Connect with us

Ethiopia

የፖሊስ አዛዡ የተፈጸመበት የግድያ ሙከራ፣ በጠቅላይ ሚኒስትር ዓቢይ አንደበት

Published

on

የፖሊስ አዛዡ የተፈጸመበት የግድያ ሙከራ፣ በጠቅላይ ሚኒስትር ዓቢይ አንደበት | ከበኃይሉ ሚዴቅሳ ፍስኃጽዮን

የፖሊስ አዛዡ የተፈጸመበት የግድያ ሙከራ፣ በጠቅላይ ሚኒስትር ዓቢይ አንደበት | ከበኃይሉ ሚዴቅሳ ፍስኃጽዮን

‹‹ወለጋ ባለፉት ሶስት አራት ወራት ችግር በነበረበት ሰዓት .. ወደ ግጭት አልገባንም፡፡ በቅርቡ አንድ እዚሁ አካባቢ የሚሰራ ልጅ፣ ሂድና አገልግል ብለን ላክነው፡፡ ደምቢዶሎ ፖሊስን እንዲመራ ነበር የላክነው፡፡ ይሄ ልጅ ልጆች አሉት ቤተሰብ አለው፡፡ …ሄደህ አገር አገልግል ብለን የላክነው ልጅ ተመታ፡፡ … በጣም የሚያሳዝነው መመታቱ አይደለም፡፡ ከተመታ በኋላ ሆስፒታል ለሕክምና ሲወሰድ መታከም አትችልም ተባለ፡፡… እሺ ብለን ደግሞ ሄሊኮፕተር ልከን ልናወጣው፣ ሄሊኮፕተር ስንልክ እንዳያርፍ ማረፊያው ላይ ሰዎች ተኙበት፡፡

‹‹ይሄ በዓለማቀፍ የጦርነት ሕግ የለም፡፡ ወገኖቼ፣ ማንም ቢማረክ ማከም ግዴታ ነው፡፡ እንኳን የራስ ወገን!! ኤርትራም ይሁን፣ ራሺያም ይሁን ጦርነት ገጥሞ ከተማረከ በኋላ ሰውዬው እንዲታከም የሚያደርግ የምርኮኛ ሕግ አለ፡፡ እንኳን በገዛ ሐገሩ እንኳን በገዛ ሐገሩ ሕዝብ ላገልግል ያለን ቀርቶ!! ይሄ ጥሩ አይደለም፤ ጥሩ አይደለም፡፡ በፍጥነት መስተካከል አለበት፡፡››

ጠቅላይ ሚኒስትሩ ይህንን የተናገሩት ባሳለፍነው ሳምንት መምህራንን በሰበሰቡበት ወቅት ነው፡፡ ንግግራቸውን ሲያሰሙ ፊታቸው ቅጭም ቅፍፍ ብሎት ነበር፡፡ ‹‹ከምንናገረው በላይ ብዙ ነገር ችለን ዝም ብለናል፤ከዚህ በኋላ አምባገነን ለመሆን ጫፍ ላይ ነው ያለነው›› አሉ፡፡ በዚያን እለት የነበረው የእርሳቸው ንግግር ብዙ ጉዳዮች የተነሱበት፣ እርሳቸውም ኮስተር ብለው የቀረቡበት ነበር፡፡

‹‹ከምንናገረው በላይ እየተደረገብን ዝም ብለናል›› የሚለውን የጠቅላይሚኒስትሩን ንግግር ተከትሎ በዚያው ሰሞን ለመገናኛብዙሃን መግለጫ የሰጡት ምክትል ኤታማዦር ሹሙ ጀኔራል ብርሃኑ ጁላ፣ ለጆሮ የሚቀፍፉ ለአይን የማይጥሙ ብዙ ግፎች መፈጸማቸውን፤እነዚህንም በቅርቡ በቪዲዮ ለሕዝብ እንዲደርሱ እንደሚደረግ በአጽንኦት ተናግረዋል፡፡

አሁን ደግሞ ብዙ ነገሮች ከዚያ አካባቢ እየሰማን ነው፡፡ 10 ባንኮች ሚሊዮን ብሮቻቸውን ተዘረፉ፡፡ የባንኮቹ መዘረፍ አልበቃም፡፡የድሃ ልጆች፣ መንግሥትን አምነው የተቀጠሩ የባንክ ሠራተኞችም ታፍነው ተወሰዱ፤ የት እንደደረሱም አይታወቅም፡፡

ታግተዋል፤ታፍነዋል፡፡ ዛሬ ጠዋት ይፋ የሆነው የቢቢሲ ዘገባ በርግጥም አስደንጋጭ ነው፡፡ እንዲህ ያለ ነገር የምንሰማው ምዕራብ አፍሪቃ ቦኮሃራም ግዛት ውስጥ፣ አለያም አልሸባብና አይኤስ ቀጣናዎች ላይ ነው፡፡

ምዕራብ ወለጋ ሆይ ቀጣይዋ ቦርኖ ግዛት፣ ቀጣይዋ ባይደዋ፣ ቀጣይዋ አሊፖ እንዳትሆኚ ጸሎቴ ነው፡፡ ዝሆኖችም በጸባቸው የሚያወድሙትን ሳር ያቆሙ ዘንድ ልቦና ይስጣቸው፡፡

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** የተለያዩ ኢትዮጵያን የተመለከቱ አለም አቀፋዊና ሀገራዊ ዜናዎችን ለእንግሊዝኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close