Connect with us

Education

ጎንደር ዩኒቨርሲቲ ለሦስተኛ ጊዜ የኢትዮጵያ ጥራት ሽልማትን በተከታታይ አሸነፈ

Published

on

ጎንደር ዩኒቨርሲቲ ለሦስተኛ ጊዜ የኢትዮጵያ ጥራት ሽልማትን በተከታታይ አሸነፈ

ጎንደር ዩኒቨርሲቲ ለሦስተኛ ጊዜ የኢትዮጵያ ጥራት ሽልማትን በተከታታይ አሸነፈ፡፡ ዩኒቨርሲቲው ዘንድሮ ልዩ ተሸላሚም ሆኗል፡፡

ዓመታዊው የኢትዮጵያ የጥራት ሽልማት ትናንት ጥር 2 ቀን 2011 ዓ.ም. በብሔራዊ ቤተ መንግሥት በታላቅ ድምቀት ተካሂዷል፡፡ ጎንደር ዩኒቨርሲቲ በከፍተኛ ትምህርት ተቋም በጥራት ብቃት ለሦስተኛ ጊዜ የአንደኝነት ደረጃን በተከታታይ ተቀናጅቷል፡፡

በምሽቱ አከታትሎ ላስመዘገበው የአንደኝነት ደረጃም ልዩ ተሸላሚ ሆኗል፡፡ ሽልማቱን የጎንደር ዩኒቨርሲቲ ፕሬዚዳንት ዶክተር ደሳለኝ መንገሻ ተቀብለዋል፡፡

በንጉሠ ነገሥቱ ፍቃድ የጎንደር ገበሬዎች ያለ ካሳ መሬታቸውን በመልቀቅ እውን ያደረጉት ጎንደር ዩኒቨርሲቲ ማኅበረሰብ አቀፍ ስራዎችን በመስራት ስሙን ከፍ ያደረገ ከፍተኛ የመንግስት የትምህርት ተቋም ነው፡፡

ከዐፄዎቹ የስፖርት ክለብ ጎን ቆሞ ለስፖርት አፍቃሪያኑ አለኝታነቱን ያሳየው የጎንደር ዩኒቨርሲቲ በህክምና፣ በህግ፣ በግብርናና በቱሪዝም ዘርፎች ስኬታማ የማህበረሰብ አቀፍ የልማት ስራዎችን በመስራት ከማስተማሩ ጎን ለጎን ህዝባዊ የሆነ ተቋም መፍጠር የቻለ ነው፡፡

ዓመታዊው የኢትዮጵያ የጥራት ሽልማት በተለያየ አፈጻጸም በጥራት መስክ የተቀመጡ መስፈርቶችን ያሟሉ ተወዳዳሪዎች ተመዝነው እውቅና የሚያገኙበት ብሔራዊ ሽልማት ነው፡፡ በዘንደሮው ሽልማት አማራ መልሶ ማቋቋም ድርጅት በከፍተኛ ውጤት ሐረር ቢራ ደግሞ እጅግ በከፍተኛ ውጤት የአንደኛ ደረጃ ተሸላሚዎች ሆነዋል፡፡

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** የተለያዩ ኢትዮጵያን የተመለከቱ አለም አቀፋዊና ሀገራዊ ዜናዎችን ለእንግሊዝኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close