Connect with us

Ethiopia

የኦነግ ማሥፈራሪያ

Published

on

የኦነግ ማሥፈራሪያ | በኃይሉ ሚዴቅሳ ፍስሃጽዮን

የኦነግ ማሥፈራሪያ | በኃይሉ ሚዴቅሳ ፍስሃጽዮን

የኦሮሞ ነፃነት ግንባር አሁንም መግለጫ አውጥቷል፡፡ በመግለጫው ላይም የኦሮሞ ሕዝብ በኦዲፒ (ኦሕዴድ) ላይ ለአመጽ እንዲወጣ ጠርቷል፡፡ ‹‹እንደ ትናንቱ ከያለንበት ሁሉ በአንድነት ተነስተን ›› የጠቅላይ ሚኒስትር ዓቢይን መንግሥት እንቃወም ብሏል፡፡

ኦነግዬ ለሰላማዊ ትግል ከአስመራ ድረስ ና ተብሎ ቢገባም ዛሬም አደብ አልገዛም፡፡ እያስፈራራን ነው፡፡ መንግሥት 18 ባንኮችን ዘርፎኛል፤ ንፁሃንን አፍኖ እየወሰደብኝ ነው፤ መዋቅሬን እያፈረሰብኝ ነው እያለ በመክሰስ ላይ ነው፡፡

እንደ እውነቱ ከሆነ ኦነግ ይህንን ለማድረግ ሞራል ቢኖረውም ባይኖረውም፣ ያለ አንዳች ዋስትና የታጠቀን ኃይል ሕዝብ ላይ የበተነ መንግሥት ግን ለዚህ ሁሉ ቀውስ ኃላፊነት መውሰድ አለበት፡፡

ምንም ይሁን ምን ኦነግ (አቶ ሌንጮ ባቲ በአንድ መድረክ ላይ እንዳሉት) ሶስት ዞኖችን እያስተዳደረ ነው፡፡ ይህንን ሲያደርግ ብዙ ሰው ሞቷል፤ እልፍ ንብረት ወድሟል፤ ሺህዎች ተፈናቅለዋል፡፡ ይህ ሁሉ ሲሆን ግን ግብር ከፍለን ያቆምነው መንግሥት የማንን ጎፈሬ ሲያበጥር እንደነበር እንጃ!

የትናንቱ የኦነግ መግለጫ እንዲህ ይላል፤

‹‹የሕግ ማስከበር በሚል ስም እየተሳደዱ (የኦነግ አባሎችና አመራሮችን ማለቱ ነው)፣ ዛቻ እየደረሰባቸው፣ እየታሰሩና እየተገደሉ ነው›› ይልና ይህንን የጠቅላይ ሚኒስትር ዓቢይ መንግሥት ያስቆም ዘንድ አበክሮ ይጠይቃል፡፡ ይህ ካልሆነ ግን ቄሮም ወደ አደባባይ ሊወጣ እንደሚችል ያስጠነቅቃል፡፡

በእውነቱ ይህ የት ያደርሰን ይሆን፡፡ ማነው ፈቺ ማነው አስፈቺ ያሉን ኦቦ ዳውድ ፣በኦሮሚያ ውስጥ ብቻ 11 የማሰልጠኛ ጣቢያዎች እንዳላቸው የነገረን መንግሥት ነው፡፡ አንድ የፖለቲካ ድርጅት ይህንነ ያህል ወታደራዊ ማሰልጠኛዎችን ከፍቶ ሲሰራ የመንግሥት ደህንነትም ሆነ የክልሉ አስተዳደር የት አገር ማኪያቶ እየጠጣ እንደነበር እንጃ፡፡

መጨረሻ ላይም ሕዝብ ዋጋ ይከፍል ጀመር፡፡ ሕክምና ተቋረጠ፤ ትምኅርት ቆመ፡፡ መንገዶች ተዘጉ፣ ገበያ ቀረ፡፡ ዜናው ግጭት ጦርነትና መፈናቀል ሆነ፡፡ የሚሰማውም ድምጽ ጠብመንጃና ጥይት ሆነ፡፡ ኦነግም ማስፈራራቱን ቀጥሏል፡፡

ኤሎሄ ኤሎሄ ላማ ሰበቅታኒ!!

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** የተለያዩ ኢትዮጵያን የተመለከቱ አለም አቀፋዊና ሀገራዊ ዜናዎችን ለእንግሊዝኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close