Connect with us

Ethiopia

‹‹ሁለት አማራጭ አለን ወይ ተያይዞ መጥፋት ወይም አብሮ ማደግ›› ጠቅላይ ሚኒስትር ዓቢይ አሕመድ

Published

on

‹‹ሁለት አማራጭ አለን ወይ ተያይዞ መጥፋት ወይም አብሮ ማደግ›› ጠቅላይ ሚኒስትር ዓቢይ አሕመድ

‹‹ሁለት አማራጭ አለን ወይ ተያይዞ መጥፋት ወይም አብሮ ማደግ›› ዓቢይ አሕመድ
(በኃይሉ ሚዴቅሳ ፍስሃጽዮን)

ጠቅላይሚኒስትር ዓቢይ የአንደኛና ሁለተኛ ደረጃ መምህራንን በሰበሰቡበት ወቅት የተናሩት አብዛኛው ነገር መሬት ጠብ አይልም፡፡የመምህራኑ መምህር ሆነው በዋሉበት መድረክ፣ሆምጣጣ እውነቶችን ሲያወሩ ተደምጠዋል፡፡

‹‹ኢትዮጵያ ሁለት አመራጭ አላት፤ወይ ተያይዞ መጥፋት ወይ ተያይዞ መልማት›› ሲሉ የተናገሩት ንግግር አንዱ ነው፡፡በርግጥም ይህ ንግግራቸው ትኩረት ሊሰጠው ይገባል፡፡አባባሉን ከወራት በፊት የትግራይ ክልል ም/ር/መ/ር ዶ/ር ደብረጽዮን ገብረሚካኤል ተናግረውት ነበር፡፡ከወራት በኋላ ይህንኑ ሐሳብ ቃልበቃል ጠቅላይሚኒስትር ዓቢይ ሲደግሙት ጉዳዩ እውነት ከመሆኑም ባሻገር፣የከፍተኛ አመራሩ አባላት የጋራ ግንዛቤያቸው እንደሆነም ያሳያል፡፡

በርግጥ ሁለቱም መሪዎች ልክ ናቸው፡፡እንኳን በዚህ በተዋለደ፣በተዋደደና እየተነጋገደ በሚውል የአንድ ሀገር ሕዝብ ላይ ቀርቶ በተለያየ ንፍቀ ክበብ ውስጥ የሚኖሩ ሐገሮች በሚወስኑት ውሳኔና በሚፈጽሙት ተግባር ብዙ ጉዳዮች ተከስተዋል፡፡

አሜሪካ በቻይና ምርት ላይ ኮታና ታሪፍ ስትጨምር ሚሊዮን ቻይናዊያን ሥራ አጥ ሆነዋል፡፡አውሮጳ ሕብረት ሩሲያ ላይ ማዕቀብ ሲጥል እነሉቲኒያና ሀንጋሪ የፍራፍሬ ምርታቸውን መሸጫ አላገኙም፡፡የ2011ዱ የመካከለኛው ምሥራቅ አብዮት ሲቀሰቀስ በኢትዮጵያ የትራንስፖርትና የሸቀጥ ዋጋ ያሻቀበው የነዳጅ ዋጋ 145 ዶላር በበርሜል በመሆኑ ነው፡፡ይሕ ዓለም የተሳሰረችና የተዛዘለች መሆኗን የሚያሳይ ክስተት ነው፡፡

ይህ እንግዲህ ዓለም ላይ እየሆነ ያለ እና የተከሰተ ሁነት ነው፡፡ጉዳዩ በዚህ አንዱ አንዱን ለማጥቃት ሲታጠቅ በሚያድር ማኅበረሰብ ውስጥ ሲሆን ደግሞ ብዙ አስፈሪ ነገሮች አሉት፡፡ በዚህ ግሎባላይዝድ ዓለም ውስጥ እየኖርን፣ጦር ሲሰብቅና ነጋሪት ሲጎስም የሚውል ባለሥልጣንና ሕዝብ የመጨረሻ ግቡ የጋራ ውድቀትን ማምጣት እንጂ፣አንዲት መስመር መልካም ውጤት ሊያመጣ አይችልም፡፡
አንዱ ባለሥልጣን ከሌላው ክልል አቻው ጋር በሥልጣንም ይሁን በኢኮኖሚ ጥቅም ምክንያት ያበቀለውን ጸብ ወደ ሕዝብ አውርዶ፣‹‹እነ እንትናን ለመውጋት ገበሬውን እያስታጠቅን፣ወጣቱን እያሰለጠንን ነው›› ይላል፡፡

ይህ በጠቅላይሚኒስትር ዓቢይ አገላለጽ በጋራ መጠፋፋት ነው፡፡ሩቅምሥራቅ ላይ የተፈጸመ ነገር ሰሜን አሜሪካን እየጎዳ፣ መካከለኛው ምሥራቅ ላይ የተከሰተ ነገር በቀጥታ በአዲስ አበባ ነዋሪዎች የእለት ከእለት ሕይወት ላይ ተጽእኖ እያሳደረ፣…እዚህ ምዕራብ ኢትዮጵያ የሚፈጠር ጨለማ ለምሥራቁ ብርሃን ይዞ ይመጣል ብሎ የሚያስብ ካለ፣ሰሜን ላይ የሚደመጥ ጎምዛዛ ነገር ለደቡቡ ጣፋጭ ነገር የሚያዘንብ የሚመስለው ካለ፣በዶ/ር ዓቢይ አነጋገር ‹‹ደንቆሮ›› ነው፡፡ውጤቱም በጋራ መጠፋፋት እንጂ፣አብሮ ማደግ አይሆንም፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close