Connect with us

Law or Order

ከ26 አመት ቆይታ በኋላ በተፋው ማስቲካ የተያዘው ነፍሰገዳይ ዲጄ

Published

on

ከ26 አመት ቆይታ በኋላ በተፋው ማስቲካ የተያዘው ነፍሰገዳይ ዲጄ

ከ26 አመት ቆይታ በኋላ በተፋው ማስቲካ የተያዘው ነፍሰገዳይ ዲጄ | Bekky@diretube

በጎርጎሮሲያውያኑ 1992 መምህርት የነበረችውና በወቅቱ የ25 አመት ወጣት የነበረችው ክርስቲ ሚራክ በጊዜው ይመጣብኛል ብላ ያላሰበችው ክስተት ለህይወቷ ማለፍ ምክንያት ሆኖ ነበር።

አብረዋት ይኖሩ የነበሩ ጓደኞቿ ለገና እቃ ግዥ ወጣ እንዳሉ ነበር አንድ ሰው በሯን ገንጥሎ ስብዕናዋን በሚያዋርድ መልኩ ከደፈራት በኋላ ህይወቷ ያለፈው።

በጊዜውም የምታስተምርበት ትምህርት ቤት ርእሰመምህር በማስተማር ስራዋ ላይ በተከታታይ አለመገኘቷን እና ስልክም በተደጋጋሚ ቢደወልላት አለመመለሷን አስተውለው ወደ ቤቷ ሲያቀኑ ነበር በደም ያደፈ ሰውነቷንና የሞተ በድኗን ያገኙት።

ፖሊስም መረጃውን ካገኘ በኋላ 60 የሚደርሱ ተጠርጣሪዎችን ይዞ ቢመረምርም ሁነኛውን ነፍሰገዳይ መያዝ አልተቻለውም ነበር።

በወቅቱ ለተማሪዎቿ ሰርፕራይዝ አዘጋጅታ ልትወጣ ስትል ነበር ወንጀለኛው የያዛት ህይወቷንና ሴትነቷን ለማዳን በተደረገ መፍጨርጨር ህይወቷ እንዳለፈ የገመተው ፖሊስ ምርመራውን ውስጥ ለውስጥ በማድረግ ረጅም ርቀት ተጉዞ በአንድ የተማሪዎች ፕሮግራም ላይ ሲያጫውት የነበረው ዲጄ የተፋውን ማስቲካና ጠጥቶ ያልጨረሰውን ውሀ ላይ ያገኛቸውን የዲኤን ኤ ናሙናዎች በወቅቱ ከክርስቲ አፓርታማ ካገኛቸው ጋር በማመሳከር ዲጄ ፍሪዝ ወይንም በመደበኛ ስሙ ሬይሞንድ ቻርለስ ሮዊን ወንጀሉ ከተፈጸመ ከ26 አመት በኋላ በቁጥጥር ስር ያዋለው።

ስለጉዳዩም ተጠይቆ “እጅግ በጣም አዝናለሁ ቤተሰቦቿ በምን አይነት ሁኔታ ውስጥ እንዳለፉ መገመት ይቸግረኛል በወቅቱ ልጅነት አሳስቶኝ ስሜቴን ብቻ አድምጬ እጅግ አጥፍቻለሁ” ያለው የያኔው ወጣት የአሁኑ የ50 አመት ጎልማሳ ሬይሞንድ ሮዊ የእድሜ ልክ ጽኑ እስራት ተፈርዶበታል።

ወንድሟ ቬንስ ሚራክም ተጠይቆ በእግዚአብሔር ተዓምራትና በቴክኖሎጂ ባይሆን ኖሮ የእህቱ ገዳይ ላይገኝ ይችል እንደነበር ጠቁሞ “ለገና አቅራቢያ በቤተሰባችን ላይ የደረሰው ውርጅብኝ የምንወደውን የገና በዓል እንዲያስጠላን ምክንያት ሆኗል” ይላል።

ሬይሞንድ ሮዊ በወቅቱ ከክርስቲ መኖሪያ በ6 ኪሎሜትር ይርቅ የነበረ ሲሆን ከዚያ በፊት ይተዋወቁ አይተዋወቁ የተባለ ነገር የለም። ሆኖም በእለቱ አንድ የአይን እማኝ እንዳለው ነጭ ቶዮታ ቆማ እንዳስተዋለ ተናግሮ ነበር። ያኔ በብሬክ ዳንሱና በምርጥ የዲጄነት ችሎታው የሚታወቀው ሬይመንድ መኪናም ያቺ ነበረች።

ሆኖም ረጅም ጊዜ የፈጀው ድብቅ የምርመራ ሂደት የተተፋን ማስቲካ ለዲኤን ኤ ናሙናነት ተጠቅሞ ከ26 አመት በኋላ ወንጀለኛ ይዟል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close