እንደተዋደቀ፣ በሞስኮ ወደቀ፡፡ ለሩሲያ ወዛደሮች ሲል ተሳድዷል፤ ለዚያች ሀገር ምንዱባን ሲል ታስሯል፤ ለዓለም ላባደሮች ሲል ተንከራትቷል-ቪላድሚር ኤሊይች ኡልያኖቭ ሌኒን፡፡

ይህ ሰው በ1924 ዓ.ም በአንጎል ሕመም ከሞተ በኋላ፣ ማውዞልዩም በተሰኘ ሙዚየም ውስጥ በሞስኮቭ ተቀብሯል፡፡ በርግጥም የጥቅምቱንም ሆነ የጥሩን የ1917 የሩሲያ አብዮት ያለዚህ ሰው ማሰብ አዳጋች ነበር፡፡ ባላባቶችን፣ ቡርዣዎችንና አድሃሪያንን በታትኖ የሩሲያን ጭቁኖች ነፃ አውጥቷል፤ የሩሲያን የኢኮኖሚ አብዮትም አቀጣጥሏል ብለው የሚያስቡ የዚያች አገር ሰዎች የመኖራቸውን ያህል፣ በአገራችን ውስጥ ኢሰብዓዊነት ተስፋፍቶ እልፍ ሰዎች እንዲገደሉ አድርጓል የሚሉም አሉ፡፡ እናም አስከሬኑ ካረፈበት ይነሳ ብለው ቀሰቀሱ፡፡

‹‹ይህ ሰው በዘመኑ የሚችለውን አድርጎ ሞቷል›› ያሉ የሩሲያ ፓርላማ አባላት ግን ሰሞኑን ባሳለፉት ውሳኔ፣ ‹‹የዚህ ሰውዬ አስከሬን፣ ካረፈበት ቦታ አይነሳም፤ ይህ ጉዳይ ማንንም ማስጨነቅ የለበትም›› ብለዋል፡፡

ሌኒን እወደዋለሁ፡፡ ፈርዶብኝ ደስ ይለኛል፡፡ ይህ ሰው የርዕዮት፣ የአብዮትና የመርህ ሰው ነው፡፡ ከወሬ ይልቅ ሥራ ያነቃቃው ነበር፡፡ከሐብታም ይልቅ ለድሃ መስራት ወጉ ነበር፡፡ ዓለምን ለሁለት የከፈለ ርዕዮት ይዞ፣ በሩሲያ አብዮትን ያቀጣጠለው ጸረ-ፊውዳል ሰው፣ የምድራችን የመጀመሪያው ሶሻሊስት የአገር መሪ ለመሆን የበቃ ነው፡፡ በእውነቱ ገና በአምስት ዓመቱ ማንበብና መፃፍ የቻለ፣ ገና በልጅነቱ የዶስቶቭስኪን፣ የፑሽኪንን፣ የቶልስቶይንና የቼርኒሼቭስኪን ድርሰቶች ቅርጥፍ አድርጎ ያነበበ ሰው ከሌኒን ውጭ በዚያ ዘመን ምድር ላይ ስለመኖሩ ማረጋገጫ የለም፡፡

ዓለማችን የሱን ያህል የፖለቲካ ድርሰቶችን የፃፈ ሰው የላትም፡፡ በሰላሳ ዓመት የፖለቲካ ትግሉ ከአንድ መቶ በላይ መጻሕፍትን ጽፏል፡፡ ብዙ ሺህ አርቲክሎችን በመጽሔትና በጋዜጦች ላይ አሳትሟል፡፡ እነዚህ ሥራዎቹም በ55 ዓለማቀፍ ቋንቋዎች ተተርጉመውለታል፡፡ ይህንን ያህል ክብር ያገኘ ደራሲ ዓለማችን እስካሁን አላፈራችም፡፡

የወዛደርና የወታደር ጠበቃ፣ የአርሶ አደርና የድሃ አለኝታ ቪላድሪሞቪች ሌኒን አሁን አስከሬኑ ሳይበሰብስ፣ በሞስኮቭ አንድ ሙዚየም ውስጥ በጥብቅ ጥበቃ ላይ ይገኛል፡፡ አክራሪ ጸረ-ቦልሼቪክሶችና ጸረ-ሌኒኖች የዚህ አብዮተኛ አስከሬን ካረፈበት ተነስቶ እንዲቃጠል፣ ግፋ ሲልም እንዲሰቀል ይፈልጋሉ፡፡ ሆኖም የሩሲያ ፓርላማ አባላት አይደረግም ብለዋል፡፡ የሌኒን አንድ ሚሊዮንኛ ሥራ ያልሰራ ሰው የሰውዬውን አስከሬን ለማስነሳት ሲጣደፍ የታዘቡት እነዚህ ሹማምንት፣‹‹እንዲህ ያለስ ነገር ታይቶ አይታወቅም፤ እስኪ በቅድሚያ እናንተ ለአገራችሁ የምትችሉትን አድርጉ›› ብሏቸዋል፡፡

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** የተለያዩ ኢትዮጵያን የተመለከቱ አለም አቀፋዊና ሀገራዊ ዜናዎችን ለእንግሊዝኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close